تشتري موبايل هاى كوبي ؟ وليه ؟ عيوب و مميزات
موبايلات الهاي كوبى او الفرست هاى كوبي او موبايلات الكلون او مهما تعددت الاسماء... هل الموبايلات دي جيده فى الاستخدام ؟ عيوبها ومميزاتها ؟
اندوريد او ايفون ، المهم ان هيا الموبايلات اللى بتبقا نسخه من موبايل اصلى فى شكله ولكن مش فى المواصفات والاداء او اي حاجه من دى...
هل تشتري موبايل هاي كوبي او تحت اي مسمى ؟
الاجابة بتعتمد عليك فى الاخر ... بالنسبة ليا الاجابة هتكون لا..
ليه لا؟ تليفونات الهاى كوبي كان ليها سوق زمان ايام لما كان صعب ، انك تمتلك جهاز من شركات زي سامسونج او هواوي او شاومي او غيرها ، لكن دلوقتي بقا في فئه متوسطة من الهواتف وبقا فيها تنافس شديد جداً وبقا فى فئه اقل كمان...
فبقا بامكانك بنفس ثمن موبايل الهاي كوبي تشتري جهاز من الشركات اللى ذكرناها ، ثانى نقطه هيا نقطه التليفون ذات نفسه .. انا اتعاملت مع تليفونات هاي كوبي كثير جداً ، الموبايل عبارة عن شكل خارجي ممتاز جدا وبس ... امكانيات الجهاز حقيقى لا تساعدك على اجراء مهام كثير عاديه .. هيقوم بيها موبايل بنفس الثمن من شركات ثانيه ، فدى نقطة الاداء... مش معنى كدا ان هيا اسوء شيء ... لا مش اسوء شيء بس برضوا لا يعتمد عليها.
الموبايل شكل وبس دى وجهه نظري
وفى الغالب لو عايز تشتري هاي كوبي لايفون مثلا او كدا هتلاقي ثمنه مثلا معدي 2000 جنيه ، دا ان موصلش لاكثر من كدا ... بنفس الثمن دا هتجيب تليفون متوسط هيعملك تقريبا احتياجاتك كلها ، دا طبعا بغض النظر عن الاثنين لا يجود بينهم مقارنة من ناحيه النقطه دى ونقط ثانيه كثير كضمان وغيره...
فلو عايز تشتري الانواع دي عادي .. بس خليك عارف انك بتشتري جهاز ف الاخر شكلا من الخارج ، كل فلوس الموبايل هتبقا موجهه ناحيه العتاد الخارجي وانه يطلع شكل مظبوط ... يخليك من النظره الخارجية تفتكر انو نفس التليفون ...
فعشان كدا قولتلك ان قرار زى دا لازم اقولك وانت اللى هتاخد قرارك ، ممكن انت عايزه كـــ شكل بس فعلا ... وبالنسبه لــ ازاى او معرفة الفرق بين الهاتف الكوبي او الهاى كوبي والاصلي ، فهعمل تدوينه ثانيه خاصه بالموضوع دا وايه هيا الطريقه اللى تقدر تفرق بيها بين التليفون الاصلي والكوبى ... لان الحاجات دي ممكن تستعمل بطرق مش كويسه....
بس هوا دا كل اللى اقدر اقوله فى الموضوع دا من وجهه نظري ، قولي اي وجهه نظرك فى الموضوع دا في تعليق وإذا كان لديك اي استفسار لا تترد في كتابته و سأقوم بالرد عليك فوراً ... ♥
هو إللي واضح من كلام حضرتك أنو شكل بتقول الايفون إنما هو مش الايفون ودي عرفناها اه طب الفرق بيشتغل بنظامiosولا أندرويد وبيهنج ولا آه جهاز مركة زي بقيت الماركات
إرسال ردحذفاهلاً بيك,فى الغالب الموبايلات دي بتكون شكل بس وبتكون بنظام اندرويد نازل عليه ثيم معين لو مثلاً ايفون هيكون اندرويد عادي بس نازل عليه ثيم IOS ولا انصح بشراء هذه الاجهزة لان خلاص فى بنفس الثمن خيارات ممتازة من شركات موثوقه ,شكراً ♥
حذفالفرق بينهم أن الهاى كوبى لم يكن به cloud
إرسال ردحذفاهلاً بك, بالفعل لن يحتوي الايفون الكوبي او المزيف على خدمات آبل و تستطيع معرفة الايفون الكوبي بمجرد النظر عليه حتي قبل فتحه و تصفح النظام او الواجهة التي تكون واجهة أندرويد.
حذفعن جد يسلمو كنت هأرتكب اكبر خطأ إني اشتري إيفون كوبي شكرآ
إرسال ردحذفاهلاً بك ، سعيد ان المقالة قامت بمساعدتك ، بالتوفيق ♥
حذفهل بطارية الكوبي نفس الاصلي
إرسال ردحذفوقطع الغيار
اهلاً بك ، ماذا تقصد بنفس الاصلى ؟ ، لن يتم استخدام قطع اصليه في هواتف تباع بربع ثمن الهاتف الأصلى ، قد يكون هنالك تشابه في بعض القطع فقط
حذفشكرا لحضرتك
إرسال ردحذفعفواً ، سعيد بتعليقك ♥
حذفيعنى بلاش اشتريه ولا ايه اه ولا لا
إرسال ردحذفايوة بلاش يا فندم ، يفضل تشتري هاتف اندرويد بنفس الثمن
حذفاشتريه ولا لا يعني
حذفالاجابة النهائية متروكة لك ، يجب ان تتخذ القرار بنفسك بعد ان شرحت و وضحت لك جميع النقط ، بالتوفيق
حذفهو حضرتك الايفون الهاي كوبي هيعد معايا مده يعني مثلا سنتين هو انا مش عاوزه غير الواتس واليوتيوب وعاوزه يعقد معايا مده بس اجيبه ولا لا
إرسال ردحذفالايفون الهاي كوبي مقدرش اقولك انو مناسب للاستخدام و الاعتماد عليه اصلاً ، هوا مجرد شكل بس لذا لو هتعتمد على الهاتف ف اي حاجه يفضل انك تشتري موبايل اندرويد بنفس السعر
حذفلو الاستخدام للمكلمات والواتساب ينفع ولا لا
إرسال ردحذفاهلاً وسهلاً بيك ، لا أنصح به إطلاقاً وانصح بشراء هاتف اندرويد بنفس الثمن سيعطيك اداء أفضل سواء في المهام اليومية أو الألعاب
حذفبس انا جبته واستخدامه جميل جدا
إرسال ردحذفاهلاً وسهلاً بك ، مبروك اولاً ، ثانياً وضحت ان الهاتف يقدم اداء مقبول ولكن هذا الامر يختلف من شخص الى اخر و على حسب طريقة الاستخدام.
حذفمن قد ايه اشتريته وايه مميزاته لو سمحت لاني بفكر اشتري جهاز ايفون
حذفلو سمحت انا كنت بفكر اجيب واحد علشان الصور بس والمنظر غير كدة ميلزمنيش واصلا يعني لو دلوقتي هجيب كوبي ف شهر 12 هجيب اصلي ونا علشان محتاجه دة علشان الكاميرا بس ف تنصحني ب اي معلش؟؟؟.
إرسال ردحذفاهلاً ، كمنظر فقط اختر نسخة ايفون هاي كوبي جيدة وقريبة جداً للاصلية وسيفي الهاتف بالغرض من هذه الناحية ولكن من نواحي أخرى لكن يكون صفقة رابحة.
حذفلو سمحت لو حابه اشتريه علشان التصوير فقط هل أداء الكاميرا مقبول؟ لو هشتري ايفون ١٣ برو ماكس أداء الكاميرا هيكون زي كاميرا ايه في الاندرويد مثلا؟
إرسال ردحذفاهلاً بيكي ، لا يا فندم كاميرات الايفون الكوبي سيئة جداً و لايعتمد عليها اطلاقاً لو هتشتريه شكل فقط اوك ولا أنصح بشرائه مطلقاً ، سوق الهواتف تطور و اصبحت هذه الهواتف مضيعة للمال.
حذفطيب لو سمحت تلفون سامسونج هاي كوبي هيبقي الكاميرا حلوه وصوته وأداء السرعه في الواتس والالعاب ايه ممكن حد يفيدني ولو حد جابه وشغال بي يقول رايه
إرسال ردحذفاهلاً ، الاجابة واضحة وضوح الشمس من المقال ، الاجهزة الكوبي لا فائدة منها الا الشكل فقط وتقدر تشوف مراجعات كاملة على اليوتيوب للأجهزة دي
حذف