نصائح لتعلم الانجليزي فى اسرع وقت

اتعلم انجليزي فى 6 شهور ....الطرق والمواقع والفيديوهات. هل 6 شهور كافيين لتعلم؟ ازاي ؟



السلام عليكم :) 

ازاى تتعلم انجليزي فى فتره قليلة او بسرعة ... هل ينفع ؟ هل ممكن ؟ 

اولا : 6 شهور مش فتره قليله بس الموضوع بيعتمد عليك وع المجهود اللى هتعمله 
مفيش اي حاجه هتوصلها من غير ما تبذل مجهود ليها ... فالتطور ليس وليد الكسل .. 
 
اتقان اللغه هيحتاج فتره اكبر من كدا طبعا .. ولكن 6 شهور كافيه انك توصل لمستوي متوسط او متوسط 
مرتفع كمان ودا مستوي حلو جدا مش زي ما انت مفكر ... 
المهم ابدأ ... المواقع اللى ممكن تبتدأ فيها كثير او الدورات فانا مش هشتتك 
وهجيبلك حاجات واحده من وجهه نظري تمشي عليها تلاقي نتايج ودورات مجربه 
 
 1- اول حاجه انت محتاج مصدر تذاكر منه دروس جديده وكدا 
2- هتحتاج تمسمع كثير جدا وهنا لما اقولك كثير معناها كثير
مهاره الاستماع من المهارات اللى هتفرق معاك جدا فى تعلم اللغه 
والوقت اللى هتحتاجه انك تتعلم ... مهارة الاستماع 
التطور فيها مش لحظى او هتلاحظه فى يوم مفيش كدا طبعا .. 
هتلاحظ التطور مع مرور الايام و فجاءة بدون اي مقدمات 
هتلاقي نفسك بتطور و بيعدي عليك حاجات بدأت تفهمها  
طبيعي انك اول ما تفتح فيديو لناس اجانب متبقاش فاهم اي حاجه فانت مش غريب
 فــ متيأسش ... مراحل التطور ف الاستماع هتديك ثقه فى نفسك وهيخليك تفهم جمل كثيره 
من سياق الكلام انت اصلا مش عارف كلمات فيها ... هتخليك تسمع كلمات غريبه عنك 
وهتبحث عنها عادي ... نصيحه : الكلمات مهمه جدا فى اللغه بس الحفظ للكلمات بس كدا
مش هيفيدك وخلى فى بالك ان مهما كان مستواك هيقابلك كلمات مش عارفها عادي جدا 
لغتك الام عربى وممكن اقولك كلمات عربى انت مش عارف معناها فبرضوا لا تيأس 

3- هتحتاج تشوف فيديوهات على منصات مختلفه من وقت للثاني دا هيفيد فى جوانب كثير
وهديك منصات مختلفه دلوقت ...
4- حدد انت عايز تتعلم ليه عشان دا هيفرق معاك لو اهم حاجه عندك التكلم ومش هيفرق 
معاك كتابة نص رسمي والحاجات دي ركز على التحدث بشكل اكبر بس طبعا
 متهملش اي مهارى ثانيه 
5- اوعي تهمل النطق واللهجه وابنيه من وانت لسا بتتعلم بشكل صحيح عشان هيبقي اصعب بكثير جدا 
لو اتعلمت غلط وعايز ترجع تصحح " دايما البناء اسهل من الترميم " 

اولا : المصدر اللى هتذاكر منه  تقريبا انتا عارفه

 تطبيق ZAmrican English  للمتميز د/ ابراهيم عادل 
شخص بارع جدا فى ايصال المعلومات متمكن لابعد الحدود .. حقيقي بيقدم قميه علميه مش ممكن 
تلاقيها على الانترنت فى مكان ثاني .. واسئل اي حد مستواه متوسط .. بيقدملك كل حاجه بالتفصيل
 بدون اى نوايا للربح مستقبلاً ... انصحك وبشده وعشان كدا مش هحطلك دورات ثانيه 
لان من وجهه نظري .. دا افضل تطبيق للتعلم الانجليزية " ودا كلام مني انا كتجربة "
تطبيق ذا امريكان انجلش لتعلم اللغه الانجليزية
تطبيق ذا امريكان انجلش للايفون

ودا رابط قناه Zamerican English 

 ثانيا :  موضوع الاستماع فانت ممكن تمارسه باي طريقه انت تحبها مينفعش اقولط طريقه معينه 
انت بتفضل اي واعمله المهم تمارسه وانصحك بالراديو تشغله جنبك حتى لو بتعمل حاجه ..
وفى تطبيقات كثير بتوفر ليك استماع زي listen Box

ثالثا:  ممكن تشوف فيديوهات قصيره على اليويتوب واظهار الترجمه الانجليزي 
وممكن تستخدم TED Talk   منصه مفيده جدا كمحتوي و كلغة طبعا 
استخدم موقع Youglish
موقع متميز جدا فى معرفه نطق الكلمات عن طريق فيديوهات اليوتيوب استخدمه فى الكلمات اللى محتاج
تسمع النطق ليها اكثر من مره ومن اكثر من شخص ... 
 
 
ان شاء الله لما توصل لمستوي متوسط فى اللغه لازم تبدأ تمارس اللغه بشكل اكبر عشان تحسن من اللهجه والنطق 
والتحدث عندك بطلاقه وهعمل موضوع فيها افضل التطبيقات الاونلاين اللى ممكن تمارس وتتكلم عليها بالانجليزى

بالتوفيق طبعا ان شاء الله  ... كل ما فى المقاله من وجهه نظري الشخصية 
والاختلاف فى الاراء شيء طبيعي ..
 
MO3Az
بواسطة : MO3Az
مؤسس موقع متطور ,أحب متابعة وتجربة جديد الشركات واقدم بعض الشروحات الخاصه بالكمبيوتر والهواتف ايضاً ♥
تعليقات



حجم الخط
+
16
-
تباعد السطور
+
2
-