القائمة الرئيسية

الصفحات

افراغ وتنظيف سلة المحذوفات تلقائيا

طريقة تنظيف سلة المهملات تلقائياً على الويندوز .. Empty Recycle Bin Automatically

-طريقة تنظيف سلة المحذوفات تلقائياً كل فتره على الويندوز .. بمعني ضبط وقت معين يتم فيه تنظيف سلة المهملات تلقائياً من غير ما تعمل ليها تنظيف او تمسحها يدوياً.. طبعاً اي ملفات بتمسحها من الويندوز بتتحول على سلة المهملات فى حالة عمل ليها مسح Delete .. وتقدر تفتح السلة الموجوده على سطح المكتب Recycle Bin وترجع الملفات دي بسهولة .

ولكن عند مسح الملفات عن طريق Shift+Del .. الملفات مبتروحش لسلة المهملات وبيتم حذفها نهائياً .. ولو فتحت السلة هتلاقيها فارغه ومفهاش الملفات اللي مسحتها .

طبعا المحذوفات الموجوده على السلة بتاخد مساحه من القرص الخاص بالنظام .. فدايماً ننصح بانك تنظف السلة من اي ملفات انت مش محتاجها ودا لتوفير مساحه من ملفات لا فائده منها..

طريقة جدولة مسح سلة المهملات تلقائياً فى الويندوز؟ 

تقدر تعمل جدولة لمعاد معين بيتم فيه تنظيف كل المحذوفات من الكمبيوتر الخاص بيك..

الخطوة الاولي: اكتب فى البحث فى قائمة ستارت Task Scheduler.

اضغط عليه وافتحه واختار Create Basic task.

هيطلب منك اسم ووصف  العملية 
ممكن تكتب اي حاجه مثلا اكتب الاسم Auto Clean bin
والوصف Automatic Clean recycle bin

اضغط على Next هيطلب منك تختار يقوم بالعملية دي يومياً ولا اسبوعيا .. اختار اللى انت تفضله.
لو اخترت مثلا يومياً وضغط Next .. هيطلب منك بقا تحدد بعد كام يوم والوقت بالظبط ..
اضغط على Next مره كمان وهتنتقل لحاجه اسمها Action .. اختار منها 
Start a Programme. ودا بيكون الاختيار الافتراضي فاضغط Next مرة كمان.

فى اول خانة اكتب  “cmd.exe” 
 وفي ثاني خانة انسخ التالي:
/c "echo Y|PowerShell.exe -NoProfile -Command Clear-RecycleBin"

اضغط على Next .. ودلوقت راجع الخطوات فقط واعمل Finish

وهتلاقي عملية التنظيق التلقائي اللى ضفتها ظهرت فى القائمه وتقدر توقفها وقت ما تحب . من خلال Run للتشغيل و End للايقاف.

وكدا نكون وصلنا لنهاية المقال 
تابع المدونه من اليسار للمزيد ♥

تابعنا على فيسبوك وتويتر 
دمتم بخير ♥
هل اعجبك الموضوع؟
MO3Az
MO3Az
مهندس مدني "إنشاءات" مهتم بالتقنية و الاجهزة الذكية .

تعليقات