تجديد باقة وي النت الارضي المنزلي قبل الميعاد we

خطوات تجديد باقة النت الأرضي We قبل الميعاد عبر ميزة التجديد المبكر للانترنت المنزلي.

تجديد باقة we الارضي قبل الميعاد

اذا كنت مشترك في خدمه النت المنزلي مع شركة المصرية للاتصالات او وي we,فبعد اختيار الباقة المناسبه لاستخدامك وايضاً سعه الباقة المناسبه, فكل باقة بيكون ليها عدد محدد من الجيجابايت اللى تقدر تستخدمه بالسرعه الكامله للخط بتاعك,وبعد انتهاء السعه الخاصه بالباقة بتنخفض السرعه تلقائياً الى 256 Kb على الثانية,واللى بتكون سرعة قليلة جداً ممكن بالكاد تكفي لارسال بعض الرسائل على تطبيق الواتساب او الماسنجر مثلاً.


ولما بتنخفض السرعه كثير من المستخدمين مبتقدرش تتحمل السرعه القليلة دي وبيكون قدامها حلين,الحل الاول وهو الباقات الاضافية ولكن اذا كان باقى على موعد تجديد الباقة اقل من 10 ايام فالحل دا ليس الحل المثالي,والحل الآخر هو تجديد باقة الانترنت المنزلي من شركة وي قبل ميعاد التجديد,بمعني دفع قيمه اشتراك الباقة حالاً وبدء السعه او الجيجابايت من جديد.

 

تجديد باقة الانترنت المنزلي we قبل الميعاد.

ويمكنك تجديد باقة النت المنزلي قبل ميعاد بكل سهولة طالما ان الفاتورة الخاص بيك نزلت وموجوده للدفع,وفي الغالب لو انت فاضل على موعد تجديد الباقة الخاص بك 10 ايام اكيد هتلاقي فاتورة الانترنت الخاصه بك موجوده وتقدر تدفعها,ولكن لو جربت تدفعها لن يتم تجديد الباقة بمجرد الدفع ولكن هيتم احتساب ان تم دفع الفاتورة وفى الوقت المحدد لتجديد باقة النت الخاصه بك هيتم تجديدها تلقائياً.

 

ولكن تقدر تجدد باقة النت بمجرد دفع الفاتورة عن طريق الاتصال بخدمه العملاء 19777 او 111 ,فممكن تتصل بيهم عن طريق التليفون الارضي وتطلب من خدمه العملاء تجديد باقة النت الخاصه بك لانك بالفعل دفعت الفاتورة المستحقة ,وهيتم تجديدها وهيكون اليوم اللى تم التجديد فيه هو اليوم اللى هتجدد فيه الشهر الجاي ,بمعني اصبح اليوم دا هو يوم بداية الباقة بالنسبه لك.

 

وتقدر كمان توفر وقت اكثر ومتكلمش خدمه العملاء وعن طريق عمل حساب فى موقع وي او تطبيق ماي وي , بعد دفع الفاتورة تدخل الى حسابك الخاص بادارة الخط الارضي,وهيظهر ليك تجديد باقة الانترنت قبل الموعد ،  لو ضغط علي الرسالة دي, هتظهر ملاحظه بتقولك برجاء العلم ان موعد تجديد الباقة هيتغير الى النهارده ودا اللى شرحناه فى الاول,هتضغط موافق بشكل طبيعي وهيتم تجديد الباقة بدون التحدث الى خدمه العملاء ,وعن طريق ادارة الخط الارضي الخاص بك بحساب على موقع وي او التطبيق الخاص بالموبايل ماي وي.

 

طريقة تجديد باقة النت الارضي we قبل الميعاد.

زي ما شرحنا فى المقدمه تقدر تدفع الفاتورة وتكلم خدمه العملاء وتطلب منهم تجديد باقة we قبل الميعاد للنت الارضي,وسيتم تجديدها وهترجع الباقة الى سرعتها الاساسية او ممكن تجدد الباقة بنفسك بعد دفع الفاتورة من خلال انشاء حساب لادارة الخط الارضي على موقع وي او تطبيق ماي وي.

ملاحظة:حساب الموقع الالكتروني هوا نفس حساب التطبيق الخاص بالشركه ,فيتم انشاء حساب واحد تقدر تدخل من الموقع او من خلال التطبيق المتاح لموبايلات الاندرويد او الايفون.

  • اذهب الى اقرب منفذ فورى او مصاري لدفع الفاتورة.
  • كلم خدمه العملاء على 19777 او 111 .
  • اطلب من خدمه العملاء تجديد باقة الانترنت وهترجع الباقة لسرعتها الاساسية.
  • يمكن تجديد الباقة بدون التحدث الى خدمه العملاء عن طريق ادارة حسابك على موقع وي او تطبيق ماي وي.
  • افتح موقع "ادارة حساب الانترنت" او حمل تطبيق "ماي وي".
  • سجل حساب في الموقع او التطبيق وقم بتسجيل الدخول.
  • بعد تسجيل الدخول اذا تم دفع الفاتورة هتظهر قيمه الفاتورة كرصيد على التطبيق.
  • تقدر تستخدم الرصيد فى تجديد باقة الانترنت حالاً.
  • اضغط على ادارة نظامك اذا كنت فى التطبيق او مزيد من التفاصيل اذا كنت تستخدم الموقع.
  • هتلاقي كلمة تجديد الباقة اضغط عليها وهيتم تجديد الباقة.
طريقة تجديد باقة وي الارضي قبل الميعاد من التطبيق

 

زي ما باين فى الصورة الفاتورة متواجده كرصيد اقدر من خلاله اجدد الباقة بنفسي ومن غير ما اكلم خدمه العملاء وبيجيلك رسالة كمان للتأكيد.

  • اضغط على كلمة تجديد.
  • هيظهر ليك رسالة تحذيرية عشان لو في اي جيجابايت متبقية هتروح ومعاد التجديد هيتغير للنهاردة.
  • اضغط على موافق,وهيظهر رسالة تم التجديد بنجاح وجاري تنفيذ طلبك.
تم تجديد باقة وي الارضي قبل الموعد

تقدر تنفذ نفس الخطوات من غير التطبيق ومن خلال حسابك على موقع وي,ولكن التطبيق متوفر للاندرويد والايفون واسهل واسرع فى الاستخدام,هتستلم رسالة ان تم تجديد باقة النت المنزلي we مبكراً بنجاح ,وهتلاقي سعه الباقة بدأت من جديد واصبحت 140 جيجا.

 

تم استعاده السعه الكامله وتجديد الباقة قبل الميعاد

وكدا نكون شرحنا كيفية تجديد باقة الانترنت المنزلي We قبل الميعاد وبسرعه وبدون التحدث مع احد ممثلي خدمه العملاء,انتقل الي قسم الانترنت للاطلاع على المزيد من المقالات ، تابعنا على فيسبوك وتويتر ، دمتم بخير♥.

MO3Az
بواسطة : MO3Az
مؤسس موقع متطور ,أحب متابعة وتجربة جديد الشركات واقدم بعض الشروحات الخاصه بالكمبيوتر والهواتف ايضاً ♥
تعليقات



حجم الخط
+
16
-
تباعد السطور
+
2
-