ما هو الويندوز 10 Enterprise LTSC وامتى تستخدمه واي الفرق بينه وبين الويندوز 10 برو العادي..وهل هو مجاني او لا ؟ واي مميزاته .. كل ما تريد معرفته عن Windows 10 Enterprise LTSC تحميل اخر اصدار
سؤال وجواب:Windows 10 Enterprise LTSC
دول اشهر 15 سؤال ممكن يبقو فى بال اي حد هيسمع اسم الاصدار دا من ويندوز 10 LTSC هنحاول نجاوب عليهم كلهم ان شاء الله , على حسب معرفتي البسيطه .. واترك تعليق باللى تعرفه فى التعليقات ...
1- ما هو الويندوز 10 Enterprise LTSC.
هو اصدار خاص من ويندوز 10 مع دعم فني طويل المدي (فتره كبيرة من الدعم ) فى ويندوز Windows 10 Enterprise LTSC و زمان كان اسمه LTSB مايكروسوفت بتركز على استقرار النظام , و كمان فى فتره الدعم الويندوز بيستقبل تحديثات امنية شهرية و تحديثات لو في اي مشاكل معيبة للنظام او اي ثغرات . لكن التحديثات الكثير او التغييرات فى النظام بتنزل تقريبا كل سنتين او ثلاث سنين (والمستخدم بيبقا ليه الحق انو يختار هيحدث للاصدار الاعلي او لا ).
والنقطه بتاعت التحديثات دي مستخدمين كثير شايفين ان ويندوز بيستقبل عدد كبير جدا من التحديثات وان الاغلبيه مش بتبقي عايزه التحديثات دي.. فالاصدار ده تقريبا بيريح دماغك من النقطه دي .يعني من الاخروالويندوز العادي بيتسقبل تحديثات بتغييرات ضخمه كل 6 شهور تقريبا يعنى مرتين كل سنه "هيا نسخه بتقدم استقرار اكبر للنظام وتحديثات بعيده المدي مع فتره دعم كبيرة ".
2- امتى تستخدمه والاجهزة المفضلة لويندوز10 Enterprise LTSC.
على حسب اعتقاد وكلام مايكروسوفت ,فالاصدار دا من ويندوز 10 مش المفروض يستخدم فى اي جهاز او الحالات العامه .. المفروض يستخدم فى الاجهزة اللى فيها الامان والاستقرار اهم بكثير من مزايا واضافات جديده مثلا او كدا لان دا مش هيحصل فى الاصدار دا.. فزي ما قولنا ان التحديثات بتوصل تقريبا كل سنتين او ثلاثه . فمثلا اجهزة البزنس او الرعاية الطبيه او كمبيوترات التحكم فى المرور او المصانع "بمعني فى الاجهزة المهمه جدا ".
ومايكروسوفت بتقول ان مفيش غير 3% من مستخدمين ويندوز 10 هما اللى بيستخدموا Windows 10 Enterprise LTSC . من تقريبا مليار ونص او اثنين تنزيل للنظام او مستخدم.
3- مميزات Windows 10 Enterprise LTSC واي الفرق بينه وبين ويندوز 10 العادي او البرو.
زي الويندوز 10 Home او Pro بس مع مميزات واضافات اكثر .. ومن الاختلافات بين الويندوز LTSC والويندوز 10 العادي هيا اختلاف التحديثات فمثلاً الويندوز العادي شغال بنظام تحديثات نص سنويه يعنى كل 6 شهور بينزل ليه تحديث بمميزات مختلفة .. انما النسخه LTSC بينزل ليها تحديث ببمزيات جديده تقريبا كل سنتين او ثلاثه لكن بيزل ليها تحديثات امنيه و حلول اي مشاكل شهرياً عادي..
الفرق هنا هوا استقرار النظام اكثر فى النسخه LTSC بس مفيش مزايا جديده كل فتره فلو انت بتدور على التحديثات والمزايا الاكثر طبعا ال LTsc مش هيكون مناسب ليك ودا تفكير واعتقاد مايكروسوفت اصلا .. ان نظام LTSC ليش لكل الحالات او الحالات العامة..
من الاختلافات ايضا انك مش هتلاقي فى نسخه LTSC المتجر الخاص بويندوز او المساعد الشخصي Cortana او جوجل درايف او بعض من المزايا اللى مايكروسوفت شالتها عشان توفر سرعه واستقرار اكبر.. فالمزايا اللى مش موجوده فى LTSC.
- متصفح ايدج
- متجر مايكروسوفت
- وان درايف
- المساعد الشخصي كورتانا
- مفيش اي تطبيقات
قائمه ويندوز 10 LTSC هتفتح تلاقيها فاضيه خاالص اول ما تثبته وكل شيء انت اللى هتثبته يدويا على حسب احتياجاتك..
4- اخر اصدار متاح حاليا Windows 10 Enterprise LTSC ؟ والاصدار القادم امتي؟
اخر اصدار متاح حاليا هوا اصدار 16-11-2021 LTSC Version 21H2 "اصدار طويل المدي " والاصدار السابق كان اصدار LTSC 2019 Version 1809 ، الاصدار القادم معرفش تاريخ محدد ليه ولكن ممكن بعد سنتين مثلاً.
5- عيوب ويندوز LTSC والشيء المفقود منه ؟
هل عدم وجود مايكروسوفت ايدج والمتجر وكورتانا وكل التطبيقات والمزايا دي بالنسبه ليك ميزة ولا عيب ؟ دا اجابه السؤال من المفترض ..
ويندوز 10 LTCS هيشتغل عادي بنفس منظر و محدش هيفكر انو ويندوز 7 مثلا .. ولكن هل عدم وجود المساعد والمتجر والمتصفح و وان درايف كل دا مش فارق معاك ؟ انا كمستخدم المزايا دي بستخدمها كثير .. والمتجر كثير جدا بستخدم متو تطبيقات فبالنسبه ليا دا عيب .. فلو اجابتك لا فمفيش عيوب هتقابلك.
6- التحديثات الشهرية الامنية لويندوز وهل يمكن تأجيلها فى ويندوزLTSC ؟
-زي ما قولنا سابقا . من اكبر الاختلافات بين الويندوز العادي والنسخه LTSC هو نظام التحديث من نصف سنوي الى سنتين او ثلاثه ولكن الويندوز هيستقبل تحديثات امنيه شهريه وحلول لاي مشكله موجوده ودي هتكون تحديثات مش كبيرة طبعا ومش مزعجه.
ولكن هل ممكن تأجل التحديثات دي ؟
الاجابه نعم , ممكن عادي جدا تأجل التحديثات دي بسهولة جدا.
7- اي السبب اللى خلي مايكروسوفت تتيح النسخه دي من ويندوز 10 LTSC ؟
سؤال ممكن يجي فى بالك اي السبب اللى يخلي مايكروسوفت تنزل او تعمل النسخه دي من الاساس فعلي حسب كلامها هيا مش نسخه متاحه للجميع او ممكن تنزلها على اي جهاز فى الحالة العامة.
فى الحقيقه فى كثير جدا من المستخدمين قدمو نقد كثير لنظام التحديثات العادي لويندوز 10 .. وانه بيسبب ازعاج او بيضايقهم وانهم بيفضلو التحديثات تكون بنظام السنتين او الثلاث سنين افضل واكثر راحه . فمايكروسوفت حاولت تخفف النقد دا وتحله بالنسخه دي اللى من اكبر مميزاته هوا تغيير جدول التحديثات بالكامل فيها واختلافه اختلاف جذري عن النسخه العاديه .
وايضاً فى كثير من المطورين او اصحاب المصانع او المهن اللى توقفها بيؤدي الى مشاكل .. مش بيفضل انو يشغل اجهزته بنظام ويندوز 10 بسبب عدم استقرار النظام والتحديثات وحاجات كثير فبيضطر يلجأ الى اصدار اخر او نظام اخر فمايكروسوفت اكيد عايزه توجد حل للفئه دي وتحصل على ثقتهم ..
8- امتى المفروض تثبته LTSC وتشغل جهاز بيه على حسب كلام مايكروسوفت .؟
طبعا اكلمنا على وجهه النظر وكلام مايكروسوفت والمميزات و العيوب فانت تقدر تختار اذا كان هل نظام LTSC مناسب للكمبيوتر الخاص بيك ولطبيعه شغلك واستخدامك ولا لا النسخه البرو العاديه بالنسبه ليك افضل واحسن..
9- هل يوجد اختلاف فى الدعم ؟ واي الفرق بين الدعم الخاص بويندوز LTSC والبرو؟
ايوة فى اختلاف فى الدعم , الاختلاف فى الدعم هنا ان مايكروسوفت هتدعم النسخ دي لمده كبيره وطويلة قد تصل الى عقد كامل ..
10- هل ممكن تحدث جهازك اللى شغال بويندوز 10 عادي او برو الى اصدار LTSC ؟
لا مينفعش , احنا هنا بنكلم على ان جهازك شغال بالنسخه العاديه الللى بينزل ليها تحديثات كل 6 شهور تقريبا وعايز تحولها لنسخه LTSC فالحل انك تلغي تثبيت النسخه اللى عندك وتنزل نسخه LTSC من جديد كليا .. " يعني تعمل ويندوز جديد وتستخد م النسخه LTSC "
11- هل ممكن تحدث اصدارك من LTSC الى الاصدار الاحدث من ويندوز 10 LTSC ؟
هنا بنتكلم ان جهازك اصلا شغال بنظام LTSc وفى اصدار جديد اصبح متوفر فينفع تحدث ليه ؟ ايوة تقدر تحدث جهازك لاصدار LTSC احدث, بـــــــــس العمليه دي بتتم على ما اعتقد يدويا مفيش اداه مثلا او اي حاجه بتحدث ليك النظام فالموضوع على حسب معرفتي يدوي بانك بتنزل النسخه الجديده وتحدث بيها جهازك.
12- مدة الدعم فى نسخ Windows 10 Enterprise LTSC.؟
فتره الدعم فى نسخ LTSC بتكون 5 سنين رئيسية + 5 سنين دعم ممتد يعنى تقدر تقول ان معاك دعم لمده 10 سنين حرفياً ... ودا مش موجود فى النسخ العاديه.
13-فترات التحديث وبينزله تحديث كل قد اي ؟
طبعا تم اجابه السؤال دا اكثر من مره خلال المقال واكيد لو انت بتقرأ المقال من الاول تقدر تجاوب, بينزل تحديثات امنيه شهرية عادي جدا ولكن التحديثات اللى بيقا فيها مزايا او تغييرات مبنية هنا كل سنتين او ثلاثه ...
14-ترخيصه او تفعيله وهل هوا مجاني ؟
طبعا لا مش مجاني 😥 , وبتشتري ليه ترخيص عادي جدا واعتقد انو اغلى من الويندوز العادي , بصراحه لا اعلم لاني مجربتش اشتريه.
