تحديث تعريفات كارت الشاشة نيفيديا Nvidia و Amd و انتل intel الداخلي والخارجي.
-طريقة تحديث تعريفات كارت الشاشة الاساسي او الخارجي لويندوز 10 او 7 او 8 .. سواء كارت الشاشة بتاعك نفيديا nvidia او Amd او حتي كارت شاشة انتل .. هنشرح طريقة تحميل التعريفات بآخر اصدار وتحديثها وتحمل التعريفات الخاصه بكل شركة منين وهنسيب الروابط الخاصه بتحديث التعريفات.
وكمان ازاي تحدث تعريفات كارت الشاشة اونلاين باستخدام برنامج تعريفات وبدون ما تبحث او تدخل تحمل التعريف بتاع كارت الشاشة من الموقع الرسمي.
التحديثات الخاصه بتعريف كارت الشاشة بيكون دايما فيها تحسينات للاداء .. ومع كروت الشاشة الخارجيه بيكون فى تحسينات لاداء الالعاب. فننصح دايما بتحديث التعريفات.
كارت الشاشة يعتبر من اهم مكونات الكمبيوتر الخاص بك .. ايضاً لعشاق الالعاب والجييمرز كارت الشاشة بيكون مهم جداً لانو بيعتمد عليه اداء وجرافيك الالعاب بشكل كبير .. وعلشان دايماً تحصل على كل التحسينات الجديده لازم تتأكد ان كارت الشاشة الخاص بك شغال بآخر تحديث متوفر ليه .. وتقدر تعمل كدا بطريقتين هنشرحهم فى المقال دا.
طريقة تحديث كارت الشاشة فى الويندوز ؟
ممكن تحمل التعريفات الخاصه بكارت الشاشة بتاعك سواء انتل او نفيديا او Amd . بطريقتين :
- تحميل التعريفات يدوياً من الموقع الرسمي وتثبيتها.
- تحميل برنامح تعريفات اونلاين والتحديث تلقائياً.
وسيتم شرح الطريقتين.
التحديث يدوياً وتحميل التعريفات لكارت الشاشة:
الخطوة الاولي علشان تحدث كارت الشاشة بتاعك يواء انتل او نيفيديا او اي شركة انك تعرف اسم الكارت الخاص بيك ودا علشان تقدر تحمل التعريفات الخاصه بيك من الموقع الرسمي.
وعشان تعرف اسم الكارت الخاص بيك .. من قائمة ستارت اكتب فى البحث System Information .
هتفتح ليك نافذه فيها معلومات الكمبيوتر بتاعك اضغط على components
ثم Display
وهيظهر ليك تفاصيل واسماء كروت الشاشة على الكمبيوتر .
فى حالتي انا عندي كارتين كارت داخلي انتل وكارت خارجي Nvidia.
كدا تقدر تعرف اسم كارت الشاشة اللى عايز تحدث التعريفات بتاعته.
ثاني خطوة: هتحمل التعريفات من المواقع الرسمية لانتل ونفيديا وايه ام دي عن طريق اسم كارت الشاشة الخاص بيك.
اضغط على الرابط المناسب لكارت الشاشة الخاص بيك .. وانا كارت الشاشة الخاص بيا نفيديا فهشرح مثال على موقع نفيديا والباقي نفس الطريقة.
هفتح الموقع من فوق الخاص بنفيديا وهملي البيانات الخاصه بالكارت الخاص بيا
Geforce 920M
Geforce 920M
وهضغط على Search.
تم العثور على التعريف الخاص بكارت الشاشة.
اضغط على تحميل وثبت التعريف وكدا تم تحديث كارت الشاشة الخاص بك.
تحديث تعريف كارت الشاشة اونلاين باستخدام برنامج التعريفات.
وهنا بقا هتنزل برنامج تعريفات مساحته قليلة بيبحث عن التعريفات الناقصه او القديمه فى جهازك وبيحملها ويحدثها تلقائياً. وفي برامج كثير بتقدم الخدمة دي منها:
برنامج سهل فى الاستخدام جدا اضغط على الاسم وهيحولك لصفحه التحميل .. حمل البرنامج وشغله والبرنامج هيبحث عن كل التعريفات اللى بحاجه الي تحديث واضغط Update.
برنامج تعريفات اونلاين مجاني اضغط على الاسم وهيحولك لصفحه التحميل .. حمل البرنامج واعمل Scan .. هيظهرلك التعريفات القديمه اللى بحاجه الى التحديث.
او استخدم اي برنامج تعريفات اونلاين انت تفضله.
تابع المدونه من اليسار
تابعنا على فيسبوك وتويتر
دمتم بخير ♥
تعليقات
إرسال تعليق