القائمة الرئيسية

الصفحات

طريقة تحديث تعريفات الويندوز 10 يدوياً او عن طريق الانترنت واستخدام برامج التعريفات.
تحديث تعريفات ويندوز 10

عند تنزيل ويندوز 10 لاول مرة فقد لا يحتاج الكمبيوتر الخاص بك الى تنزيل تعريفات,بحيث يتم تعريف معظم القطع احياناً تلقائياً مع الويندوز ولكن قد لا تنجح هذه التعريقات التلقائية فى تعريف بعض القطع,فهتلاقي بعض الامكانيات لا تعمل مثل رفع وخفض اضاءاة الشاشة فى اللابتوب.

ايضاً كروت الشاشة الخارجية لا يتم تعريفها فى الغالب بصورة تلقائية مع الويندوز,وسواء تم تعريف كل القطع الخاصه بك مع تثبيتك للويندوز او لا, فلا انصحك بالاعتماد على هذه التعريفات,ويجب عليك تحديثها لاخر اصدار متوفر يدوياً او باستخدام اسطوانات وبرامج التعريفات التلقائية.

استخدام لتعريف باصدار قديم ممكن يسبب ليك مشاكل كثيرة فى النظام وكمان هتفقد تحسينات بتنزلها الشركة المصنعه للقطع فى كل اصدار احدث,مشكلة الشاشة الزرقاء المشهورة فى الويندوز ممكن يكون سببها تعريف قديم بيعمل توقف للنظام كلو,عشان كدا دايماً استخدام اخر اصدار متوفر بيخليك تتجنب مشاكل كثيرة وكمان تحصل على التحسينات.

يوجد طريقتين لتحديث التعريفات على الكمبيوتر الخاص بك,الاولي وهيا الطريقة اليدوية وهنشرحها بالتفصيل,والطريقة الثانية هي الاعتماد على برامج التعريفات الاونلاين لتحديث كل القطع الخاصه بك,او حتي استخدام اسطوانه تعريفات كاملة اوفلاين.

كيفية تحديث تعريفات ويندوز 10.

يمكن تحديث التعريفات يدوياً باتباع الخطوات التالية.
  • اضغط كلك يمين على My Computer واختار manage.
  • هتظهر نافذه اختار من القائمة الجانبية Device manager.
  • كل القطع الخاصه بجهازك هتظهر فى قائمة كاملة زي الموضحة فى الصورة التالية.
طريقة تحديث تعريفات الكمبيوتر
  • تقدر تختار مثلاً كارت الشاشة وهيظهرلك كروت الشاشة الخاصه بك فى حاله استخدام كارتين,اضغط على اي واحد فيهم واختار Update ثم اختار Automatically.
البحث تلقائياً عن اخر اصدار متوفر للتحميل
  • وهيتم البحث عن اخر اصدار متوفر من التعريف وتحميله عن طريق الانترنت.
  • يمكن تكرار نفس الخطوة مع كل القطع الموجوده فى الكمبيوتر.
  • الطريقة الافضل لتحديث التعريفات يدوياً هي معرفة نوع القطع الخاصه بك والبحث على جوجل.
  • فمثلاً لو بستخدم كارت شاشة من نيفيديا GTX-1060,هعرف اسم كارت الشاشة واكتب على جوجل اسمه واحمل اخر اصدار متوفر منه.
  • يمكن طبعاً معرفه اسماء كل القطع من device Manager وتعتبر دي الطريقه الافضل لتحديث التعريفات يدوياً.
  • اذا كنت بتستخدم لابتوب فتقدر تدخل الى موقع الشركة المصنعه,فمثلا لو نوع اللاب توب Dell هكتب فى جوجل Dell drivers.
  • افتح اول صفحه هتطلب منك اسم اللاب توب الخاص بك او رقم الموديل.
  • بعد كتابة رقم الموديل هيظهر ليك تعريفات اللاب كامله باخر اصدار تقدر تحملها.
  • وكمان تقدر تطبق دا مع اي شركة ثانية غير Dell انك تدخل على مركز تحميل التعريفات وتكتب الموديل بتاع اللاب بتاعك وهيظهرلك آخر اصدار متاح للتحميل.
التحميل من الموقع الرسمي للاب توب

كدا نكون شرحنا الطريقة اليدوية بالكامل للحصول على اخر اصدار متوفر من التعريفات الخاصه بالكمبيوتر او اللاب توب,والطريقة دي بتكون عمليه لما تكون عايز تعرف قطعه واحده مثلاً وتخليها دايماً فى اخر اصدار زي مثلاً كروت الشاشة الخارجية.

الطريقة الاسرع والاسهل والاكثر استخداماً هي برامج التعريفات الاونلاين او اسطوانات التعريفات الكاملة,بتحمل برنامج حجمه صغير جداً وبتشغله على الكمبيوتر والبرنامج هيبدأ يبحث عن اي تعريف باصدار قديم و هيحدثه ليك بكل سهولة,ومن افضل البرامج التي يمكن الاعتماد عليه فى تحديث تعريفاتك:
  1. online driverpack.
  2. Driver Easy.
  3. Get My drivers.
  4. Device Doctor.

يمكن تطبيق نفس الخطوات على اي اصدار من الويندوز سواء ويندوز 7 او8 او حتي ويندوز Xp وكدا نكون وصلنا لنهاية المقال,متنساش تشترك فى القائمة البريدية علشان يوصلك كل الشروحات الجديده.

تابعنا على فيسبوك وتويتر
دمتم بخير♥.
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي