شرح الحصول على لعبة fortnite لموبايلك الاندوريد .. تنزيل اللعبه للجوال و تثبيتها.
- لعبة فورت نايت من اشهر الالعاب الباتل رويال على الساحه حالياً .. واللعبه بتقدم تجربة مختلفه عن الالعاب الآخري والشركة المصنعه ليها بتحافظ دايماً على عنصر التجديد والتحديثات الجديده لقتل الملل فى اللعبه.. تم اطلاق اللعبه للهواتف والجوالات منذ فتره .. ولكن اللعبه غير متاحه على متجر جوجل بلاي فما هي طريقة تحميلها بشكل آمن وتشغيلها .. دا اللى هنكلم عليه فى مقال اليوم.
تحميل وتثبيت فورت نايت لهواتف الاندوريد "الخطوة الاولي".
التطبيق اللى تقدر من خلاله تحمل فورت نايت على موبايلك هوا Epic Games app..
وهو تطبيق الشركه.
اول خطوة هو تحميل التطبيق دا على موبايلك بعدين تقدر تحمل fortnite على موبايلك اذا كان موبايلك مناسب للعبه.
التطبيق دا كمان غير موجود على متجر جوجل بلاي وطريق الحصول عليه كالاتي:
- بواسطة هاتفك افتح الرابط "فورت نايت للاندرويد".
- اضغط على Get Epic Games App.
- هيظهرلك تحذير ان الملف دا ممكن يضر هاتفك.. اضغط موافق للتحميل.
- التطبيق هيبدأ تحميل بعد الانتهاء.. افتحه وثبته.
- ممكن يظهرلك ان المتصفح الخاص بك لا يمكن تثبيت التطبيق من المصدر دا.
- هتنتقل الى اعدادات المتصفح وهتفعل الاختيار اللى هيظهرلك وهو التثبيت من مصادر غير معروفه.
- ثم هتقدر تثبيت التطبيق عادي جداً .. وكدا تكون اول خطوة انتهت.
- هتلاقي تطبيق Epic Games ضمن التطبيقات على موبايلك.
تحميل لعبة فورت نايت على موبايلك "الخطوة الثانية".
الان بعد تثبيت التطبيق اللى تقدر من خلاله تحمل اللعبه .. اتبع الخطوات التالية.
- افتح تطبيق Epic Games اللى حملناه فى الخطوة الاولي.
- هتلاقي لعبة فورت نايت ولعبة آخري .. اختار لعبة Fortnite.
- اذا كان هاتفك متطابق مع متطلبات تشغيل اللعبه هيظهرلك كلمه تحميل.
- اضغط على تحميل وهيتم بدء تنزيل اللعبه وتثبيتها على جوالك.
- بعد انتهاء التحميل والتثبيت هتلاقي خيار فتح اللعبه او الغاء التثبيت.
فورت نايت على هواتف سامسونج " متجر جلاكسي ".
اذا كنت تمتلك اي هاتف من هواتف سامسونج فممكن توفر الخطوة الاولي بانك تدخل الى موقع Fortnite .. وتقدر تفتح المتجر الخاص بسامسونج وهتلاقي تطبيق Epic Games موجود اضغط تثبيت وهيتم تنزيل التطبيق ثم تنتقل الى الخطوة الثانية وهي تحميل اللعبه على موبايلك.
متطلبات تشغيل لعبه فورت نايت على الاندوريد.
قبل ما تبدأ تحميل لعبه fortnite لازم تكون عارف هل جوالك قادر على تشغيل اللعبه ام لا .. فلازم تشوف المتطلبات لتشغيل اللعبه على الهواتف اولاً.
- اصدار اندرويد 8.0 او اعلي.
- مساحة داخليه 3 جيجا.
- على الاقل 4 جيجا رام.
- معالج رسوميات: Qualcomm Adreno 530 او اعلي , ARM Mali-G71 MP20, ARM Mali-G72 MP12 او اعلي.
عشان تقدر تعرف معالج الرسوميات الخاص بيك .. شوف المواصفات الكامله لموبايلك "او تواصل معنا واحنا هنساعدك"
او ممكن بكل سهولة تجرب تحمل تطبيق Epic Games .. والتطبيق هيقولك هل موبايلك مناسب لتشغيل اللعبه ام لا .. حجم التطبيق قليل حوالي 3.5 ميجا.
سبب عدم توفر فورت نايت على متجر جوجل بلاي.
اذا كنت بتسأل نفس السؤال اللى كثير جداً بيسألوه وهوا اي السبب اللي يخلي لعبه fortnite غير متاح تنزيلها من على متجر جوجل بلاي مباشرة.. دا بيرجع الى سياسة متجر جوجل بلاي فى تقاسم الارباح من التطبيقات .. بحيث ان متجر جوجل بلاي بياخد حوالي 30% من الارباح ..
و رئيس شركة ابيك جيم شايف ان مش ضروري ان اللعبه تمر على وسيط عشان تقدر تحملها على موبايلك الاندوريد.. والافضل ان اللعبه تكون متوفرة مباشرة وتحملها من تطبيق الشركة اللى ايضاً مش متوفر على متجر جوجل بلاي .
كمان رئيس شركة ابيك جيم شايف ان 30% من الارباح نسبه كبيرة جداً لو اتكملنا على عالم الالعاب .. والحقيقه الكلام دا اقرب للصح لان تطوير الالعاب والدعم المتواصل اكيد هيتأثر لما فجاه تلاقي ميزانيتك 70% فقط.
اياً كان دا تقريباً هوا السبب واجابة السؤال.
تحديث تم توفر لعبة فورت نايت على متجر جوجل بلاي وتقدر تحملها بكل سهولة اذا كان جهازك متوافق مع اقل متطلبات تشغيل.
تابع قسم الالعاب لشروحات اكثر..
تابعنا على فيسبوك وتويتر .
دمتم بخير♥.
