القائمة الرئيسية

الصفحات

دليل استخدام تطبيق وبرنامج زووم Zoom

شرح طريقة استخدام تطبيق زووم Zoom .. طريقة الاستخدام وانشاء غرفة على زووم.. تحميل للاندوريد والكمبيوتر والايفون .
شرح طريقة استخدام زووم

-تطبيق وبرنامج زووم للمكالمات الجماعية انتشر بصورة مرتفعة جداً فى الفتره الاخيرة بسبب الظروف الراهنة  والعمل من المنزل .. وبسبب دعم التطبيق لعمل محادثه جماعية بصورة ممتازة ... فالمنصه مناسبة جداً لعمل الاجتماعات الخاصه بالعمل ومتابعه آخر التطورات فى شركتك..

اذا كنت جديد فى استخدام تطبيق او برنامج زووم Zoom .. انشاء حساب جديد على زووم والبدء فى استخدامه وطريقة عمل الغرف وانشاء اجتماع اونلاين .. كل دا واكثر سيتم شرحه فى دليل استخدام تطبيق زووم الكامل.

-طريقة تنزيل زووم على الكمبيوتر او الاندوريد و الايفون.

اول خطوة هي تثبيت البرنامج على الجهاز اللى هتستخدمه سواء كمبيوتر او اندوريد او ايفون ..وعلشان تعمل كدا هتسجل حساب على منصة زووم اضغط هنا للتسجيل .. هتملي البيانات الخاصه بتسجيلك او ممكن تتخطي العمليه دي عن طريق التسجيل بواسطة الفيس بوك او جوجل.
تنزيل زووم للاندوريد والكمبيوتر والايفون

بعد عمل حساب مجاني دلوقتي تقدر تنزل التطبيق على اي منصه سواء الكمبيوتر الشخصي الخاص بك او موبايلك الاندوريد و الايفون .. وكمان  تقدر تستخدم الحساب من على المتصفح وتدخل الاجتماعات بدون تنزيل اي برامج ..


بعد تنزيل التطبيق على اي منصه هيطلب منك تعدل بعض المعلومات الخاصه بيك زي مثلاً الصورة الشخصيه الخاصه بحسابك .. والصورة دي هتظهر فى الاجتماعات بدل الفيديو في حالة اغلاق الفيديو فاختار صورة مناسبة .. وممكن تغير الصورة الشخصيه الخاصه بيك من على المتصفح لو بتفضل استخدام المنصه بدون اي برامج من هنا تغيير الصورة الشخصيه على زووم.

ملحوظة آخري وهيا حالة المكرفون والكاميرة على التطبيق .. فعند دخول الاجتماع بتكون الحالة الافتراضية ان الميكرفون لا يعمل والكاميرا ايضاً و تقدر تغير الاعدادات دي اثناء اللاجتماع بسهولة .. ولكن لو عايز تغير الاعدادات الافتراضيه بمعني لما تبدأ اجتماع يكون الافتراضي مثلا ان المايك والكاميرا شغالين اتبع الخطوات التالية:
  1. ادخل الي الاعدادت الخاصه بالتطبيق او البرنامج .
  2. اضغط على اعدادات الفيديو.
  3. قم بتغيير خيار Turn off my video when joining meetings.
  4. واختار اعدادات الصوت وكرر نفس الشىء على حسب اختيارك.

طريقة استخدام مزايا زووم Zoom:

احسن طريقة انك تعرف منصة زووم وتتعرف على المزايا الكثير الموجوده فى التطبيق هيا البدء فى استخدامه بدون اي اجتماعات .. بمعني انك تفتح المنصه او التطبيق وتضغط على Start New Meeting .. وهيكون انت الوحيد اللى فى الاجتماع ودا هيديك الحريه انك تجرب كل المزايا قبل ما تبدأ فى اجتماع حقيقي وهنكلم عن بعض المزايا اللى ممكن تجربها.
شرح المزايا الاساسية فى زووم  Zoom

تشغيل/ايقاف المايك والكاميرا: جرب تشغل المايك وتقفله دا فى حالات انك عايز تعمل كدا فى اجتماع حقيقي فلازم تبقي عارف الميزة دي ومنين تختارها  وكمان جرب تقفل الكاميرة وتشغلها.. كل دا هيساعدك تتحكم فى الصوت والصورة لما تكلم حد فى الخلفية مثلا او تقوم من الاجتما تعمل حاجه وترجع بدون ما تزعج اي حد.

اسكات شخص: عمل Mute لاحد المشاركين فى الاجتماع خاصيه بتتاح لمستضيف الاجتماع فقط بمعني الشخص اللى عامل الاجتماع .. يقدر يقفل صوت المايك لاي شخص فى الاجتماع فى حالة مثلاً وجود صوت مزعج فى الخلفية او اي سبب آخر.

رفع اليد : ميزة Raise your hand موجوده فى المنصه فى حالة انك عايز تتكلم تقدر تختارها وانت فى الاجتماع .. المزية دي موجوده فى الشريط اللى فى اسفل الشاشة لما بتضغط عليها بتدى اشارة انك عايز تقول حاجه فى الاجتماع ودي بتساعد على تنظييم الاجتماع اكثر.

تسجيل الاجتماع: كل اجتماع بتعمله على زووم تقدر تسجله بسهولة عن طريق المستضيف للاجتماع او الشخص اللى عمل الاجتماع .. والميزة دي ممتازة جداً لانها بتمكن اي شخص محضرش الاجتماع انو يحضره فى وقت آخر ويشوف آخر المستجدات .. ولاستخدام الميزة دي وتسجيل الاجتماع فى زووم اضغط من الشريط " تسجيل ".

المحادثة مع الاصدقاء: زووم بجانب مكالمات الفيديو و الاجتماعات بيوفر ليك شات ومحادثه كتابية مع كل الاصدقاء الموجودين معاك فى البرنامج  والشات سهل جداً وسلس فى الاستخدام.. وتقدر من خلاله تدي رأيك فى الاجتماع وكل اللى عليك انك تضغط على Chat وتكتب الرسالة اللى عايزها.

مشاركة الشاشة: تقدر كمان تشارك شاشة الكمبيوتر الخاص بيك مثلاً فى الاجتماع .. ودي ميزة ممتازة جداً واللى بتكون اساسية سواء فى الشرح او فى عرض بعض التقارير المهمة فى الاجتماع ..  وتقدر تختار عرض جزء محدد من الشاشة فقط .. وكمان موجود صبورة فى البرنامج تقدر تستخدمها وتشرح عليها بعض المفاهيم او المعادلات او اياً كان.


طريقة دخول اجتماع فى زووم  Zoom:

بكل سهولة بعد انشاء حساب على منصه زووم وتعرفك على الممزيات الاساسية وطريقة استخدام تقدر تدخل اجتماع عن طريق اللينك اللى بيتم ارساله من المستضيف او الشخص اللى انشيء الاجتماع..
في طريقة آخري وان مستضيف الاجتماع هيشارك معاك رقم اسمه ID  .. هتدخل برنامج زووم وتضغط على Join او الانضمام وتكتب الرقم الخاص بالاجتماع.
طريقة الانضمام الى اجتماع وانشاء غرفة فى زووم

والطريقة الثالثة والاخيرة للانضمام الى الاجتماع فى حالة عدو وجود انترنت بتكون عن طريق ارسال رسالة ليك على رقم فيها رقم بتتصل عليه وتقدر تدخل الاجتماع بدون اي انترنت .. ودا فى حالة لو انت فى الطريق او في مكان لا يوجد فيه اي انترنت.

طريقة انشاء اجتماع او غرفة على زووم zoom:

اسهل طريقة لعمل غرفة او اجتماع على زووم .. ادخل المنصه واضغط على New Meeting او اجتماع جديد وتقدر تبعت لينك الاجتماع الي الاشخاص اللى عايزهم ينضموا.. او الرقم الخاص بالاجتماع ..

في طريقة آخري بعد عمل الاجتماع اضغط على دعوة او Invite واختار من الاصدقاء واضغط على ارسال الدعوة. هيوصلك ايميل عليه اللنيك و ID وكمان الرقم لو فى اي شخص حابب يدخل الاجتماع عن طريق مكالمه هاتفية.

طريقة انهاء الاجتماع على زووم:

بعد الانتهاء من المحادثه تقدر تضغط على End Meeting  او انهاء الاجتماع .. وكدا تقدر تعمل اجتماع آخر فى وقت تاني .. وخيار الانهاء بيكون متاح للشخض اللى انشىء الاجتماع لكن لو انت مشارك فقط .. تقدر تعمل مغادرة من الاجتماع بنفس الطريقة.
طريقة انهاء الاجتماع على زووم


دليل استخدام تطبيق زووم انتهي .. اتمني يكون مفيد ليكم 
تابع المدونه من اليسار للمزيد 

تابعنا على فيسبوك وتويتر 
دمتم بخير ♥
هل اعجبك الموضوع؟
MO3Az
MO3Az
مهندس مدني "إنشاءات" مهتم بالتقنية و الاجهزة الذكية .

تعليقات