القائمة الرئيسية

الصفحات

مشكلة الشاشة الزرقاء في ويندوز والحل نهائياً

مشكلة الشاشة الزرقاء فى ويندوز 10 و 8 و 7..Your PC ran into a problem and needs to restart.
حل مشكلة الشاشة الزرقاء فى الويندوز

- اسباب ظهور الشاشة الزرقاء فى الويندوز مختلفة سواء انت ويندوز 10 او ويندوز 8 فالشاشة تعتبر نفس الشكل .. او حتي ويندوز سفن 7 فظهور الشاشة شيء مزعج جداً وممكن يضيع عليك شغل او حاجات مهمة كنت بتعملها .. في بعض المستخدمين بيسموها شاشة الموت . هنتكلم عن كل الطرق المتاحه لحل المشكلة دي على الويندوز.

وزي ما ليها اسباب كثير فالمشكلة ليها حلول كثيرة .. تقدر تجرب الحلول كلها .. لما تظهر ليك الشاشة دي لو الكمبيوتر معملش اعاده تشغيل لوحده بعد مرور فتره تقدر تعمل اعاده تشغيل اجباري بانك تضغط على زر الباور حوالي 10 ثواني.

احياناً المشكلة دي بتسبب حلقة من اعاده التشغيل المستمر على الكمبيوتر بتاعك .. بمعني ان الكمبيوتر بيعمل اعاده تشغيل بعدين يفتح وتظهر نفس الشاشة وهكذا .. وعلشان تحل المشكله دي ممكن تستخدم السيف موود فى الويندوز.

اسباب ظهور الشاشة الزرقاء فى الويندوز؟

  • ملفات تالفة فى النظام.
  • مسح ملف الريجستيري من مجلد System32.
  • ارتفاع درجه الحرارة.
  • بعض الفيروسات.
  • اغلاق اجباري للكمبيوتر.
  • اصدار قديم من التعريفات.
  • اصدار قديم من نظام التشغيل.

بيكون في جملة فى الاخر جنب Stop Code وممكن تكون واحدة من التاليين:
  • BAD SYSTEM CONFIG INFO.
  • CRITIAL_PROCESS_DIED.
  • DPC_WATCHDOG_VIOLATION.
  •  ALWAYS_LOOK_ON_THE_BRIGHT_SIDE_OF_LIFE.
  • APC_INDEX_MISMATCH.
  • DRIVER_IRQL_NOT_LESS_OR_EQUAL.
  • DRIVER POWER STATE FAILURE.
  • INACCESSIBLE BOOT DEVICE.
  • KERNEL SECURITY CHECK FAILURE.
  • MANUALLY_INITIATED_CRASH.
  • MEMORY MANAGEMENT.
  • WDF_VIOLATION.
  • WHEA_UNCORRECTABLE_ERROR.
  • DRIVER_VERIFIER_DETECTED_VIOLATION.
  •  HAL_INITIALIZATION_FAILED.
وفي اكواد ايقاف للرسالة دي اكثر من كدا.


حل مشكلة الشاشة الزرقاء فى ويندوز 10 و 8 ؟ 

  1. عن طريق السيف مود Safe Mode.
  2.  تشغيل Startup Repair.
  3.  تشغيل System File Checker (SFC).
  4. ايقاف اعاده التشغيل التلقائى عند حصول خطأ فى النظام.
  5. تحديث التعريفات للكمبيوتر.
  6. الغاء تثبيت البرامج المشبوهة والمضرة.
  7. تحديث ويندوز وترقيته.
  8. اعاده تثبيت الويندوز.
وهنبدأ نشرح كل واحد من الحلول المذكورة دي بالتفصيل.


-حل مشكلة الشاشة الزرقاء بالسيف مود Safe Mode.

علشان تشغل الكمبيوتر بتاعك فى وضع السيف مود .. افتح الاعدادات من قائمه ستارت او اضغط على زر علامه الويندوز+ I  
اختار Update & Secuirty .. 
حل مشكلة الشاشة الزرقاء بويندوز 10

واختار من القائمه الجانبية Recovery .. بعدين تحت Advanced Restart
اختار Restart Now.
هيظهرلك بعض الخيارات اختار التالي:
Troubleshoot > Advanced options > Startup Settings.
بعدين اضغط على Restart.
حل مشكلة الشاشة الزرقاء واعاده تشغيل الكمبيوتر

بعد ما تفتح الكمبيوتر فى وضع السيف مود.
افتح Cmd كمسؤل.
اكتب فى البحث Cmd واضغط عليه كلك يمين واختار Run As adminstrtor.
او اختارها من الجنب.
حل مشكلة الشاشة الزرقاء من السيف مود

اكتب الاوامر التالية فى نافذة CMD.
net stop wuauserv
net stop bits
كل امر يتم كتابته مرة لوحده.. بعد تنفيذ الاوامر اعمل اعاده تشغيل للكمبيوتر الخاص بك.



-تشغيل Startup Repair لحل شاشة الموت. 

 ويندوز بيقدملك اداة اصلاح للمشاكل ولكن عشان تقدر تشغلها لازم يكون معاك اسطوانه تثبيت الويندوز او حتي لو ملفات الويندوز محروقه على فلاشة .. 
وصل الويندوز بالكمبيوتر بتاعك وبدل ما تختار SetUp 
اختار Repair .. وبعدين اختار التالي:
 Troubleshoot –> Advanced Options –> Startup Repair.
ويندوز هيحاول يكتشف اي اخطأ او ملفات تالفة في الويندوز وهيتم اصلاحها تلقائياً


الحل عن طريق قرص تثبيت الويندوز

- تشغيل System File Checker (SFC).

تقدر تعمل فحص للملفات التالفه اللى بتكون مسبب كبير للشاشة الزرقاء فى الويندوز عن طريق فتح CMD .. 
اكتب فى البحث cmd واضغط عليه واعمل تشغيل كمسؤل او Run as Adminstrator. "راجع الشرح مصور لفتح النافذه فى الخطوة الاولي"
اكتب داخل النافذه السوداء اللى طلعتلك:
sfc /scannow
فحص الملفات التالفة فى ويندوز

-ايقاف اعاده التشغيل التلقائى عند حدوث خطأ فى النظام.

تعديل اعددات the Memory Dump Setting .. لوقف اعاده التشغيل التلقائي للكمبيوتر ..
اضغط كلك يمين على This Pc واختار Propreites.
اختار تبويب Advanced.
اضغط على settings فى الجزء الخاص بـ ‘Start-up and Recovery’.
تعطيل اعاده التشغيل التلقائي عند حدوث خطأ فى النظام

وشيل علامة الصح من جنب Automatically Restart.
واختار Complete memory Dump.
ايقاف الشاشة الزرقاء ويندوز 10 و 8

اضغط على ok واعمل اعاده تشغيل للكمبيوتر.
كدا الكمبيوتر بتاعك لو حصل فيه خطأ بالنظام هيظهرلك رسالة خطأ ولكن مش هيعمل ريستارت لوحده.
ممكن تنفذ الطريقه من وضع السيف مود لو الكمبيتر بتاعك مش بيفتح وبيجيب نفس الشاشة الزرقاء.

-تحديث تعريفات الكمبيوتر.

تعريفات الكمبيوتر سبب شائع جداً للمشكلة دي .. فاستخدامك لتعريفات قديمة ممكن يكون السبب الرئيسي وراء الظهور المستمر للشاشة الزرقاء على الويندوز الخاص بيك.
تقدر تحدث تعريفات الكمبيوتر الخاص بك يدوياً عن طريق الدخول لموقع الشركة المصنعه للكمبيوتر الخاص بك وكتابة موديل الكمبيوتر وتنزيل التعريفات وتثبيتها يدوياً. او من خلال تنزيل برنامج تحديث التعريفات اونلاين و تحديثها تلقائياً مثل برنامج Drive Booster و Drive Pack Solution.


-الغاء تثبيت البرامج المشبوهة والمضرة.

جرب الغاء تثبيت البرامج اللى قمت بتثبيتها من فتره قريبة قبل ما المشكلة تظهر وتكون برامج زائده لا فائده منها .. ودايماً تجنب استخدام برامج من مصادر غير موثوقه او برامج مشبوهة لانها ممكن تسبب مشاكل كثيرة فى نظام التشغيل الخاص بك.

-تحديث ويندوز وترقيته لحل مشكلة الشاشة الزرقاء.

دايماً بيكون في تحديثات كبيرة كل فتره بتحل مشاكل كثيرة فى نظام التشغيل ويندوز .. خلي نسختك الحالية آخر اصدار من ويندوز 10 عشان تتجنب كل المشاكل اللى بتظهر فى النسخ القديمه وتم حلها بالتحديثات .
ادخل الي الاعدادات >> التحديثات واعمل البحث عن تحديثات.
تحديث الويندوز لحل مشكلة الشاشة الزرقاء


-اعاده تثبيت الويندوز.

ممكن تجرب تعمل اعاده تثبيت للويندوز من جديد او عمل Reset للويندوز بمسح كل البرامج وكل شىء على الويندوز وبداية استخدام الويندوز من جديد..
وممكن تعمل كدا عن طريق انك تكتب فى البحث الخاص بالويندوز Reset.
اعاده تثبيت الويندوز لحل المشكلة

واضغط علي get Started.
الحل النهائي للمشكلةو عمل Reset

دول كانوا اشهر 8 حلول لمشكلة الشاشة الزرقاء ودخول الكمبيوتر فى دايرة من الريستارت بسببها كمان. و لا تتكاسل فى عمل خطوات التحديثات لانها مهمة جداً.
لو عندك اي مشكله اتركها فى كومنت. وتابع المدونه من اليسار للمزيد.

تابعنا على فيسبوك وتويتر 
دمتم بخير ♥
هل اعجبك الموضوع؟
MO3Az
MO3Az
مهندس مدني إنشائي مهتم بالكتولوجيا ,أحب متابعة وتجربة جديد الشركات واقدم بعض الشروحات الخاصه بالكمبيوتر والهواتف ايضاً ♥

تعليقات

4 تعليقات
إرسال تعليق
  1. شرح حضرتك جميل جدا ⁦❤️⁩ بس كنت محتاج اتواصل مع حضرتك ضرورى اتواصل ازاى

    ردحذف
    الردود
    1. شكراً عزيزي,الاجمل مرورك على المقالة
      تستطيع ذلك عن طريق تويتر او الفيسبوك
      او صفحه اتصل بنا
      بالتوفيق♥

      حذف
  2. يعطيك الف عافية شكرا والله

    ردحذف
    الردود
    1. الله يعافيك يا حبيبى ♥ , سعيد لان المقالة نجحت فى حل مشكلتك ,اتمني لك التوفيق فى القادم

      حذف

إرسال تعليق