القائمة الرئيسية

الصفحات

تحميل جوجل كاميرا لاغلب هواتف الاندرويد

تحميل جوجل كاميرا لموبايلات الاندرويد برابط مباشر APK.
تحميل جوجل كاميرا لاغلب موبايلات الاندرويد

كثير من مستخدمي موبايلات الاندرويد بيبحثوا عن تطبيق جوجل كاميرة المتوافق مع الموبايل الخاص بيهم لتحسين جوده التصوير,بحيث ان تطبيق جوجل كاميرا بيقدم اداء ممتاز جداً فى معالجه واخراج الصور احسن من اي تطبيق آخر منافس وموجود,وتقدر تشوف الفرق عند استخدام تطبيق جوجل لتصوير صورة واستخدام اي تطبيق آخر لتصوير نفس الصورة,خصوصاً الصور اللى بتكون فى اضاءة صعبه او ضعيفه.

وللاسف مش هتقدر تحمل تطبيق جوجل كاميرا من متجر جوجل بلاي,علشان كدا فى مقال اليوم هنغطي معظم موبايلات الاندرويد المتواجده من شركات مختلفه مثل اوبو ,شاومي , ريلمي ,سامسونج,ون بلس ,هواواي الخ.
ولكن القائمة الموجوده هنا هتكون عن الهواتف اللى بتدعم التطبيق ,فاذا كان موبايلك بيدعم التطبيق وليس موجود فى القائمة اكتب تعليق وساعدنا اننا ندور عليه.

لماذا لا استطيع تحميل جوجل كاميرا من متجر بلاي ؟

السبب ان التطبيق دا يعتبر تطبيق حصري لهواتف البيكسل , وهواتف البيكسل هي الخاصه بشركة جوجل فالتطبيق متاح للموبايلات دي فقط والشركة بتحجبه من التحميل لاي نوع آخر من الهواتف.
وفي الغالب لو بحثت عنه باستخدام جهاز آخر لن يظهر فى المتجر, وفي حاله ظهوره هيقولك ان موبايلك غير مدعوم لاستخدام التطبيق دا.

والتطبيق بيشتغل على الهواتف الآخري ولكن عن طريق نسخه معدله من بعض المطورين,ولكن ليس التطبيق الاصلي الصادر من جوجل واللي يعتبر حصري لهواتف البيكسل.

هل موبايلي يدعم جوجل كاميرا ؟

ممكن تعرف هل هاتفك يدعم تشغيل جوجل كاميرا او لا عن طريق تنزيل تطبيق Camera2 API Probe من متجر جوجل بلاي,بعد تنزيله افتح التطبيق وهتظهرلك الشاشة التالية.

الشاشة اللى هتظهرلك اول ما تفتح التطبيق بتوضحلك بعض المعلومات عن الكاميرة الامامية والكاميرة الخلفية.
ركز فى الجزء اللى اسمه  Hardware Support Level .
موجود اربع خيارات
Level_3: ودا معناه ان الموبايل بيدعم جوجل كاميرا بجميع مميزاته وكمان بيدعم بعض الخصائص الحصريه لهواتف بيكسل.
Full: الموبايل بيدعم جوجل كاميرا بجميع مميزاته.
Limited: ودا معناه ان موبايلك بيدعم بعض الخصائص لجوجل كاميرا.
Legacy: ودا معناه ان موبايلك لا يدعم Camera2 API.

اذا كان موبايلك بيدعم جوجل كاميرا تقدر تحمل جوجل كاميرا وتستخدمها على موبايلك, مع العلم ان احياناً بيكون جهازك بيدعم بعض الخصائص فقط من التطبيق , وعند فتحه هتلاقي بعض الخصائص مش متوفرة ليك.
ايضاً ممكن التطبيق يعلق او يقفل لوحده ودا ممكن بسبب اخطاء فى تعديل التطبيق او عدم توافقه مع موبايلك.

تحميل جوجل كاميرا لموبايلات شاومي.

تحميل جوجل كاميرا لهاتف شاومي


تحميل جوجل كاميرا لموبايلات ريلمي واوبو.

تحميل جوجل كاميرا لهاتف اوبو او ريلمي


تحميل جوجل كاميرا لموبايلات نوكيا.

تحميل جوجل كاميرا لهاتف نوكيا


تحميل جوجل كاميرا لموبايلات ون بلس.

تحميل جوجل كاميرا لهاتف ون بلس


تحميل جوجل كاميرا لموبايلات سامسونج.


تحميل جوجل كاميرا لهاتف سامسونج

 تحميل جوجل كاميرا لموبايلات هواواي.

تحميل جوجل كاميرا لهاتف هواواي وهونر



قائمة الهواتف الموجوده يتم تحديثها باستمرار,ايضاً الراوبط واذا كان هنالك اي رابط لا يعمل اكتب تعليق للمساعده فى اصلاحه.

فى النهايه فى بعض الهواتف بتحتاج تنزلها ملف تعديل على الاعدادات علشان تقدر تشغل جوجل كاميرا,فبعد تنزيل التطبيق وتشغيله بيحصله اغلاق اجباري
ولا انصح بعمل ملف الاعدادات بحيث انو ممكن يخرج الموبايل من الضمان او ممكن يؤدي الى اي اخطاء او مشاكل آخري.
ولكن تقدر تستخدم التطبيقات المعدله فقط والمتواجده فوق.

تابعنا على فيسبوك وتويتر
دمتم بخير♥.
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي