توصيل شاشة الموبايل بالسيارة أو تلفاز قديم

ازاي تعرض شاشة موبايلك على تلفزيون قديم او شاشة السيارة ,سيارتك.. تسجيل العربية. لايدعم مدخل HDMI..

-عشان دايماً تحس بتجربة مشاهده احسن , الشاشة الصغيره الخاصة بموبايلك مش هتكون افضل شىء, فطبعاً بيجي فى بالك انك عايز تشارك او تعرض شاشة موبايلك على التلفزيون او حتي او انت راكب عربيتك .. محتاج تعرض شاشة موبايلك على شاشة التسجيل او الكاست الخاص بالسيارة بتاعتك .. ممكن مثلا تستخدمه فى الخرائط ولكن لما توصل شاشة الموبايل .. بشاشة العربية الخاصه بيك هتحصل على شاشة اكبر وتجربة اكثر راحة .. 

-فى حالة اذا كان التلفزيون اصدار جديد فالعمليه بتكون سهلة عن طريق تطبيقات او حتي عن طريق بعض المميزات الموجوده فى انظمه التشغيل الخاصه بالتلفزيون "الشاشة" والموبايل .. ولكن لو التلفزيون قديم 😓 ... هل في حل ؟ 

ايوة في حل ولكن هتحتاج معدات اكثر من موبايلك بس والتلفزيون عشان تقدر تعرض موبايلك علي التلفزيون او حتي على شاشة انت مركبها فى عربيتك ..

تقدر توصل موبايلك بالشاشات القديمه او التلفزيونات القديمه او شاشة سيارتك عن طريق الكابلات او الوصلات .. واعتقد انك هتحتاج كابلات زي مثلا:

1.  وصلة micro-USB to HDMI .
2. وصلة HDMI to composite converter.
3. RCA كابلات.

ازاي توصل وتعرض  شاشة الموبايل بالسيارة ؟ 

- لو مثلا عايز تعرض شاشة موبايلك على شاشة السيارة بتاعتك .. هتجيب الوصلة الاولي .. مايكرو الى HDMI .. هتوصل وصلة المايكرو فى الموبايل بتاعك والناحية الثانية تحطها فى مدخل HDMI فى الشاشة اللى فى عربيتك .. 

ومن اعدادات الشاشة اختار HDMI .. 

-خلي بالك ان لو موبايلك مش مايكرو فمثلا موبايلك TYpe-c فى وصلة HDMI لموبايلك عادي.. فشوف نوع موبايلك اي واختار الوصلة المناسبة ليك .. ولما تعمل عرض لشاشة موبايلك فى عربيتك عشان تعرضها بشاشة كاملة تقدر تلف الموبايل وشاشة الموبايل هتظهر كامله على شاشة العربية .. بعكس لو الموبايل فى وضعه الطبيعي هتظهر فى حالة افقية .. 

- ممكن لو عربيتك موديل قديم شويا  او مركب شاشة قديمة... متلاقيش فيها مدخل HDMI .. وبيبقا عندك مداخل لكبلات RCA اللى هيا كابلات الاحمر والابيض والاصفر .. 

الحل بسيط .. بس هتجيب قطع زيادة 

هتجيب ثاني قطعه اللي هيا  HDMI to composite converter .. وتوصل بيها وصلة الHDMI .. القطعه حاجه كدا زي محول 

ومن الناحية الثانيه فى القطعه بيكون عندك كابلات RCA .. ودا شكل القطعه اللى بكلم عليها.. 

 - وبتجيب كابلات RCA اللى هيا الكابلات الالوان اللى بتعرفها دي وتوصل فى التسجيل القديم فى عربيتك .. وهتشتغل عادي جداً.

بس خلي بالك بدل ما تختار من الشاشة HDMI زي ما وضحنا فوق بالصور .. اختار AV .. لكن لو معندكش تحكم وخيارات عادي ..طيب كدا نقطه السيارة والشاشة بتاعتها وكل الطرق عشان تربطها بشاشة موبايلك وتستخدمه فى الخرائط او فى عرض اي محتوي .. 

ازاي تعرض شاشة الموبايل على تلفزيون قديم جدا ؟  

الطريقة اصبحت واضحه بالنسبة ليك لو قرأت المقال .. فلو التلفزيون بتاعك فيه مدخل HDMI .. هتجيب وصلة واحده من موبايلك للتلفزيون ..

واذا كان التلفزيون قديم جداً .. فمتقلقش اكيد فيه مداخل RCِA Cables ..

وفي الحالة دي هتجيب قطعة HDMI to composite converter .. 

اللى هيحولك وصلة HDMI لكابلات عادية .. وهتقدر توصل موبايلك بالتلفزيون عادي جداً 

وكدا نكون وصلنا لنهاية المقال 

متنساش تتابعنا علي فيسبوك و تويتر 

دمتم بخير ♥

تعديل المقال