القائمة الرئيسية

الصفحات

تقسيم الهارد شرح وتحميل

تقسيم الهارد من الداخل على الويندوز بدون فورمات .. افضل برنامج لتقسيم الهارد. Partition A Hard Disk .2020
تقسيم هارد ديسك شرح وتحميل برنامج

-عملية تقسيم الهارد الى اكثر من بارتشن مهمة جداً .. خصوصاً فى الكمبيوتر الجديد اللى بيكون الهارد عبارة عن بارتشن واحد .. فمثلاً على الاقل تعمل اثنين بارتشن واحد خاص بالنظام واللى بيبقي اسمه C و واحد كمان تحفظ عليه ملفاتك وكل الالعاب الخاصه بيك .. ودا اقل عدد اللي هوا اثنين ودا عشان تحمي ملفاتك بعيد عن مثلا لو نسخه الويندوز حصلها حاجه واحتجت تعمل فورمات للقرص الخاص بالنظام يكون شيء عادي.

ايضا تقسيم الهارد بيديك تنظيم اكثر فى حفظ ملفاتك فممكن مثلاً تعمل بارتشن للالعاب وبارتشن للبرامج او الشغل .. هيتم شرح فى المقال ازاي تقسم الهارد الجديد بتاعك بدون ما تعمل فورمات .. وبدون استخدام برامج وباستخدام برامج يعني الحالتين . 

طريقة تقسيم الهارد الي اكثر من بارتشن بدون فورمات ؟

اول طريقة بدون استخدام برامج وباستخدام اداة مدمجه مع الويندوز وهيا Disk managment .
ثاني طريقة هنستخدم فيها برنامج AOMEI Partition Assistant Professional.



اولاً:تقسيم الهارد بدون برامج على الويندوز.

علشان تفتح اداة التحكم فى الهارد Disk Management 
اضغط كلك يمين على My computer او This Pc لو انت ويندوز 10 .. واختار Manage
من قائمه Manage اختار Disk Management

وممكن تفتحها عن طريق البحث بانك تكتب diskmgmt.msg  لو انت ويندوز 7
او تكتب Disk Managment لو انت ويندوز 10 او 8.
تقسيم الهارد بدون برامج من الويندوز

هنا بقا هتلاقي الهارد بتاعك لو هوا بارتشن واحد هنشرح ازاي تقلل مساحته .. وتعمل اكثر من بارتشن من الاداة دي. فهستخدم هارد عبارة عن بارتشن واحد زي ما فى الصورة التالية:
تقسيم الهارد باداة الويندوز

هتضغط على البارتشن اللى هتقلل منه مساحه علشان تعرف تعمل بارتشن جديد .. 
يعني علشان تعمل بارتشن جديد لازم يكون في مساحه فاضية .. فانا هاخد من البارتشن الواحد دا اللى هوا عبارة عن كل الهارد مساحة معينة عن طريق اني اعمل للهارد Shirink.
كلك يمين على البارتشن اللى هتقلل منه واختار shirink Volume

كتابة مساحه البارتشن الجديد عند التقسيم

هتظهرلك النافذه اللى فوق دي بتطلب منك انت عايز تقلل كام من مساحه البارتشن ؟
يعني هتكتب الحجم اللى عايزه للبارتشن الجديد  والموضوع بسيط جدا ً 
انت هتكتب المساحه بالمجيابايت فحساب الموضوع دا بسيط
كل جيجا فيها 1024 ميجا بايت .. شوف انت عايز كام جيجا واضربها فى 1024 واكتب الرقم فى الصندوق المظلل باحمر دا ..
واضغط Shirink.

عمل بارتشن جديد لتقسيم الهارد

المساحه اللى انت قللتها من البارتشن هتظهر تحت فى مربع باسم Uncollected
اضغط كلك يمين عليها واختار New Simple Volume.
تعديل الهارد وعمل بارتشن جديد

اضغط Next هيظهر ليك نافذه بتطلب منك حجم مرة آخري .. ودا علشان لو  عايز مثلا تعمل البارتشن الجديد بمساحه معينه من المساحه الغير مستخدمه .. ولكن فى حالة انك مقلل من الهارد مثلا 100 جيجا هتعملهم بارتشن اضغط Next.
تقسيم بارتشن كبير واحد

النافذه الجاية بيطلب منك تختار الحرف الخاص بالبارتشن الجديد لو عايز تختار اضغط على الخانة واختار .
اضغط Next بعد اختيار اسم البارتشن

بتختار النوع NTFS و بعدين Next ..
اختار نوع البارتشن NTFS

وكدا تم انشاء البارتشن الجديد الخاص بيك .. اضغط Finish.
تم تقسيم الهارد بنجاح

وكدا انت عملت بارتشن جديد من مساحه الهارد بتاعتك .. وهنا بقي لو عندك مثلاً هارد 500 جيجا محتاج تقسمه  وتخلي للنظام 100 جيجا مثلاً
فانت فى الحالة دي هتقلل من الهارد 400 جيجا مره واحده.
بعدين يظهرلك مربع تحت مساحة غير مستخدمة Uncollected .
تعمل المساحه دي بارتشن واحد عن طريق انك تسيب المساحه كامله فى ثاني خطوة .. او ممكن بقا تقسمه اثنين بارتشن كل واحد 200 .. انت وراحتك . 


ثانياً:تقسيم الهارد باستخدام برنامج على الويندوز.

وفى الطريقة دي هنستخدم برنامج لتقسيم الهارد الخاص بينا وهو برنامج AOMEI Partition Assistant Professional ..  وتقدر تحمل برنامج تقسيم الهارد من هنا.

البرنامج فيه مميزات كثير ولكن هنركز فى الشرح علي طريقة تقليل مساحه الهارد وعمل بيها بارتشن جديد. والبرنامج سهل جداً فى الاستخدام.

بعد تنزيل البرنامج قم بتثبيته وفتحه .
هتحدد البارتشن او الهارد اللى عايز تقلل المساحه الخاصه بيه وتختار Resize.
افضل برنامج لتقسيم الهارد

الموضوع هنا اسهل .. فممكن تكتب المساحه اللى عايز تقللها او ممكن تسحب الشريط دا لحد ما توصل للمساحه اللى انت عايزها من غير حسابات ولا اي حاجه.😉
تحميل برنامج تقسيم الهارد مع الشرح

بتضغط ok .. هتلاقي مساحه فاضية اضغط عليها كلك واختار Create Partition
طريقة استخدام برنامج تقسيم الهارد

وكدا تقدر تقسم الهارد براحتك .. طبعا في برامج كثير ممكن تستخدمها لتقسيم الهارد
بدائل يعني .. منها برنامج easeus او بارتشن ماجيك .

وكدا تكون انتهت المقالة ♥ 

تابعنل على فيسبوك وتويتر وتابع المدونة من اليسار 
دمتم بخير ♥
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي