- لعبة الديناصور على متصفح كروم الخاص بجوجل .. ممكن تلعبها لما الانترنت يفصل من عندك .. بتظهر ليك رسالة لا يمكن الاتصال بالانترنت و بمجرد ما تضغط مسطرة اللعبه بتشتغل .. اللعبه طبعا ملهاش نهاية وبتصعب كل شويا وبتقدر تعرف الاسكور الخاص بيك عن طريق الرقم اللى بيعد فوق ..
ممكن تلعب اللعبه ايضاً اونلاين .. ودا اللى هنشرحه وهنكلم كمان عن ازاي تلعبها اوفلاين لو انت مش عارف .. ودا لان بيحصل بعض التحديات بين الاصدقاء فى اللعبه دي . واللعبه بسيطه جداً والتحكم فيها اسهل ما يكون سواء على الكمبيوتر او حتي على موبايلك.
تشغيل لعبة الديناصور جوجل كروم اون لاين او بدون انترنت
اتكلمنا فى المقدمه ان اللعبه بسيطه جداً .. تقدر تعمل فيها اسكور وتتخطاه بسهولة وتقدر تتحكم فيها بزر واحد وهوا المسطرة وبتطلع وتنزل بالاسهم .. وعشان تقدر تلعب اللعبه كل اللى هتعمله ان هتفتح متصفح جوجل كروم لو معندكش انترنت هيظهرلك رسالة بتقولك ان في مشكلة فى الانترنت واللعبه علي الشاشة بمجرد الضغط على زر المسطرة مثلا لو انت كمبيوتر او لمس الشاشة لو انت موبايل .. الديناصور بيتحرك واللعبه بتشتغل.
فطريقة لعب اللعبه اوفلاين سهلة وبسيطه على موبايلك او الكمبيوتر الخاص بيك .. حمل جوجل كروم وطالما لا يوجد لديك انترنت افتح المتصفح واللعبه هتظهر .. ولكن هل في طريقة انك تشغل لعبه الديناصور الخاصه بجوجل اونلاين ؟.
طريقة تشغيل لعبة الديناصور جوجل كروم اونلاين ؟
الطريقة دي شغاله مع كل انواع الاجهزة اللى مثبت عليها جوجل كروم ..
افتح متصفح جوجل كروم واكتب " chrome://dino "
اللعبه بتشتغل عادي فى النافذه اللى كتبت فيها كدا حتي لو الكمبيوتر او الجهاز بتاعك متصل بالانترنت.
عن طريق اضافة خاصة بجوجل كروم اسمها Dinosty اضغط على الاسم وثبت الاضافه علي متصفح جوجل كروم الخاص بيك وبتقدر تلعب اللعبه في اي وقت ..
تحميل لعبة الديناصور جوجل كروم للموبايل
عن طريق تحميل تطبيق Dino T-Rex ... من متجر جوجل بلاي التطبيق تم تحميله اكثر من 10 مليون مرة وتقدر تحمله من هنا.
