تشغيل يوتيوب في الخلفية على هواتف الأندرويد

طريقة تشغيل يوتيوب بالخلفية وفى مربع صغير و بدون اعلانات 2022 .. على اندرويد وايفون ..برنامج وتطبيق هواوي سامسونج وشاومي و اوبو..

-عايز تشغل اليوتيوب في الخلفية بدون ما الفيديو يقف ؟ و عايز تشغل اليوتيوب بدون اعلانات ؟ ... هنكلم عن كل دا فى مقال النهارده واي هيا الطرق اللى تقدر من خلالها تشغل فيديو فى الخلفية من اليوتيوب .. وتقدر تشوف فيديوهات اليوتيوب بدون اي اعلانات .. 

-احياناً تكون عايز تسمع فيديو و فى نفس الوقت تعمل نشاط آخر او تفتح تطبيق آخر على الموبايل .. ولكن لو طلعت من اليوتيوب الفيديو طبعا هيقف .. فاحيانا بنلجأ لفكره تقسيم الشاشة فى الاندرويد ولكن الميزه دي مش متاحه فى الايفون .. او ممكن تلجأ لمتصفح مثلا جوجل كروم .. فلما بتشغل فيديو على جوجل كروم وبتطلع من المتصفح الى الشاشة الرئيسية .. بتلاقي الفيديو اشتغل فى مربع صغير ظهرلك على الشاشة . ولكن الطريقه دي مش بتشغتل احيانا مع كل المستخدمين .. 

وطريقه المتصفحات ممكن متكونش انسب حل للمستخدم لانها هتوفر ليه طريقه تشغيل الفيديو فى مربع صغير تحت على احد جوانب الشاشة Picture in picture mode feature (PIP) -> .. ولكن مش هتوفر ليك امكانية تشغيل الفيديو فى الخلفية بمعنى ان يكون شغال بدون ما يظهر على الشاشة  ... وايضاً طريقة الغاء الاعلانات ..وهنتكلم النهارده علي تطبيقين فيهم مزايا كثيره جدا لليوتيوب مش بيوفرها ليك التطبيق الرسمي  .. 

 طريقة تشغيل يوتيوب فى الخلفية وبدون اعلانات.

1-تطبيقTube Floating:

 تطبيق تيوب فلوتينج متاح على جوجل بلاي من هنا  التطبيق بيوفر ليك مزايا كثيره لليوتيوب ..وطبعا التطبيق متوفر على جوجل بلاي فدا شىء كويس .. تيوب فلوتينج سهل وخفيف وبتقدر من خلاله تحصل على المميزات الآتية:

1. تصغير يوتيوب على الشاشة "وضع المربع PIP "
2. تشغل يوتيوب فى الخلفية.
3. ميزة اظهار التطبيق فى الوضع العائم زي تطبيق ماسنجر .
   الميزة دي نفس فكرة الشات فى الماسنجر لما بتظهر لك روؤس الشات فى جوانب الشاشة بطريقه عائمه كدا .. 

ودا توضيح للمميزات التطبيق واحده واحده .. هتدخل جوجل بلاي وتثبت البرامج وتشغله عادي جدا ممكن يطلب منك اشتراك مدفوع ولكن تخطي الخطوة دي .. 

اول لما تجرب تشغل فيديو على التطبيق :

فى اربع ايقونات فوق على الجنب بتتحكم منهم لو ضغطت اول واحده الفيديو هيشتغل فى الخلفية.. والثانية بتقفل مشغل الفيديو  علشان ميحصلش اي غلطات وانت بتتفرج على اليوتيوب .. والثالة بتقدر تصغر الفيديو فى وضع المربع الصغير على جانب الشاشة ..والرابعه بتقفل الفيديو تماماً

وهنجرب نصغر الفيديو فى وضع المربع الصغير PIP:

-لما تضغط الزر الاول الفيديو بيفضل شغال وبيظهر ايقونه التطبيق فى الجانب "وضع عائم" 

وكدا يبقا معاك مميزات كثير لليوتيوب من تطبيق Tube Floating . 

2-Youtube Vanced يوتيوب فانسد :

التطبيق عبارة عن تطبيق معدل لتطبيق اليويتيوب تقدر تحمله من جوجل او من موقع يوتيوب فانسد الرسمي التطبيق بيديك مميزات كثيره.. زي تشغيل الفديو على شاشة الموبايل كمربع صغير وتشغيل اليوتيوب فى الخلفية و تشغيل الفيديوهات بدون اعلانات 

تطبيق ِYoutube Vanced مبني على فكره Adblock فمش بيظهر اي اعلانات وزي اي تطبيق معدل بيكون متاح فيه استايلات للبرنامج كثيرة .. ولكن فى المقابل انا مبنصحش باستخدام التطبيقات المعدله واتكلمنا عن الموضوع دا فى تطبيقات الواتس المعدله وهل هيا آمنه للاستخدام ولا لا؟  فى النهاية الموضوع يرجه للمتسخدم .   

تابعنا على فيسبوك وتويتر 

متترددش فى ترك تعليق 

دمتم بخير♥ 

تعديل المقال