فى الكثير من الاوقات بتحتاج تعمل اعاده تنزيل لنظام التشغيل الخاص بك " الويندوز" .. وعملية تنزيل الويندوز بيتم فيها عمل فورمات للويندوز القديم فى الغالب .. وبينتج عن ده مسح كل البرامج الموجوده وبتكون محتاج برامج اساسية لازم تحملها بعد الفورمات .. عشان تقدر تشغل كل الملفات الموجوده على الكمبيوتر الخاص بيك بدون ما يقابلك اي مشاكل.
هقدملك فى المقالة مجموعه من البرامج الاساسية اللى لازم تثبتها على الكمبيوتر الخاص بك بعد الفورمات .. علشان تقدر تشغل الملفات المضغوطه والصور وملفات Pdf و ملفات آخري .. ومجموعة البرامج دي بتكون اساية ولا يوجد فيها اي برامج زائدة فالبرامج الزائده التى تحتاجها فى نوع عملك انت ادري بها ♥ ..
البرامج الاساسية للويندوز بعد الفورمات.
- برنامح مضاد للفيروسات"انتي فايرس".
- برنامج لتشغيل الملفات المضغوطه.
- برنامج لتشغيل ملفات PDF.
- برنامح لتشغيل الفيديو بالضيغ المختلفة.
- برنامج تنظيف للكمبيوتر.
- برنامج لتشغيل الصوتيات.
- متصفح سريع لتصفح الانترنت.
- برنامج تحميل الملفات من الانترنت.
- برنامج DirectX.
- برنامج Office الاوفيس.
وهنبدأ نناقش البرامج واحد تلو الاخر وترشيح بعض افضل البرامج فى كل قسم من الاقسام ال10.
-برنامج مضاد للفيروسات "انتي فايرس" .
بعد الفورمات الكمبيوتر لازم تنزل برنامج مضاد للفيروسات على الكمبيوتر الخاص بك .. لحمايتك من اي ملفات هتنزلها جديد او من اي فلاشات بتحتوي على فيروسات وللمحافظه على استقرار نظامك بدون اي مشاكل.
برامج الفيروسات كثير جدأ لو بتفضل استخدام برنامج تقدر تستخدمه مفيش اي مشاكل الاهم انك لا تترك الكمبيوتر الخاص بك بدون برنامج فيروسات.. ، و هرشح ليك برنامج افاست مضاد الفيروسات المجاني .. البرنامج ممتاز جداً في الحماية .. ومنه نسخه مجانية كما يوجد منه نسخ مدفوعه بمميزات اكثر ..تقدر تحمل افاست من هنا.
-برنامج لتشغيل الملفات المضغوطه.
الملفات المضغوطه موجوده على كل الكمبيوترات .. صعب تلاقي كمبيوتر لا يحتوي على ملفات مضغوطه rar ...ممكن تكون مش عارف ان الملفات دي موجوده على الكمبيوتر الخاص بيك او تكون عارف الملفات المضغوطه .. بس بعد الويندوز متقدرش تفك ضغطها او تفتحها بالطريقه العاديه اللى كنت متعود عليها قبل الفورمات وعمل ويندوز جديد .
ودا لان برنامج WinRaR تم مسحه بعد الفورمات .. برنامج وينرار بتقدر من خلاله تفتح وتفك الملفات المضغوطه ولازم تنزله بعد اي فورمات للكمبيوتر الخاص بك ..
-برنامج لتشغيل ملفات PDf.
اذا كنت طالب او صاحب عمل او اياً كان .. سواء تستخدم ملفات البي دي اف باستمرار او لا تستخدمها اطلاقاً حالياً .. لازم يكون الكمبيوتر الخاص بك عليه برانمح لفتح ملفات البي دي اف اللى بشكل كبير هتحتاجه فى المستقبل سواء فى فتح الكتب او اي ملفات كتابية من على الانترنت..
يوجد الكثير من البرامج لفتح ملفات PDf .. ولكن ارشح لك برنامج foxit reader .. ، برنامج مجاني وسلس وممتاز جداً فى فتح ملفات البي دي اف .. تقدر من خلال البرنامج ايضاً تدوين الملاحظات و عمل تظليل على النقط المهمه والسطور المهمة فى الكتاب.
تحميل برنامج foxit reader مجاناً.
حصرياً: احصل على نسختك المجانية من أحدث نظام تشغيل ويندوز 11 عبر الرابط التالي " تحميل ويندوز 11 ".
برنامج لتشغيل الفيديو بالصيغ المختلفة.
اكيد ولا بد من وجود برنامج لتشغيل مقاطع الفيديو بالصيغ المختلفة .. ودا لان صيغ الفيديو كثير ومتعددة وكل ما كان برنامج واحد بيدعم تشغيل صيغ متعدده كل ما كان افضل واحسن استخدامه .. لو بتفضل برامج معين تقدر تستخدمه.
بالنسبه لترشيح برنامج فهيكون العملاق ميديا بلاير كلاسيك Media Player Classic.. البرنامج ممتاز فى تشغيل الفيديو ومتاح للنواتين 64 و 32 .. وتقدر تحمله من الموقع الرسمي مجاناً.
-برنامج تنظيف و تسريع الكمبيوتر.
عمليه تنظيف الملفات المؤقته والكاش على الكمبيوتر ممكن ان تتم يدوياً ولكن مستخدمين كثير مبيعرفوش يعملوها يدوياً .. وعشان كدا مهم جداً يكون عندك برنامج لتنظيف الملفات اللى ملهاش لازمه على الكمبيوتر الخاص بك لانها بتسبب بطىء نوعاً ما فى الكمبيوتر الخاص بك..لو بتفضل برنامج بيأدي الوظيفه دي ممكن تستخدمه .
وممكن تستخدم برنامج من اثنين:
برنامج سي كلينر ممتاز جداً فى تنظيف سجلات الويندوز من اي ملفات لا فائدة منها وتحسين اداء الكمبيوتر و معروف عند كثير من المستخدمين..
من انتاج Baidu.. البرنامج بيساعدك فى المحافظه على اداء الكمبيوتر الخاص بك وتنظيف الملفات المؤقته و سجلات ويندوز بضغطه رز واحدة ومجاني .. ايضاً البرنامج بيحتوي على مميزات آخري زي تنظيف الملفات كبيرة الحجم و الغاء تثبي البرامج نهائياً من على الكمبيوتر الخاص بك وتنظيف اثارها. والمزيد
هل تريد الحصول على أقصى اداء؟ شاهد الشرح التالي " تخفيف وتسريع ويندوز 10" وستشاهد بنفسك فرق الأداء مع العلم ان الطرق يمكن تطبيقها على اي نسخة ويندوز.
-برنامج لتشغيل الصوتيات بعد الفورمات.
على نفس المبدىء الخاص ببرنامج تشغيل الفيديو فاكيد بعد الفورمات محتاج برنامج كويس لتشغيل الصوتيات .. طبعا ويندوز فيها برنامح اساسي وهوا الويندوز ميديا بلاير .. ولكن مستخدمين كثير بتفضل استخدام برنامج احسن وبيقدم مميزات اكثر و اسهل فى الاستخدام.
وهرشح ليك برنامج AIMP لتشغيل الصوتيات .. للي ميعرفش البرنامج فانا انصحك تجربه البرنامج ممتاز جداً وبيحتوي على الكثير من المميزات .. وبيقدملك واجهة ممتازة تقدر تتحكم وتعمل قائمه تشغيل بسهولة مع امكانية تصغير البرنامج الى جانب الشاشة.
-متصفح سريع للانترنت بعد تنزيل ويندوز.
اذا كنت بتستخدم ويندوز من الاصدارات الجديده فهتلاقي متصفح ويندوز الافتراضي المايكروسوفت ايدج والمتصفح دا يعتبر كويس ولا يقارن بانترنت اكسبلورر نهائياً .. ولكن فى الغالب انت محتاج متصفح آخر ومش هتستخدم المتصفح الموجود فى الويندوز.
هيكون الاختيار بين متصفحين .. جوجل كروم و الفاير فوكس دول يعتبر احسن متصفحين بالنسبه ليا .. لو انت بتفضل برنامج آخر فعادي ممكن تستخدمه ولكن الاشهر والاكثر استخداماً هما الاثنين دول.
وانا بتسخدم وبفضل فايرفوكس عن جوجل كروم .. ولكن الاثنين ممتازين بصراحه واستخدم اللى تختاره. تقدر تضغط على اسم المتصفح اللى اختارته هيحولك الى صفحه التحميل.
برنامج تحميل الملفات بعد الفورمات.
عمليه تحميل الملفات ممكن تحتاج فيها برنامج لتحميل الملفات بدلاً من استخدام مدير التحميلات الافتراضي الموجود فى المتصفحات .. ودا لان البرنامج بيكون احسن فى التحميل واحياناً بيكون اسرع وكمان التحميلات فى المتصفح قد تحتوي على مشاكل توقف وغيرها من المشاكل الآخري.
تخلى عن برامج التعريفات الان وقم بإنشاء نسخة من تعريفات جهازك تعمل بدون انترنت عبر الشرح التالي "اخذ نسخة من تعريفات الكمبيوتر".
تقدر تستخدم برنامج انترنت داونلود مانجر الممتاز جداً فى تحميل الملفات .. وعدد كبير بيتسخدم البرنامج دا فى تنزيل الملفات من الانترنت بسبب سرعته وايضاً دعمه لتحميل الفيديوهات بعد ربطه مع المتصفح.
برنامج آخر ممتاز وهو برنامج ايجيل جت .. بيحتوي على نفس المميزات وتقدر تحمله مجاناً من هنا eagleget.
-برنامج الدايركت X .
اذا كنت من محبي الالعاب فالبرنامج ضروري جداً لتشغيل بعض الالعاب وايضاً البرامج المهمة .. يعتبر برنامج اساسي وعمليه تثبيته سهلة جداً وبتاخد وقت من 5-10 دقائق على حسب مواصفات الكمبيوتر الخاص بك ..
-برنامج اوفيس Office.
واخيرا برنامج الاوفيس اللى بيحتاجه كثير من المتسخدمين .. فى عمل العروض وايضاً الابحاث او حتي الكتابة وتدوين بعض الملاحظات ..فالبرنامج يعتبر اساسي لكل كمبيوتر حالياً الا اذا كنت متأكد من عدم استخدامك ليه نهائياً.
وكدا نكون ذكرنا اهم برامج الكمبيوتر الاساسية بعد الفورمات على ويندوز ،قم بزيارة قسم الكمبيوتر لتشاهد مواضيع حصرية لك ، تابعنا على فيسبوك وتويتر ، دمتم بخير ♥.
