القائمة الرئيسية

الصفحات

5 طرق سهلة لحماية هاتفك وخصوصيتك

 5 طرق سهلة لحماية هاتفك وملفاتك وصورك , موبايلك ... بدون برامج .. اندرويد احمي جهازك من المراقبه و التجسس والهكر ايفون ..حماية خصوصيتك.


-اسهل الطرق اللى ممكن تعملها علشان تحافظ على سلامة هاتفك وسلامة خصوصية موبايلك وملفاتك وصورك.. وامانه ضد اي فيروسات ممكن تسبب ليك مشاكل .. او ضد اي برامج خبثيه ممكن تسبب ليك اختراقات لخصوصيه هاتفك .. وملفاته مثل الصور والموسيقي او الحسابات والارقام السرية المحفوظه على الهاتف .. فالموبايل اصبح مثل البطاقه الشخصيه يحتوي على الكثير من المعلومات التى تكون شخصيه واكيد مش  عايز اي هكر او برامج خبيثه .. تخترق جزء من خصوصيتك .. او اي محاولات لكسر آمان الهاتف لو فقدته مثلا ..


1-استخدم كلمه سر قويه جداً لموبايلك:

عدد المتسخدمين اللى بيستخدموا كلمات مرور سهلة مثلا زي " 1234 " عدد كبير جدا جداً .. لو عايز تخلي نسبه امان اي شيء فيه باسورد اعلي فطبيعي انك تخلي الباسورد اقوي من كداا .. ودا نفس الحال مع باسورد موبايلك.

حتى لو كنت بتستخدم البصمه فى الدخول .. الموبايل بيطلب منك كود او باسورد فى حال حدوث اي خطأ للبصمه .. فدايما خلى الباسورد الخاص بك قوي .. وابعد عن رقم تليفونك ورقم تارريخ ميلادك والحاجا المتوقعه دي .. 

 استخدام بصمه الاصبع اعلى بكثير من استخدام بصمه الوجه لان فى بعض الهواتف ممكن بصمه الوجه تشتغل عن طريق صورة ليك مش وجه 3D.

2-اغلاق التطبيقات المهمة .. 

تانى خطوة لحمايه هاتفك والتعديات على خصوصيتك .. هيا اغلاق التطبيقات المهمه بالنسبه ليك واللى عليها معلومات مهمه بالنسبه ليك سواء المعرض او تطبيق محادثات زي واتس اب مثلاً .. 

معظم الموبايلات دلوقتي بقت بتيجي بالميزة دي فى الاعدادات ومش بتحتاج تنزل اي برنامج او تطبيق إصافي عشان تقدر تقفل التطبيقات .. فكل اللى هتعمله انك هتدخل اعدادات الهاتف بتاعك وتقفل التطبيقات المهمه ليك بباسورد قوي زي ما وضحنا فى النقطه الاولي.. 

3-التحقق بخطوتين  Two-Factor Authentication . 

دي ميزة لحمايتك وحمايه حساباتك من الاختراق بتقدمها بعض التطبيقات زي واتس اب وانستجرام والخاصيه دي رغم انها بتزيد من امان حسابك او تطبيقك ولكن ناس كثير جدا متعرفهاش ومس بتستخدمها .. الميزه دي هتلاقيها فى اعدادات الامان فى التطبيق .. وهيا عبارة عن 6ارقام التطبيق بيطلبهم منك لما تسجل دخول جديد او مثلا بيطلبهم منك عشوائي كل فتره .. كنوع من التوثيق .. 

4-ثبت التطبيقات الجيده والآمنه فقط.

احد اكثر اسباب انتهاك خصوصيتك هيا التطبيقات مجهوله المصدر او التطبيقات اللى بتنتهك خصوصيه تطبيق تانى مثلا زي تطبيقات الواتس المعدله واللى كتبنا مقاله سابقه عن هل هيا آمنه او لا ؟  ونصحنا الناس بعدم استخدامها ووضحنا ليه فى المقال .. 

التطبيقات مجهولة المصدر الغير آمنه بتهدد أمان موبايلك وخصوصيتك واي حاجه ممكن تكون موجوده على موبايلك.. 
فدايما ثبت التطبيقات من مصدر موثوق مثلا المتجر الرسمي "جوجل بلاي او آبل ستور"
بلاش متاجر مجهولة او بلاش مواقع مجهولة ممكن يكون عليها تطبيقات فيها برمجيات خبيثه .. 

5-استخدم تطبيقات أمان وحماية جيده.

استخدم تطبيقات حماية على موبايلك وفى تطبيقات كثيرة مجانية وجيده جداً .. نفس فكره انك تثبت برنامج مضاد للفيروسات على كبيموترك .. فالتطبيق بيكون جيد وبيفحص ليك التطبيقات الموجوده ولو فى تطبيق ضار هيقولك ولو فى ملفات او فيروسات على الهاتف برضوا بيقولك .. 


دول اسهل 5 خطوات ممكن تعملهم عشان تحمي موبايلك من الاختراق وتحمي خصوصيه صورك وملفاتك .. 

تابعنا على فيسبوك وتويتر ♥ 
دمتم بخير

هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي