القائمة الرئيسية

الصفحات

تغيير اسم الواى فاي وي we-tedata

تغيير اسم الشبكة راوتر وي الجديد We.وعلى  راوتر تي اي داتا  القديم te-data.
تغيير اسم الواى فاي وي we-tedata

 - اذا كنت من مستخدمي الانترنت الخاص بالشركة المصرية للاتصالات .. فعند حصولك على الراوتر الخاص بالشركة سواء كان الراوتر ده راوتر السرعات الجديده .. اللى بتحصل عليه بقسط شهري يتم دفعه مع فاتورة النت.. او كان راوتر تي اي داتا Te-Data اللى كان بيتم الحصول عليه مجاناً مع الاشتراك فى الخدمة....بيكون اسم شبكة الواي فاي TE-DATA اذا كان الراوتر بتاعك ليس الراوتر الجديد.
او WE-00000 مثلاً اذا كان الراوتر بتاعك هوا الراوتر الجديد.

طريقة تغيير اسم الراوتر او الشبكة مش بتختلف كثير من راوتر لآخر او من اصدار راوتر لآخر.. وعلشان نبين ان الفروق فعلاً بسيطه هنشرح تغيير اسم الراوتر على راوتر قديم ZXHN H108N V2.5.. و اصدار اجدد شويا وهوا hg 531 V1 وهتلاحظ بنفسك ان الفروق بسيطه جداً.

تغيير اسم الراوتر عن طريق الموبايل "اصدار قديم".


سواء كنت هتستخدم موبايل او كمبيوتر فالطريقه مش بتختلف .. نفذ نفس الخطوات من على موبايلك .
  • افتح اي متصفح سواء جوجل كروم او المتصفح الافتراضي.
  • ادخل الى صفحه اعدادات الراوتر وبتكون مكتوبة على ظهر الراوتر ولكن فى الغالب هيا 192.168.1.1 اكتب الاي بي دا فى الشريط العلوي فى المتصفح.
  • ممكن تضغط على الاي بي والصفحه هتفتح معاك تلقائياً فى نافذه آخري.
ملاحظة: في حالة ظهور خطأ او تحذير وصفحه الراوتر لا تفتح جرب تغير المتصفح واستخدم متصفح الموبايل الافتراضي .. او متصفح آخر على الكمبيوتر.
  • هيظهر ليك صفحه بتطلب منك الاسم وكلمة المرور وهتلاقيهم برضوا على ظهر الراوتر مكتوبين .. وفي حالة عدم وجودهم بيكون الاسم و الرقم السري admin.
  • اضغط على login .. هتفتح معاك الصفحه الخاصه باعدادات الراوتر.
ملاحظة: فى بعض الرواتر اذا جربت كتابة اسم المتسخدم وكلمة المرور المكتوبين على ظهر الراوتر وقالك فشل فى التسجيل .. جرب كتابة كلمة المرور ولكن غير كل الحروف الى حروف كابتل "لاتكتب اي حرف صغير".
تغيير اسم راوتر تي اي داتا ZTE ZXHN
  • من القائمة الجانبية انتقل الى Network ثم Wlan ثم SSid Setting. 
  • غير SSID الى الاسم الذي تحب ثم اضغط على submit.
شرح تغيير اسم الشبكة راوتر قديم

ودا كان الشرح بكل سهولة على راوتر ZTE .. والان هنشرح على راوتر احدث شويا من رواتر شركة تي اي داتا وهوا رواتر هواوي hg 531.

تغيير اسم الواي فاي وي we.

اياً كان اصدار الرواتر الخاص بك قديم او جديد .. اتبع الخطوات التالية لتغيير اسم الشبكة.
  • ادخل الى صفحه اعدادات الراوتر من الموبايل او الكمبيوتر.
  • افتح اي متصفح واكتب فى الشريط العلوي الاي بي التالي 192.168.1.1  .
  • ممكن تضغط على الاي بي والصفحه هتفتح معاك فى نافذه آخري.
  • الان هتظهر ليك صفحه تطلب منك اسم مستخدم وكلمة مرور .. هتلاقيهم مكتوبين على ظهر الراوتر الخاص بك انقلهم.
  • اضغط علي login وصفحه الاعدادت هتفتح.
تغيير اسم الواي فاي راوتر وي الجديد

  • من القائمة الجانبية انتقل الى Basic ثم Wlan.
  • غير الخانة اللى اسمها SSID واضغط على Submit للحفظ.
تغيير اسم الراوتر وي

تم شرح طريقة تغيير الاسم على اصدارين مختلفين من الرواتر ولكن الطريقه لم تختلف كثيراً.. ففي الراوتر الاول كانت Network بدلاً من Basic.
وفى الراوتر الثاني يظهر خيار SSID مباشرة بدون الدخول على خيار اضافي.

يمكن تطبيق نفس الطريقة على اي نوع لديك .. وتغيير اسم الشبكة SSID وحفظ التغييرات... تابع هنا للمزيد.

تابعنا على فيسبوك وتويتر 
دمتم بخير♥.
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي