نصائح تحسين مستواك في فورت نايت لتصبح محترف

11 نصيحة تخليك محترف فورت نايت وتحسن لعبك 

هنالك بعض النصائح اللى ممكن تحسن وتطور لعبك فى فورت نايت لو اتبعتها .. النصائح من محترفين فعلا
وفعلا هتفيدك لو بدأت تطبقها .. ومفيده للمبتدئين .. جمعت ليكم افضل 11 نصيحه عشان تطور مستواك فى فورت نايت ..

 

 

1- اول ما تنزل بالبارشوت جمع لووت كويس  

لازم اول ما تنزل من البارشوت تخليك سريع جدا وتجمع اسلحة و تدور على درع وبعدين تجمع موارد
نقطه الموارد مهمة جدا ولازم تجمع موارد لانك هتحتاجها كثير 

2- اهتم جدا بترتيب الاسلحة 

فورت نايت فيها اسلحة كثير جدا لازم تجربهم وتشوف الاحسن ليك والافضل انك تتعود عليهم كلهم
لازم ترتب اسلحتك على حسب اختيارك وراحتك وتبقا حافظ الترتيب .. عشان لو السلاح خلص منك
اكيد مش هتعمل ليه Reload وانت بتواجه شخص فلازم تنقل على سلاح ثانى فلازم تكون حافظ
ترتيب اسلحتك والنقطه دي مهمة جدا.. 

3- لو عايز تدرب عشان تحسن لعبك 

ادرب دايما فى سولو اسكواد  .... طبعا هتقولى بتهزر!! انا مبتدأ ازاى ادخل على 3 او 4
عادي انت بتدرب مش مهم كام مره هتموت .. المهم انك كدا هتطور رد فعلك وسرعه التفكير عندك
بطريقه كبيرة جدا .. وهتطور السولو عندك لان تدريبك بيعتمد على اكثر من شخص حواليك
فلما تلعب سولو هتتحسن كثثير وانزل اماكن زي تلتيد مليانه لاعبين . 

4- لازم تطور بنائك .. 

البناء جزي مهم جدا فى فورت نايت ي جماعه.. فى ناس ال Aim بتاعها مش كويس بس بتعرف تبنى
وسريعه فى البناء وهتتغلب عليك لانك مش هتعرف هيا بتعمل اي وهتبقا قاعد بتتفرج عليهم وهما بيبنوا
لازم تبدأ تبنى وتعمل ليك اختصارات خاصه بيك للبناء و واحده واحده بنائك هيتطور .. 

5-خليك دايما فى الاعلى " يفضل" High Ground

حاول دايما تكون فى الاعلى اعلى من خصمك , دا بيديك افضليه كبيرة جدا فى  انك تطلق عليه
او تعرف تحركاته وبيديك ميزة كبيرة لان هوا مش هيعرف يطلق عليك بنفس سهولتك 

6- دايما بعد ما تخلص Fight اعمل Reload للاسلحه بتاعتك

اوووووووووعي تنسي تعمل ريلود للاسلحه بتاعتك وتخش فايت جديد وتكتشف ان سلاحك فااضي
فاحب اقولك انك مت خلاص .. لازم بعد ما تخلص الفايت تعبي درعك و اسلحتك قبل ما تدخل فى فايت تانى
ومتقفش فى حته مكشوفه تعبيى دمك او سلاحك لانك كدا معرض لايي قناص يجيبك بطلقه واحده .

7- لا تركض مكشوف ودايما اقفز وانت تجري

متجرييش عادي كدا فى فورت نايت .. كدا ممكن اي قناص يجيبك اتعود دايما تقفز وانت بتجري 

8- لا ترتبك :/

اهم نقطه فى النقط دي كلها ... احب اقولك لو ارتبكت فانت بنسبه 90 % مت خلاص
لازم لا تنفعل او ترتبك ودا هيجي باللعب الكثير ومتحاولش تدخل افكارك فى بعضها فترتبك 

9- لا تتسرع فى قراراتك 

دايما انتظر افضليتك .. اول ما تشوف شخص ما تطلق وخلاص الا لو الفرصه كويسه
لا تطلق الا بعد ما تكون متأكد وعندك زاويه كويسه .. 

10- اتجنب الاماكن المكشوفه 

اتجنب انك تكون فى اماكن مكشوفه لان دا بيعرضك انك تقابل اكثر من شخص وفى نفس الوقت لازم تبنى
وتكون جيد فى البناء وبرضوا هتحتاج تتحرك علشان الزون فهتبقا مكشوف .. 

11- اخر نقطه وهيا خليك سريع البديهة 

ودا عكس الارتباك تماما .. متررددش وفكر بسرعه .. وسرعه التفكير هتيجي مع التدريب الكثير 

فى النهايه لو عندك اي مشكله تواصل معانا على مواقع التواصل الاجتماعي
او اكتب كومنت
دمتم بخير ♥

تعديل المقال