تقليل استهلاك الانترنت على ويندوز 10 أو اي نسخة

منع وايقاف الويندوز من استهلاك الانترنت فى الخلفية وتقليل استخدام الانترنت على ويندوز 10 للمحافظه علي الباقة.

لاشك ان ويندوز 10 حالياً يعتبر نظام التشغيل الاكثر استخداماً على الاجهزة .. ولكنه الاكثر استخداماً للانترنت .. ودا بيسبب مشكلة كبيرة مع المستخدمين اصحاب باقات الانترنت المحدودة .. ويندوز 10 بيحتوي على مميزات كثيرة جداً  منها بعض المميزات اللى ممكن تساعدك فى التحكم فى استهلاك الانترنت وانت بتستخدم ويندوز10.

 

احياناً بتكون عايز تفتح انترنت مثلا عن طريق الموبايل .. ولكن لو الويندوز استهلك اي بيانات زياده فباقة الموبايل مش هتستحمل الاستهلاك دا وهتخلص .. ازاي تقلل استهلاك انترنت ويندوز 10 وتخلي الويندوز يستهلك انترنت فى البرامج اللى شغاله فقط .. ويمنع استهلاك الانترنت فى الخلفية زي مثلا تحديث برامج وصلها التحديثات او حتي تحديث الويندوز نفسه.

 

طرق تقليل استهلاك الانترنت ومنعه في الخلفية ويندوز 10 . 

  1. تفعيل خيار انترنت محدود.
  2. التحكم فى البرامج من Task Manager.
  3. ايقاف تحديثات ويندوز 10 .
  4. ايقاف تحديث التطبيقات تلقائياً.
  5. ايقاف عمل التطبيقات فى الخلفية.


- تفعيل ميزة انترنت محدود في ويندوز 10.

زي ما قولنا قبل كدا ويندوز 10 موجود فيه مميزات كثيرة .. واحده من المميزات دي خيار Limited Internet Connection .. الخيار دا عند تفعيله بيمنع التطبيقات من استهلاك اي انترنت فى الخلفية وايضاً بيمنع اي استهلاك زائد وتحديثات.. بسبب استخدامك لمصدر انترنت محدود ..

  • وتقدر تفعل الخيار دا عن طريق اعدادات الانترنت فى ويندوز 10.
  • اضغط كلك يمين على علامة الانترنت تحت واختار Open Network Setting


  • هتفتح ليك نافذه اختار Change Connection Propreties.


  • وفعل خيار Metered Connection.
  • ومكتوب فى الوصف الخاص بيه : اذا كان لديك خطة انترنت محدودة وتريد تحكم اكثر على الانترنت قم بتفعيل هذا الخيار.. قد تعمل بعض التطبيقات بصورة مختلفة لتقليل استهلاك الانترنت.


-التحكم فى استهلاك البرامج للانترنت من Task Manager.

اداه Task Manager موجوده فى مختلف اصدرات الويندوز .. بتقدر من خلالها تتحكم فى البرامج المفتوحه وتشوف البرامج بتستهلك قد ايه من موارد الجهاز .. وايضاً تقدر تشوف البرامج بتستهلك قد اي من الانترنت بالترتيب ..

 

تقدر تقفل البرامج اللى بتستهلك انترنت عالي وانت مش بتستخدمها بكل سهولة عن طريق End Task ولكن استخدم الاداة بحذر ومتقفلش تطبيقات ومهام خاصه بالنظام.. اقفل برامج فقط ، تقدر تفتح الاداه بانك تكتب فى البحث Task Manager.


اختار عرض المزيد من المعلومات وتقدر تتحكم فى البرامج اللى شغاله وتعرف استهلاكها.


-ايقاف تحديثات ويندوز 10.

احد اكثر اسباب استهلاك ويندوز 10 للانترنت هيا التحديثات الخاصه بيه .. تقدر تعطل تحديثات الويندوز 10 نهائياً او جزئياً من الاعدادات >> التحديثات..

وشرحنا فى مقال سابق طريق التعطيل نهائياً " تعطيل تحديثات ويندوز 10 ".

 

مع العلم ان تحديثات الويندوز مهما كانت مزعجه ليك حاول كل فتره تنزلها باستمرار لانها بتحمل تحسينات كثيرة فى النظام وحل مشاكل كثيرة بالذات فى ويندوز 10.

 

-ايقاف تحديث التطبيقات تلقائياً.

المتجر الخاص بويندوز 10 اللى بتقدر من خلاله تنزل بعض التطبيقات المميزة واللى تعتبر ميزة جبارة فى ويندوز 10 .. بيكون فيه تحديث تلقائي للتطبيقات زي مثلاً متجر جوجل بلاي .. تقدر تقفل التحديث التلقائي علشان توفر فى استهلاك الانترنت على ويندوز 10.



افتح المتجر.. وفي الجانب على اليمين بالاعلي اضغط على ثلث نقط واختار منه الاعدادات...وقم بالغاء اول خيار وهو الخاص بتحديث التطبيقات تلقائياً.



-ايقاف عمل التطبيقات في الخلفية.

ايقاف التطبيقات فى الخلفية بيقلل من استهلاك الانترنت فى ويندوز 10 او اي ويندوز آخر .. في تطبيقات بتكون شغاله فى الخلفية تقدر تستقبل التحديثات وتقوم بتحديث نفسها تلقائياً .. وعلشان تلغي عمل التطبيقات في الخلفية >> افتح الاعدادات ثم اختار الخصوصية Privacy و قم بالغاء خيار Let apps run in the background ..

 من القائمة الجانبية اختارتطبيقات الخلفية.

وكدا تكون انتهت المقالة بعد توضيح خطوات تقليل استهلاك الانترنت على ويندوز 10 ,لا تنسى زيارة قسم الكمبيوتر للاطلاع على المزيد من المواضيع الحصرية ، تابعنا على فيسبوك وتويتر دمتم بخير ♥

MO3Az
بواسطة : MO3Az
مؤسس موقع متطور ,أحب متابعة وتجربة جديد الشركات واقدم بعض الشروحات الخاصه بالكمبيوتر والهواتف ايضاً ♥
تعليقات



حجم الخط
+
16
-
تباعد السطور
+
2
-