القائمة الرئيسية

الصفحات

الميموري لا يقبل الفورمات والنقل والحذف

حل مشكلة الميموري كارد التي لا تقبل الفورمات او مسح ونقل الملفات .. بطاقة  Micro SD  والنسخ.
كارت الميموري لا يقبل الفورمات واضافة الملفات

- كروت الميموري بيتم استخدامها كثيراً على الموبايلات اياً كان نوع موبايلك واكرته الداخلية .. دا غير انو بيحل مشاكل كثيرة متعلقه بان الذاكرة الداخلية لموبايلك تكون على وشك النفاذ ودا بيسبب مشاكل مع النظام واستخدامك للموبايل..بس احياناً بيحصل بعض المشاكل فى كروت الميموري المتعلقة بعمل فورمات او مسح ملفات من علي كارت 
SD.

مشكلة عدم قبول الفورمات ممكن يكون ليها اكثر من سبب وهيتم طرح اكثر من فكرة وطريقة للتعامل مع مشاكل الميموري سواء فى الحذف او النقل او ان لا يوجد تصريح للمسح .. الطرق مش هتاخد منك وقت كبير عشان تقدر تطبقها فممكن تطبق كل الحلول وانت ماشي بالترتيب لحد ما يتم حل المشكله عندك.


 حلول مشكلة الميموري لا يقبل الفورمات او مسح واضافة الملفات ؟ 

  1. اعادة تشغيل الموبايل.
  2. تجربة عمل فورمات عن طريق الكمبيوتر.
  3. ازالة حماية الكتابة Write Protection.

وبالنسبة لمسح الملفات فعند تجربة مسح بعض الملفات من على الميموري ولا يقبل اضافة او مسح اي ملفات يمكن تجربة نفس الحلول و خصوصاً آخر حل.

-حل مشكلة الميموري عن طريق اعادة التشغيل.

اعاده تشغيل الموبايل لحل مشاكل الميموري كارت
- لو انت مستخدم اندوريد او اي نظام تاني اكيد عارف ازاي تعمل اعاده تشغيل للموبايل الخاص بيك .. برغم انها خطوة ممكن تبان ليك سهلة وبسيطه ولكن عمليه اعاده تشغيل الموبايل ممكن تحل مشاكل كثيرة فى النظام بتقابلك .. فجرب تعمل اعاده تشغيل للموبايل بعدين جرب امسح واعمل فورمات للميموري.


- عمل فورمات للميموري عن طريق الكمبيوتر.

معظم الوقت اللى الميموري مش بيقبل الفورمات من الموبايل  ممكن توصل الموبايل بالكمبيوتر وتعمل عمليه الفورمات من الكمبيوتر مباشرة .. والطريقة سهلة جداً وصل موبايل عن طريق الوصله بالكمبيوتر .. 
افتح My Computer او This Pc .. اللى بتقدر من خلالها تشوف الهارد بتاعك واي حاجه متوصله بالكمبيوتر .. 
هيظهر ليك الموبايل بتاعك بس اتأكد انك بعد ما وصلت الموبايل بالكمبيوتر عملت Transfer files من اعدادات التوصيل على الموبايل او نقل الملفات.

لان لو اعدادات التوصيل Charing only او الشحن فقط .. فكدا الموبايل مش هيظهر على الكمبيوتر وكمان متوصلش الموبايل وهوا مقفول بالنمط او البصمه افتحه عشان  الموبايلات اكيد مش هتظهر الملفات والموبايل مقفول.

بعد التوصيل زي ما قولنا هيظهر ليك الموبايل بتاعك على الكمبيوتر .. وهيظهر ليك المساحه الداخليه Internal Storage و المساحه الخارجية وهيا الميموري كارد..

اضغط كلك يمين على الميموري كارد واختار Format.
عمل فورمات للميموري عن طريق الكمبيوتر.

واختار فورمات واتأكد ان الاعدادات زي الصورة التالية:
الطريقة الضحيحة لحل مشكلة الفورمات للميموري

وكدا تقدر تعمل فورمات للكارت عن طريق الكمبيوتر. وممكن تعمل نفس الشىء بانك تشيل الميموري من الموبايل وتوصله بالكمبيوتر وتعمله فورمات.

-ازالة The Write Protection او حماية الكتابة على الميموري.

احياناً بيكون سبب المشكلة ان الميموري متاح للقراْة فقط ولكن اي عمليه لاصافة ملفات او تغيير محتوي الميموري بتكون نتيجتها الفشل..وتقدر تعمل الخطوة دي عن طريق الكمبيوتر .

الخطوة الاولي: وصل الموبايل بتاعك بالكمبيوتر او وصل الميموري فقط بالكمبيوتر بتاعك عن طريق اي كارت ريدر ..  بعد كدا افتح CMD  و طريقة فتحها من نافذه Run 
اضغط على زر علامه الويندوز+ R سوياً هيظهر ليك نافذة Run 
اكتب جوا النافذه CMD.
هتفتح ليك نافذه سوداء..
اكتب امر Diskpart داخل cmd.
ازالة حماية الكتابة على الميموري

ثم اكتب امر list disk .
حل مشكلة الميموري لا يقبل اضافة ملفات

دلوقتي فى النافه السابقة ظهرلك تفاصيل الاقراص المتصلة بالكمبيوتر الخاص بيك اختار اسم الديسك اللى عليه الميموري في حالتي القرص الاول هوا الهارد واسمه Disk0
والثاني هوا الميموري واسمه Disk1 
فهكتب الامر التالي: select disk 1 
غير Disk 1 على حسب حالتك.
حل مشكلة الميموري لا يمسح ملفات

بعد اختيار الديسك اللى عليه الميموري
اكتب الامر التالي: attributes disk clear readonly
حل مشكلة SD لا يقبل ملفات ولا فورمات

وبس كدا تقدر تكتب exit وتخرج .. وحاول تعمل فورمات لكارت الميموري الخاص بيك.

دي كانت بعض الحلول و الطرق لحل مشاكل SD.
تابع المدونه من اليسار للمزيد 

تابعنا على فيسبوك وتويتر 
دمتم بخير♥
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي