القائمة الرئيسية

الصفحات

ازاى تفرق بين الايفون االتقليد والاصلي

ازاى تفرق بين الايفون التقليد والاصلي وتعرف الفرق بالتفصيل

السلام عليكم :)
موبايلات الايفون الكوبي او الفيرست هاي كوبي منتشرة جدا او بتسمي الكلون وشرحنا قبل كدا
اي هيا موبايلات الهاي كوبي وهل تشتري الموبايلات دي ولا لا وهسيب رابط التدوينه بعد المقدمه
لازم تكون قادر تعرف الفرق بين الموبايلات الكوبي والاصليه بذات فى الايفون .. لان ما زال لحد
اللحظه اللى بكتب فيها المقال دا فى بعض الاشخاص بتستغل الايفونات الصينيه او الهاي كوبي
وتبيعها لاشخاص مش قادرين يعرفوا انها موبايلات غير اصلية ... وانا بتضايق جدا من الاسلوب دا
لو انت كشخص عايز تشتري الايفون الكوبي بس عارف انو كوبي فدا يرجع ليك ولاختيارك انتا
لكن ان اي شخص يستخدموا فى انو ينصب عليك فدا شىء مش كويس ...
تشتري موبايل هاي كوبى ؟ الاجابة وايه هيا الانواع دي ؟


 هتقدر تعرف ان الموبايل اصلي او لا عن طريق اكثر من نقطه :

اولا: الشكل والمظهر الخارجى

النقطه دي ممكن تخليك تعرف الفرق لو انت مستخدم ايفون وعندك متابعه كافيه للاصدارات وايضا
متابع اشكال الموبايلات الجديده و المراجعات ليها .. ممكن تلاقي بعض الفروقات فى المظهر الخارجي 
بس فى الغالب فى ايفونات كثير هاي كوبي مش هتقدر تلاقي فروقات فى الظهر او الجوانب ممكن تلاقي
فروقات فى مكان لوجو آبل ودا طبعا هيتطلب منك ان يكون معاك جهاز بتقارن بيه ...
بس لو لقيت لوجو ابل محطوط فوق بعيد عن مكانو يبقى مش اصلي وهوضحلك بالصور .. 
دا شكل الظهر بتاع الايفون الاصلي ومكان اللوجو  



الجزء المهم اللى عايزك تركز فيه لو انت معندكش اي خبره عن الايفونات واللى يكفي انك تجيب صورة
للاصدار من النت وتقارن بيه .. هيا الشاشه ليه ؟ 
صانع الجهاز هيركز انو يطلعلك جهاز بشكل متقارب جدا ولكن مش هيقدر يحط ليك شاشه نفس شاشه الاصلي
ودا لعده اسباب :
منها ان الشاشه الاصليه اكيد هترفع ليه ثمن الجهاز ودا عكس اللى هوا عايزه .. انو عايز يطلع موبايل نفس الشكل
ولكن بسعر رخيص جدا ..ثانيا النقطه دي اصبحت واضحه بسبب النوع الجديد من الشاشات ابتدائاً من ايفون X
وهيا الشاشات اللى بتكون فيها نسبه استحواذ  كبيرة (النوتش وحواف الشاشه من تحت قليله ) من هنا بدأ انو يكون
صعب انو يحط شاشه بنفس الحواف من تحت
ركز جدا دي اهم نقطه لو انت مش مستخدم لشاشات ايفون وعارف جودتها ( ركزززززززز مع حواف الشاشه من تحت )
هتلاقي الحواف اكبر بكثيييررر من الاصدار الاصلي وممكن تشوف بس صورة من عالنت وتعرف الفرق مثلا
بين شاشات ايفون 11 برو و الكوبي منو وايفون اكس والكوبي منو وغيرهم ...




 

ثانيا: الامكانيات والذاكرة و المداخل 

لازم وانت بتشتري اي جهاز طبيعي انك تبقي عارف امكانيات الجهاز وتراجها مع امكانيات الجهاز الفعلي
لازم تبقا عارف ان الايفون لا يقبل ادخال ميموري  و لا يوجد فتحه من الاساس لكارت ميموري ..  فكل دي حاجات اساسيات بتدل على ان الجهاز مش اصلى بس فى الغالب
ممكن متلقيش النقطه دي وتلاقي صانع الجهاز مغطيها .. بامكانيات وهميه .. وانو اكيد مش هيحط مداخل
زياده بس برضوا لازم تبقا عارف النقطه  دي ..


ثالثاً: السريال بتاع الجهاز

من وجهه نظري ان النقطه دي متعتمدش عليها ابداً .. بس زي ما قولتلك لازم تبقا برضوا عارف كل النقاط
ليه متعتمدش عليها ؟  
لان صناع الايفونات الكوبي اصبحوا بطريقه غريبه دلوقتي يزورو الارقام دي ولو حطيتها على ابل هيقولك ان
السريال نمبر صحيح .. 
المهم هتدخل للاعدادات و تروح لــ About
هتلاقي السريال بتاع الجهاز
هتروح صفحه ابل  من هنا و تضع السريال وتشوف بس زي ما قولتلك متعتمدش على النقطه دي ابداً
 
 
 

رابعا: النظام و تطبيقات ابل المميزة 

من وجهه نظري دي ثاني اهم نقطه بعد نقطه الشاشه ... الايفون طبعا بيشتغل بنظام خاص بآبل وهوا IOS
معظم التليفونات الهاي كوبي بتبقا اندوريد ومعمول ليها حاجه زي استايل او skin او theme عشان
تظهرلك انها ايفون 
ومن هنا ممكن تستفيد بحاجات كثيره جدا تعرف منها ان الايفون هاي كوبي 
لو انت مستخدم IOS ممكن تعرف الفرق بمجرد الاستخدام لو هوا ملحوظ بس هنعتبر ان الاستايل بتاع الموبايل
قوى ومش ملحوظ ابدا .. 
ركزز مع الخدمات الخاصه بآبل  ... لما تفتح المتجر فى الغالب مش هيطلب منك ICloud وهيشتغل بدونه
ودا عكس الطبيعبي لان الاي كلود دا شىء مهم فى الايفون ولازم تعمل حساب عشان المتجر يشتغل 
حاول تجرب FaceTime وكمان Imassage كل دى خدمات خاصه بآبل هتخليك تعرف اذا كان الموبايل اصلي ولا لا
برضوا ركز جدا جدا جدا مع SIRI سيري هوا المساعد بتاع نظام جوجل ... وفى اختصار  بيظهر بشكل مربع على جانب الشاشه
دا فى حاله الاظهار .. لو لقيت الاختصار دا اللى بتفتح منو سيري وتجرب سيري وتشوف هل شغاله ولا لا ...
جرب تربط الجهاز ب Itunes على لاب توب  ان شاء الله مش هتوصل لهنا وقبل ما توصل للمرحله دي هتكون عرفت
اذا كان الايفون كوبي او لا من كل النقط السابقه اللى اهمهم  (سيري والشاشه )
 


 

وبكدا نكون وضحنا بعض الفروقات الموجوده واتمني تكون المقاله افادتك وخليتك عارف بعض الفروقات
عشان محدش ينصب عليك ..
لو عندك اي سؤال اتركه فى كومنت او تواصل معانا على وسائل التواصل الاجتماعي
دمتم بخير ♥
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي