تشغيل وتغيير البصمة للويندوز

16 مارس 2020

طريقة تشغيل البصمة على اللاب توب وفى الويندوز .. طريقة تغيير البصمة وازاي تشغلها

-طرق قفل اللاب توب او الكمبيوتر الخاص بيك كثيرة .. منه الطرق الاكثر استخداماً زي انك تعمل باسورد او رقم لاغلاق الكمبيوتر او اللاب توب .. ومنها الطرق اللى بيتم استخدامها بشكل اقل من الطرق الاولي .. وهيا مثلا زي طريقة البصمة .. البصمة موجوده فى معظم اللاب توبات حالياً .. وبتكون اما مدمجه مع زر الباور او فى مكان تاني مثلا جنب الماوس بتاعت اللاب.. طريقة تشغليها سهلة جداً فيها عبارة عن قطعه زيها زي غيرها .. زي الماوس او الكبيور او غيره .. بتقدر تنزلها تعريف لو هيا مش شغاله ...

-ممكن تشغل البصمة على الكمبيوتر PC عن طريق انك تشتري قطعه خارجية وبيتم تعريفها وبتشتغل بشكل عادي .. نفس فكرة انك تشتري قطعة للواي فاي مثلاً .. والويندوز بيقرأها وبتقدر تستخدمها من ضمن خيارات الامان فى الويندوز الخاص بيك ..

- القطع الخاصه بالبصمة ممكن تشتريها من المتاجر الخاصه بالكمبيوتر واللاب توب .. او ممكن تشتريها عن طريق امازون وهتلاقي ليها اشكال كثيرة جداً .. وبيتراوح سعرها مثلا من 20 الي 100 دولار ..

-ايضاً لو اللاب توب بتاعك مش بيدعم البصمة .. استخدم نفس الطريقة واشتري نفس القطعه وقم بتعريفها .. وهتشتغل معاك بطريقة عاديه ..

ازاي تنزل تعريفات البصمة على الويندوز للاب توب والكمبيوتر ؟

- لو انت اللاب توب بتاعك فيه بصمه تمام .. اتأكد بس ان البصمه تم تعريفها ومفيش اي مشاكل وشغاله .. وعشان تعرف ان التعريفات بتاعتك تمام اضغط على This Pc او My Computer كلك يمين واختار Manage

بعدين اختار من القائمة الجانبية Device Manager

بيظهر ليك قائمه فيها كل التعريفات لو في اي تعريف جانبه علامة تعجب يبقا فى شىء مش متعرف علي اللاب توب او الكمبيوتر الخاص بيك.. وتقدر تنزل تعريفات ليها عن طريق النت او باستخدام احد البرامج التلقائية زي Drive Pack Solution او Easy Drive

- لو انت كمبيوتر او لاب توب مش بيدعم البصمة .. زي ما شرحنا هتشتري قطعه خاصه بالبصمة .. وتركبها على جهازك وتعملها تعريف عن طريق الانترنت او باستخدام EasyDriver ..

كدا فى الحالتين اصبح كل الاجهزة بتدعم البصمة سوء مدمجه مع اللاب توب او عن طريق قطعه خارجية ..