-ممكن تقابلك مشكلة التنزيل معلق او انتظار التنزيل فى متجر جوجل بلاي .. وتفضل الرسالة دي موجوده والمتجر لا يبدأ تنزيل ويفضل معلق بدون اي تغيير .. سواء موبايلك هواوي او سامسونج او شاومي او اوبو .. المشكلة ممكن تقابلك فى اي هاتف اندرويد .. والحل بسيط جدا عن طريق حركه سهلة لازم تعرفها ..
-المشكلة ممكن تقابلك مع موبايلك الجديد او بعد ضبط المصنع .. ليها اسباب كثيره .. وهنحاول نوفر كل الحلول اللى ممكن تخلي المتجر ميحملش ولا ينزل ويعلق ..
اسباب تعليق التنزيل و توقف التحميل في متجر جوجل بلاي
- انترنت غير مستقر.
- انترنت ضعيف .
- الذاكرة المؤقتة لمتجر بلاي.
حلول تعليق و تعطل التحميل في متجر جوجل بلاي
تعمل ايه لو جربت تحمل تطبيق من المتجر وظهرلك انتظار التحميل ولكن.التحميل مش بيبدأ ابدا ..
سواء متصل بالانترنت عن طريق البيانات او الواي فاي .. اتأكد ان عندك اتصال جيد ومستقر تقدر من خلاله تحمل تطبيقات.
ادخل على الاعدادات ثم التطبيقات ثم ابحث عن تطبيق متجر جوجل بلاي واختار حذف الذاكرة المؤقتة ..افتح متجر جوجل بلاي بعد مسح الذاكرة المؤقتة..ووافق على شروط الاستخدام وجرب تحميل وتثبيت تطبيق.
بعد مسح الذاكرة جرب تقفل الموبايل وتشغله تانى وتجرب تثبت وتشغل المتجر .. ممكن تشتغل معاك.
دايما لما المشكله دي بتقابلنى مع الاجهزة الجديده .. بدخل اسجل فى جوجل وافتح المتجر على الموبايل وابدأ احمل التطبيقات .. التطبيقات معلقة والمتجر مش بيبدأ تحميل.
حل مشكلة جوجل بلاي لا يعمل و التحميل معلق
- هتلغي التحميلات كلها وتقفل المتجر نهائى من الرام"عن طريق زر قفل التطبيقات من الخلفية".
- افتح المتجر و روح على اي تطبيق عايز تحمله واضغط تثبيت.
- اول ما يظهر ليك كلمه انتظار التحميل هتطلع للشاشة الرئيسية.
- بعدين اقفل المتجر من الرام من غير ما تلغي التنزيل اللى انت عملته للتطبيق
- افتح المتجر بعد ما تقفله من الرام .. وهتلاقي المتجر بدأ ينزل التطبيق والتحميل بدأ.
وصلنا لنهاية الموضوع بعد طرح حلول مشكلة متجر بلاي لا يعمل وعملية التحميل معطلة ، ما زال لدينا المزيد من المواضيع داخل قسم اندرويد ، تابعنا على فيس بوك و تويتر و بإمكانك زيارة الصفحة الرئيسية للإطلاع على احدث المواضيع..
