اختفاء أيقونة البلوتوث من شريط المهام والحل ؟

البلوتوث لا يظهر فى ادارة الاجهزة .. انحذف البلوتوث وطريقة اظهار البلوتوث فى  اللاب توب .. تشغيل وتعريف البلوتوث.
اختفاء ايقونة البلوتوث والحل ؟

-مشكلة ان البلوتوث مش شغال او مش موجود فى شريط المهام فى الاسفل من المشاكل المنتشرة مع مستخخدمي اللاب توب اياً  كان نوع وماركة اللاب توب الخاص بيك .. فمثلاً لما بتبقا عايز تبعت او تستقبل صور او ملفات وبتبحث عن البلوتوث .. مش بتلاقيه موجود فى اللاب توب وملوش اي وجود.

 

-المشكلة دي سببها فى الغالب بيكون التعريفات .. بمعنى انك ممكن يكون الويندوز بتاعك مش معرف البلوتوث ودا سبب ان البلوتوث مش شغال او مش بيشتغل ومش ظاهر عندك فى الويندوز .. سواء كنت منزل ويندوز جديد او سواء الويندوز بتاعك قديم بس ممكن حصل مشكله فى التعريف الخاص بالبلوتوث.

 

وعشان تتأكد من دا عن طريق خطوة بسيطه جدا تقدر من خلالها تعرف اي التعريفات اللى محتاجه تتعرف فى اللاب توب او الكمبيوتر بتاعك ..

 

حل مشكلة البلوتوث لا يظهر و إظهار ايقونة bluetooth

  • على ماي كمبيوتر My computer .. اضغط كلك يمين واختار Manage 
  • هتفتح ليك نافذه اختار من القائمه اللى فى الجنب Device Manager .. 
  • القائمه دي فيها تعريفات القطع اللى فى جهازك زي تعريفات كارت الشاشة وتعريفات الصوت وهكذا .. ومن ضمن التعريفات تعريف البلوتوث .. اللى لازم تثبته عشان البلوتوث يبدأ يظهر وتبدأ تستخدمه عادي.

لو ظهر ليك اي مثلث اصفر ⚠ جنب اي تعريف من اللى فى القايمه يبقا التعريف دا مش شغال و فيه مشكله .. فى الحاله بتاعتنا لو لقيت كلمه Bluetooth جنبها علامه تعجب صفراء يبقا فعلا التعريف بتاع البلوتوث مش شغال ومحتاج بس انك تنزل التعريف الخاص بالبلوتوث .. وفى حاله ان كل حاجه تمام دا توضيح للبلوتوث وهوا شغال وتم تعريفه فى الصورة التالية :

 

البلوتوث مش ظاهر

ازاي تحل مشكلة اختفاء ايقونة البلوتوث وتحمل التعريف.

بكل بساطة انت قدامك خيارين .. الخيار الاول انك تكتب اسم اللاب توب الخاص بيك على جوجل وتكتب جنبه Drivers  وتدخل للموقع الرسمي هتلاقي التعريفات بتاعت جهازك كاملة اختار منها تعريف البلوتوث .. او مثلا تكتب اسم جهازك وجنبها Bluetooth Driver .. وتحمل التعريف وتثبته والبلوتوث هيشتغل معاك ..


الخيار الثاني هوا انك تحمل اي اداة من ادوات التعريف الاوتوماتيك .. والادوات دي بتحث عن التعريفات اللى مش موجوده على اللابتوب بتاعك وبتحدثها ليك اوتوماتيك بدون اي بحث كل اللى انت هتعمله هتدخل تحمل الاداة وتعمل فحص وتسيبها تحمل وتثبت لوحدها ومن الادوات المشهورة للتعريف الاونلاين :

  1. Drive Pack Soulition
  2. Easy Driver

وبكدا يكون الشرح والمقال انتهي ، شاهد مواضيع اكثر بزيارة قسم الكمبيوتر.
لو عندك اي مشاكل تابعنا على فيسبوك وتويتر ،
اترك تعليق لا تتردد ، دمتم بخير ♥ 
MO3Az
بواسطة : MO3Az
مؤسس موقع متطور ,أحب متابعة وتجربة جديد الشركات واقدم بعض الشروحات الخاصه بالكمبيوتر والهواتف ايضاً ♥
تعليقات



حجم الخط
+
16
-
تباعد السطور
+
2
-