القائمة الرئيسية

الصفحات

توصيل شاشتين او اكثر بالكمبيوتر

توصيل شاشتين على كمبيوتر واحد .. شرح ربط شاشتين بجهاز كمبيوتر  .. 2 شاشة على كيسة واحدة .. ويندوز 10 و7و8
توصيل شاشتين او اكثر بالكمبيوتر

- احدي الطرق المشهورة عشان تزود انتاجيتك وانت بتستخدم PC انك تستخدم شاشتين مع بعض ... بيوفر عليك بعض الصداع بتاع تصغير البرنامج وتكبير البرنامج وهكذا .. لانك بقا عندك شاشتين متوصلين بالكمبيوتر بتاعك مش شاشة واحدة .. والموضوع دا ممكن تعمله على ويندوز 10 او8 او اياً كان .. ولكن في بعض المستخدمين بيواجهم مشاكل فى تشغيل شاشتين مع بعض على نفس الجهاز فى ويندوز 10 .. 

- قبل اي حاجه لازم تتأكد انك محدث تعريفات كارت الشاشة اياً كان برضوا كارت الشاشة اللى انت بتستخدمه سواء مثلا نيفيديا او AMD .. 
فى ظهر الكيسة بتاعتك هتلاقي مداخل الشاشة و معظم كروت الشاشات بتوفرلك امكانية انك تشغل شاشتين مع بعض على جهازك بكل سهولة ..

طريقة  توصيل شاشتين او اكثر بالكمبيوتر ؟ 


هتلاقي نوع او اكثر من المداخل دي موجود فى الكمبيوتر بتاعك :
توصيل شاشتين بكيسه واحده

لو موجود عندك اكثر من مدخل فانت معندكش اي مشكله فى توصيل الشاشتين وتشغيلهم على الكمبيوتر بتاعك وتوسيع مساحة الشغل الخاصة بيك .. 

مدخل شاشة واحد ؟ 

اذا كان عندك مدخل واحد فى الكمبيوتر بتاعك من نوع SGVA, HDMI, او DVI
.. لو جربت تستخدم Spiltter عشان تشغل اكثر من شاشة "Spillter المقصود بيه قطعه هتحول المدخل الواحد مدخلين مثلا "
النتيجه ان نفس الصورة هتظهر على الشاشتين فانت كدا موسعتيش مساحة الشغل الخاصه بيك  ودا اللى بنكلم عليه فى المقال 
طيب الحل ايه ؟ 
طبعا الكمبيوتر بتاعك فيه مداخل USB عادي .. الحل انك تشتري قطعه اسمها  DisplayLink adapter .. وهتلاقيها موجوده على امازون 
هتحطها فى مدخل الUSB  وهتقدر توصل بيها شاشة ثانية 
او تقدر توصل بيها شاشة على اللاب توب مثلا ..
توصيل شاشتين بكمبيوتر واحد


مدخل واحد من نوع DMS-59 .. ؟ 

فى مدخل اسمه DMS-59 بيبقا شكله زي ما وضح فى الصورة .. المدخل دا ممكن تستخدم معاه Splitter و تشغل شاشتين بدون ما تحصل على نفس الصورة فى الشاشتين فمع المدخل دا انت  معندكش المشكله الاولي وببساطه تقدر تشتري splitter وتوصل الشاشتين بالكمبيوتر بتاعك ..
مدخل واحد لتوصيل شاشتين


-بمجرد ما توصل الشاشتين بالكمبيوتر بتاعك باستخدام اي واحده من الطرق اللى فوق فى الغالب الكمبيوتر بتاعك هيكتشف دا تلقائياً .. بس لو دا محصلش  فانت محتاج تدخل لاعدادات BIOS .. ولدخول اعدادات البيوس انت محتاج تضغط على زرار محدد لما تفتح الكمبيوتر بتاعك ... كل كمبيوتر بيختلف عن الثاني فانت محتاج تبص لشاشة الكمبيوتر وهيا بتفتح وتعرف انت محتاج تضغط على زرار ايه عشان تدخل لاعدادات BIOs .. 
لما تدخل للاعدادت دور على اعدادات Display و غيرها من Single الي Dual او حاجه شبه كدا .. 
فى الغالب مش هتحتاج الخطوة دي .. بس انا ذكرتها برضوا ...

لحد هنا المفروض نكون انهينا موضوع ازاي توصل الشاشتين بالكمبيوتر .. ناقص بس تزبط اعدادات نظام التشغيل  .. سواء بقا بتستخدم ويندوز 10 او 8 او 7 .. 

ازاي تشغل شاشتين على الكمبيوتر اعدادات الويندوز ؟

اضغط على زرار علامة الويندوز + P     .. هيظهرلك خيارات Duplicate 
Extend او Second Screen Only .. 
اختار Extend .. وكدا كل شاشة هتشتغل على حدي .. 
اعدادات شاشتين على الويندوز لكمبيوتر واحد
فى طريقة ثانية انك تضغط على سطح المكتب كلك يمين واختار اعدادات الشاشة او Screen Resolution ..  وانزل تحت شويا واختار جنب Multiplue Display 
اختار Extend  وممكن تراجع الطريقة دي من مايكروسوفت من هنا 

ممكن تنقل تطبيقات من الشاشة الاولي للشاشة الثانيه عن طريق Shift+زر علامة الويندوز+الاسهم 

كدا غطينا كل المعلومات ازاي توصل الشاشة وازاي تشغلها من الويندوز .. وممكن حتي تركب اكثر من شاشتين بنفس الطريقة .. 

لو قابلك مشكله فى اكتشاف الويندوز للشاشة .. جرب تدخل لاعدادات كارت الشاشة 
واختار Set-up Multiple screen
اعدادات الويندوز لتشغيل شاشتين


كدا نكون وصلنا لنهاية المقال  
تابعنا على فيسبوك وتويتر 
دمتم بخير ♥
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي