عدم حفظ الصور والفيديوهات في الاستديو بعد تحميلها من الواتس اب اندرويد أو ايفون .. الغاء ظهور صور الواتساب في الاستوديو للايفون.
-واتساب من اكثر التطبيقات اللى بيتم استخدامها فى المحادثات حالياً بسبب امان الشات نسبياً عليها مقارنه بالتطبيقات الاخري ودا لان الرسايل بتكون مشفرة .. او بسبب ان التطبيق بيركز على الشات فقط واستخدامه سهل وبسيط جداً ودا اللى خلي مستخدمشن كثير تفضله على تطبيقات آخري .. وكمان انو بيجمع اكثر من ميزة سواء التحدث صوت او فيديو او ارسال الفيديوهات والصوتيات بسهولة.
واستكمالاً لشروحات قسم الواتساب الخاص بنا .. النهارده هنكلم عن ايقاف ظهور الصور اللى بيتم تحميلها من الواتساب فى الاستوديو .. بمعني انك تقدر تحمل الصور عادي جداً ولكن مش هتظهر فى الاستوديو وهتظهر فى الشات بتطبيق الواتساب فقط ..
ولكن لو عايز توقف التحميل التلقائي للصور والفيديوهات تقدر تراجع المقالة السابقة شرحنا فيها الطرق للايفون والاندوريد.
يمكن تفعيل خاصيه الغاء ظهور الميديا لشخص معين على الواتساب .. فبعد تفعيل الخاصيه دي اي صور او فيديوهات هيتم تحميلها ولكن لن تكون ظاهرة على الاستوديو نهائياً .. ولكن الطريقه الوحيده للوصول اليها هيا فتح تطبيق الواتساب والدخول الى نافذه الشات و تقدر تشوف الميديا الخاصه بالشات دا.
طريقة عدم حفظ الصور من الواتس اب في الاستديو
لالغاء ظهور الوسائط المحملة من الواتساب على المعرض اتبع الخطوات التالية.
- افتح تطبيق الواتساب.
- افتح نافذه شات الصديق اللى عايز تقفل ظهور ملفاته فى الاستوديو الخاص بيك.
- اضغط على اسم النافذه علشان يظهرلك اعدادات اكثر.
- اختار Media visibility او رؤية الوسائط.
- اختار لا لايقاف ظهور الوسائط التى يتم تحميلها من الشخص دا على الاستوديو الخاص بك.
بالطريقة دي تقدر تلغي ظهور الميديا اللى بيتم تحميلها من الواتساب على الاستوديو من شخص معين .. للمزيد من الشروحات المتعلقة بتطبيق الواتساب راجع القسم الخاص به.
تابعنا على فيسبوك وتويتر
دمتم بخير♥.
