- معاك موبايل اندوريد ؟ وعايز تعرف صحة البطارية وقوتها وتعرف حالة الشاحن وسرعة الشحن... نفس فكرة نسبة البطارية فى موبايلات الايفون .. هنتكلم ازاي تعرف نسبة البطارية اللى بتدل على كل دا لموبايلك الاندوريد ... فاذا كنت عايز تشتري موبايل مثلا مستعمل وعايز تعرف اي حالة البطارية ممكن تستخدم الطريقة اللى معانا فى مقال اليوم وتعرف النسبة للبطارية ومشاكلها ايه فى الموبايل.
طريقة معرفة نسبة حالة البطارية والشاحن اندوريد
هنستخدم تطبيق اسمو AccuBattery .. التطبيق من Digibites حاصل على تقييم 4.6/5 ومحقق عدد تحميلات اكثر من 5 مليون مرة .. التطبيق مصمم فى الاصل للحفاظ على صحة البطارية الخاصة بك وايضاً اظهار معلومات الاستهلاك اليومي للبطارية وبعض النصائح للحفاظ عليها دايماً..
التطبيق بيعرفك المده المتبقية فى البطارية كام على حسب استهلاكك الحالي واستخدامك للموبايل .. وبيعرفك البطارية هتنتهي امتي وهنتكلم عن المميزات بالتفصيل.
البطارية ليها عمر معين .. كل مرة انت بتشحن البطارية بيقل من عمرها شويا وبكدا بيقل معاها نسبة صحة البطارية .. فى بعض التقارير العلميه اللى بتقول انك ممكن تزود عمر البطارية دا 200% بانك تشحن البطارية لحد نسبة 80% فقط ، بمحرد ما تنزل التطبيق بياخد وقت لحد ما نسبة صحة البطارية تظهر فى خانة Health.
التطبيق بيظهرلك تفاصيل عن عمليه الشحن وايضا تقدر تحط تنبيه لما يوصل مثلا 88% انو ينبهك عشان تشيل الموبايل من الشاحن ، وبيقولك البطارية بنسبه الشحن الحالي تكفي وقت قد ايه فى الاستخدمات المختلفة حتي وضع السكون ، بتعرف برضوا اخر مرة شحنت الموبايل امتي وشحنته كام فى المية .. وكمان ممكن تعرف سرعه الشحن كام من التطبيق ، وتقد تعمل اختبار لحالة الشاحن الخاص بك عن طريق التطبيق.
الميزة دي بتوفر ليك تاريخ استهلاكك للبطارية فى ايام مختلفه فتقدر تقارن مثلا بين استهلاكك فى الايام المختلفة. والمميز ان التاريخ بيقدملك كل شحنه انت شحنت الموبايل كام فى المية و التفاصيل الكاملة.
