مشاكل الهارد كثيرة ومتعدده واحد اسباب ظهور شاشة سوداء بعدم وجود نظام تشغيل على الكمبيوتر هي حدوث تلف للهارد ,وتتقدر تتاكد من سلامة الهارد عن طريق البيوس,وBios دا بيكون الشاشه والخطوة اللى سابقة البوت وتحميل نظام التشغيل المثبت على جهازك,وتقدر تفتح اعدادات البيوس عن طريق الضغط على F10 او F12 على حسب جهازك.
تقدر تشوف الرز اللى من خلاله تظهر اعدادات البيوس عن طريق اول شاشة بتظهر لما تفتح الكمبيوتر وبيظهر عليها شعار الشركة المصنعه وبيكون مكتوب فى الجنب press F10 مثلاً,اضغط على الزر قبل ما الشاشة دي تختفي وينتقل الى مرحله تحميل الويندوز.
كيفية التأكد من سلامة الهارد من البيوس.
عن طريق اعدادات Bios تقدر تعرف القطع اللى الكمبيوتر بيقرأها بنجاح,فى حالة ظهور الهارد بصورة طبيبعه فى القطع المقروءة فدا بيدل ان الهارد يعمل بصورة طبيبعه ولا يوجد به اي خلل.
بعد الضغط على الزر الخاص بنوع كمبيوترك لفتح اعدادات البوت فى الغالب هيظهر ليك قائمة البوت اللى بتقدر من خلالها تختار الهارد او الفلاشة او الاسطوانه, اياً كان وبدون الدخول فى تفاصيل كثيرة,المفروص تتاكد من ظهور اسم الهارد ضمن القطع بصورة عاديه HDD.
وعن طريق اعدادات البيوس يمكن اظهار informations وهي معلومات عن جميع القطع الخاصه بالجهازوبجانب خانة Hard Drive او Sata Drive من المفترض ظهور اسم الهارد والشركة المصنعه له بصورة طبيبعة Hard Disk st-000 .
مع العلم ان زي ما ذكرنا فى الاول البيوس اعدادات منفصلة ملهاش علاقة بالويندوز اطلاقاً وهتظهر معاك المعلومات حتي فى حالة حدوث خلل فى الهارد, وجود الهارد بصورة طبيعيه فى البيوس واعدادات البوت ايضاً يعني ان الهارد بنسبه كبيرة لا يوجد به اي مشكلة.
في حالة اختفاء الهارد من قائمة البوت وايضاً المعلومات الكاملة للقطع الخاصه بالكمبيوتر,فهذا يدل على حدوث خلل فى Hard Disk ويجب شراء هارد آخر و يفضل الذهاب الى مختص لاصلاح الكمبيوتر الخاص بك.
فى حالة ظهور شاشة سوداء عند فتح الكمبيوتر فقد يكون السبب سقوط الويندوز الخاص بك,ومن الممكن اعاده تركيب ويندوز جديد باستخدام اسطوانه او فلاشه والطريقة الاخيرة هي الطريقة الاسرع.
وصلنا الى نهاية الموضوع بعد شرح طريقة التأكد ان الهارد يعمل و لا يوجد به مشكلة بدون برامج و باستخدام البيوس ، لا تفوت زيارة قسم الكمبيوتر لمشاهدة مواضيع اكثر و تابعنا على فيس بوك و تويتر ليصللك الجديد ♥.
