تم حظرك رقمك فى الواتس اب ؟ ما هو الحل لتخطي ورفع البلوك ؟ اذا تم اغلاق حسابك مؤقتا.. طريقة استعادته وفك الحظر.
- اذا تم اغلاق حسابك او حظرك من استخدام تطبيق الشات المشهور واتس اب ... هل في طريقة لفك الحظر على رقمك ؟ واستعادة حسابك .. كيف يمكن التواصل مع الدعم الخاص بتطبيق واتس اب وتوضيح سبب اغلاق الحساب الخاص بك ومنع رقمك من استخدام التطبيق ... سواء كان الحظر مؤقتاً ام لا
-من اكثر اسباب اغلاق حسابك على الواتس اب هو استخدام التطبيقات المعدلة للتطبيق والتي تعتبر غير رسمية و كتبنا مقالة عن هل استخدام التطبيقات المعدلة للواتس اب آمنه او لا ؟
استخدام التطبيقات المعدله بيعرض حسابك دايماً للحظر .. بالرغم من ان صانعي التطبيقات المعدله بيوفر ليك حماية من الحظر على حسب كلامهم .. ولكن ما زال هنالك الكثير من المخاطر فى استخدام التطبيقات اللى زي دي ..
اسباب حظر حسابك على تطبيق الواتس اب ؟
- استخدام تطبيقات معدلة غير رسمية.
- ارسال رسائل سبام عبر حسابك.
- كثرة التبلغيات ضد حسابك.
- بيع خدمات او منتجات غير قانونية.
- ارسال ملفات مفيرسة وملفات اختراق.
- نشر اشاعات واخبار كاذبة.
دي بعض الاسباب اللي ممكن تخلي شركة واتس اب تقوم بحظر حسابك سواء مؤقتاً او نهائياً ..
طريقة فك الحظر وحل المشكلة على واتس اب ؟
قبل ما نكلم فى طريقة فك الحظر لحسابك على الواتس اب لازم تعرف ان فى نوعين لحظر رقمك من استخدام الواتس اب ..
النوع الاول: حظر مؤقت
والحظر دا بيكون ليه مدة معينه بتبتدأ من ساعات وممكن توصل لايام او شهور على حسب المخالفة اللى انت ارتكبتها .
النوع الثاني: حظر دائم.
والنوع دا معناها ان رقمك تم حظره من استخدام واتس اب بطريقه نهائية و فك الحظر دا بيكون صعب فى الغالب .. والتواصل مع الدعم ممكن ميجبش دايماً النتائح اللى انت منتظرها ..
ملاحظة: حلول فك الحظر على تطبيق الواتس اب مش دايماً فعالة ..فهي عبارة عن محاولات انت بتعملها و النتيجه غير مضمونة
فك الحظر المؤقت على تطبيق الواتس اب :
1- الحظر بسبب استخدام التطبيقات المعدلة .
اذا كنت تستخدم تطبيقات واتس اب معدلة وتم عمل بلوك لرقمك فالغالب السبب هوا استخدام النوع دا من التطبيقات ..
اول حاجه هتمسح اي تطبيق غير رسمي للواتس اب
افتح التطبيق الرسمي وسجل فيه باستخدام الرقم اللى تم حظره
هتلاحظ ان هيظهر ليك رسالة الحظر بالمده المحدده
بمجرد انتهاء المده هيتفح الواتس اب .. ولن تتعرض للحظر مرة آخري .
بمجرد انتهاء المده هيتفح الواتس اب .. ولن تتعرض للحظر مرة آخري .
2-الحظر بسبب ارسال رسائل سبام.
ممكن تضغط علي لينك او تنزل تطبيق ملغم يسبب فى ارسال رسائل كثيره برقمك على الواتس اب .. ودا اللى هيخلي حسابك يتم حظره مؤقتاً..
عند التعرض للنوع دا من الحظر هيظهرلك رسالة فيها ان رقمك اتعرض لحظر من استخدام الواتس اب وفي خيار انك تتواصل مع الدعم Support
عند الضغط على الدعم هيتم تحويلك لصفحه الدعم الخاصه بالواتس اب
هتلاقي عدد من الاسئلة المجابة ولكن اذا كانت مش بتساعدك اختار آخر خيار
ان سؤالك غير الاسئلة دي او ان عندك استفسار آخر ..
هيظهرلك صندوق للتواصل عن طريق الايميل ..
اكتب فى الرسالة ..
“I did not know the ToS also the number is new to my Contacts. But I sent the messages only to the known people. I request you to please unban me”
وممكن تجرب اي رسالة ثانية لو حابب .. وانتظر 48 ساعة للرد من فريق الدعم الخاص بهم .
3- الحظر المؤقت بسبب اخبار وملفات.
اذا تم اغلاق حسابك بسبب نشر و ترويج اخبار كابة او ملفات غير آمنة .. فممكن تستخدم نفس الطريقة السابقة وتتواصل مع الدعم الخاص بالواتس اب وتنتظر الرد منهم بعد حوالي 48 ساعة .
فك الحظر الدائم على الواتس اب :
لو تم حظرك بسبب بيع منتجات غير قانونية مثلاً .. او بسبب بعض التصرفات العنصرية او كثرة البلاغات على رقمك . فحل المشكلة ورفع البلوك فى الحالة دي اكثر صعوبة من المؤقت .. “Your number is no longer enabled to use our service”
اخر محاولة ممكن تعملها فى الحالة دي انك تتواصل مع الدعم الخاص بالواتس اب و تحاول تثبت ان حسابك غير مختلط بالامور دي .. او بالسبب اللى ادي الي حظرك نهائياَ
طرق التواصل مع الدعم الفني للواتس اب :
- الاندوريد: android_web@support.whatsapp.com
- الايفون: iphone_web@support.whatsapp.com
- ويندوز فون: wp_web@support.whatsapp.com
- ويب : webclient_web@support.whatsapp.com
- آُخري: support@whatsapp.com
اغلاق رقمك من استخدام الواتس اب معناه انك ممكن تسجل على الواتس اب باستخدام رقم آخر وليس منعك من استخدام التطبيق نهائياً...
كدا نكون وصلنا لنهاية المقال .. شرحنا بعض الاسباب والحلول لرسالة ان هذا الرقم تم حظره من استخدام واتس اب ..
متنساش تتابعنا على فيسبوك وتويتر
دمتم بخير ♥
