القائمة الرئيسية

الصفحات

تحديد سرعة النت من الراوتر

لكل انواع الراوتر ,تحديد سرعه النت الواي فاي فى الراوتر,رواتر تي اي داتاTE-Data .راوترWe .راوتر ZXHN H108N V2.5 و راوتر HG 630 V2  ZTE الجديد والقديم.

طريقه تحديد سرعة  النت .التحميل والتصفح فى اي راوتر .سواء الروتر بتاعك قديم او جديد. هجمع ليك الطرق هنا. وهتطلع من المقال وانت محدد السرعه زي ما بتحب متقلقش .رواترWe TE-Data.راوتر ZTE. او حتى الروتر القديم  ZXHN H108N V2.5 ودا الروتر الخاص بيا والطريقه شغاله وهنقسم محتويات المقاله كالتالي:
 
1-تحديد سرعه الانترنت فى راوتر We الجديد.HG 630 V2,633
2-تحديد سرعة الانترنت فى راوتر TE-Data.
3-تحديد سرعة الانترنت فى راوتر ZXHN H108N Te-Data القديم.
4-تحديد سرعه الانترنت فى راوتر ZTE.
5-تحديد سرعة الانترنت فى راوتر TP-Link.
6-تحديد سرعة الانترنت فى راوتر LinkSys.


-ركز فى الشرح والخطوات وهيكون قدامك اكثر من طريقه هقولك كل الطرق.وانت جرب وهقولك اللى اشتغلت معايا..

 

- تحديد سرعه الانترنت فى راوتر We الجديد.

 لو انت اشتريت راوتر السرعات الجديده من تي اي داتا وبتعاني ان الباقه بتخلص معاك فى 10 او 15 يوم فالحل في ايدك ,انك ترجع سرعه النت بنفسك وتعمل تحديد سرعه النت من الراوتر الخاص بك ودا شرح للراوتر بتاعك ..
1- من اي متصفح سواء كمبيوتر او موبايل اكتب الاي بي الخاص بالروتر وهوا دا  192.168.1.1 

 
2- هتسجل دخول للروتر .. هتلاقي اسم المستخدم و الرقم السري على ظهر الروتر ولو روترك قديم يبقا admin او user للخانتين .. المهم انهم مكتوبين على ظهر الروتر الخاص بيك .
3- بعد تسجيل الدخول هتختار من اعلي خانة Internet  وبعدين Bandwidth Control.

كل اللى هتعمله انك هتكتب القيمه اللى عايز السرعه تشتغل بيها .. فمثلا اكتب 256 كدا  انت شغال بسرعه 5 ميجا وبرضوا عشان تتأكد حمل ملف كل ما تحدد السرعه وشوف هل دي السرعه اللى عايزها ولا لا ... 









- تحديد سرعه الانترنت فى راوتر Te-Data Hg 532N.

الروتر دا روتر مش الجديد ومش القديم فدا يعتبر ما بين الجديد وما بين القديم وايضاً راوتر Hg 531 V1  فتقريبا مقاربين لبعض ونفس الخطوات والشرح دا خاص بالاصدارات دي عشان تقدر تحدد سرعة النت.
1- هتفتح صفحه الروتر 192.168.1.1
2- هتسجل دخول عادي جدا باسم المتسخدم اللى بيكون admin و الرقم السري مكتوب على ظهر الروتر لو مش عارفه ..
3- هتختار  ADvanced >>Qos   
4- اختار Enable وبعدين اكتب السرعه اللى عايزها فى مربع Bandwidth

-  لو الطريقه دي مشتغلتش معاك فى طريقه ثانيه للراوتر دا ...
*وهيا انك روح لــ Basic وبعدين Wlan 
*غير اول خانة بتاعت Mode زي الاعدادات الموضحه فى الصورة و غير الRate لــ 2 ميجا واعمل حفظ
فهتغير المود :802.11 b only
Transmit Power:20 او ممكن تلاقيها نسب بالمئه اختار 20%.
واختار من الRate  سرعة 2 ميجا .
-وان شاء الله الطريقه دي هتشتغل معاك ♥ 
تابعنا على فيسبوك وتويتر وعلق لو عندك اي مشكله .. 
 

 

- تحديد سرعة الانترنت فى راوتر ZXHN H108N Te-Data القديم.

النوع دا اقدم شويا من الانواع السابقة و ممكن الطرق السابقه او فى الغالب مش هتشتغل معاك سواء طريقه Qos او الطريقه الثانيه الخاص بالRate لانك مش هتلاقي خانه الRate اصلاً.. ولكن فى طريقه شغاله وهيا... والروتر دا من نوع ZTE

1-افتح صفحه الروتر 192.168.1.1
2-سجل دخول عادي جدا عن طريق اسم المتسخدم admin ورقم السري admin .. لو انت مش مغيرو..
3- اختار Network وبعدين Wlan.
-ركز معايا هنا بقا .. هتختار من اول خانه Mode اول خيار 802.11b only 
وهتغير Transmitting Power الى 20% لحد هنا الطريقه ممكن متشتغلش معاك 
في اخر خانه وهيا خانة Fragment Threshold  دي اللى هتحدد منها السرعه 
القيمه الافتراضية 2346 دي معناها انها مش شغاله .. 
هتغير القيمه دي بحيث تتراوح من 256-2346
حط مثلا 500 النت هيشتغل معاك على 2 ميجا سرعه تصفح وتحميل بيوصل 250 كيلوبايلت على الثانية ودي سرعه كويسه وهتوفر معاك الباقه .. 

دي الاعدادات زي ما فى الصورة وكدا الروتر بتاعك السرعه فيه هتقل .. واعمل اختبار تحديد سرعه وشوف 😎
 
- فى طريقه ثانيه وانك تروح لــ Applications وبعدين Qos وتفعل Comitted Access Rate 
وبعد ما تفعلها اختارها من القائمه واكتب السرعه واعمل حفظ.. بس الطريقه دي لم تعمل معي .. بس دا شرح ليها بس.




-تحديد سرعة الانترنت فى راوتر TP-Link.

راوتر تي بي لينك , بيحتوي على اعدادات اكثر لتحديد سرعة الانترنت عن طريق .Banwidth Setting Rules
 
- من قائمه Rules list اختار Bandwidth Control.
 
-اضعط على  Add New لإنشاء قاعدة جديدة. وتأكد من ضبط البروتوكول لكل من (TCP وUDP).

- عشان تحدد اقصي سرعه رفع ادخل القيمه الاعلي والاقل فى Egress Bandwidth.
- عشان تحدد اقصي سرعه تحميل ادخل اعلى واقل قيمه فى Ingress Bandwidth.
- لتحديد الاجهزة اللى عايز تحدد ليها سرعه ادخل مدي الاي بي IpRange.

 

-تحديد سرعة الانترنت فى راوتر LinkSys.

اي نوع ثاني من الراوتر المذكورة هتلاقيه بيعتمج على واحده من الطرق السابقة فمثلا روتر Link بتحدد فيه السرعه عن طريق Qos الطريقه الاولي .. ولو عندك اي نوع آخر Toto Link او اي نوع جرب نفس الطرق السابقه عليه .. 
 


اي مشاكل او نوع محدد اكتب تعليق 
وتابعنا على فيسبوك وتويتر .. وهتلاقي منشورات تفيدك ان شاء الله 
دمتم بخير ♥  
هل اعجبك الموضوع؟
MO3Az
MO3Az
مهندس مدني "إنشاءات" مهتم بالتقنية و الاجهزة الذكية .

تعليقات

تعليقان (2)
إرسال تعليق

إرسال تعليق