افضل 13 لعبة بدون انترنت لاندوريد سنة 2022 .. العاب اوفلاين بدون واي فاي.
-افضل العاب مجانية ومدفوعة تعمل بدون واي فاي للاندوريد .. هنقدم ليكم الجزء الاول فى سنة 2022 مع 15 لعبة اوفلاين لموبايلك الاندوريد تقدر تشغلهم بدون اتصال بالانترنت .. فى العاب كثير جداً بتعتمد علي اتصال البيانات "النت" علشان تقدر تلعبها او تشغلها. زي العاب الباتل رويال كلها او كلاش اوف كلانس .
ولكن احياناً بيكون معندكش اتصال بالانترنت و محتاج العاب تكون جيدة و في نفس الوقت تقدر تشغلها وانت برا البيت مثلا ومفيش واي فاي ولا اتصال بيانات معاك.. وهيبقي في اجزاء على مدار السنة للسلسلة دي فتقدر تراجع قسم الالعاب او قسم التطبيقات كل فتره وتتابع الاجزاء الجديدة.
افضل 13 لعبة اوفلاين لموبايلك الاندرويد 2023 "الجزء الاول".
1-Alto’s Odyssey.
لعبة جديدة مش بتستخدم اي بيانات...واللعبه عبارة عن لعية جري وتخطي عقبات والنوع دا من الالعاب فى مستخدمين كثير بيحبوه .. اللعبه بتديك تجربة ممتازة من حيث الجرافيك وتأثيرات اللعب نفسها .. واللعبه مجانية بالكامل وتقدر تلعبها اوفلاين ولما بتشغلها وانت فاتح نت بيظهر بعض الاعلانات اللى ممكن تديك مساعدات او فلوس في اللعبه. ودا فيديو استعراضي للعبة علشان يشرحها اكثر. وتحميل اللعبة من هنا.
2- Bloons TD 6.
اللعبة عبارة عن بناء ابراج ودفاعات ومنع اشخاص بتظهرلك من الوصول لاخر الطريق .. وبتقدر تطور الابراج والدفاعات لان الاشخاص دي كل شويا بتطور وبتكون اقوي .. والنوع دا من الالعاب مسلي احياناً .. واللعبه فيها مراحل وتطورات كثيرة وتقدر تحمل اللعبة من هنا.
3-Crashlands.
لعبة من افضل الالعاب اللى ممكن تلعبها اوفلاين او من ضمن احسن الالعاب الاوفلاين الموجوده للاندوريد .. اللعبه ليها مستخدمين كثير وفكرتها انك تقدر تبين قاعدة وتدافع عنها ضد الاشخاص اللي بتهاجمك .. فاللعبه تعتبر عالم مفتوح بتجمع متطلبات عشان تبني وتطور اجزاء فى القاعده الخاصة بيك .. بس اللعبه مش مجانية وموجودة علي متجر جوجل بلاي بحوالي 130 جنية مصري وتقدر تحملها من هنا .
4- Crossy Road.
لعبة مجانية ليها ومشهورة جداً وفكرتها ان انت بتخلي حيوانات واشخاص تعبر الطريق بامان .. اللعبه فيها شخصيات كثير ومراحل متعددة ومناسبة للعائلات ومسلية جداً للاطفال وللكبار ..اللعبه الجرافيك بتاعها بسيط ولكنها بتقدملك تجربة ممتازة وتقدر تشوف الفيديو ليها عشان تقرر اذا كنت بتجب النوع دا من الالعاب ولا لا.. وتقدر تحملها من هنا.
5-Eternium.
لعبة مجانية من نوع الاكشن RPG ... والمميز كمان غير انها مجانية انها اوفلاين و النوع دا من الالعاب بتجري فى اماكن معينة وبتحارب وتقتل وتجمع معدات وبيبقا ليك مهارات وشخصيات بتطورها وتقدر تشوف الفيديو علشان تفهم اللعبه اكثر .. وتحملها من هنا.
6-Friday the 13th.
اللعبه مجانية ولكن فيها متجر وحاجات مدفوعة .. انت بتلعب بشخصية جاسون وبيكون عندك مهمات كثيرة واكثر من 100 لفل فى اللعبه .. اللعبه حل الغاز و جرائم وتم طرحها حديثاً ومحققة حوالي 200 الف عملية تنزيل وتقييم كويس 4.1/5 وتقدر تشوف الفيديو بتاعها وتحملها من هنا.
7-GRID Autosport.
لعبة مدفوعة موجوده علي متجر جوجل بلاي بحوالي 230 جنية مصري .. لعبة سابق عربيات اوفلاين بتحتوي على الكثير من المراحل و جرافيك خرافي وتحكم كااامل فى الاعدادات وتقدر تشوف الفيديو وتحملها من هنا.
8- Kingdom Rush Vengeance.
لعبة آخري مدفوعة من نظام بناء الابراج والدفاع عنها .. سعرها حوالي 5 دولار على متجر جوجل بلاي .. اللعبه فيها مهام وانجازات وتطويرات للابراج والاشخاص اللى بتهاجمك وتقدر تشوف الفيديو بتاعها وتحملها من هنا .
9-NBA .
لعبة رياضية مشهورة جداً من نوع كرة السلة فمظم الناس تعرف يعني اي NBA ..اللعبه للاسف مش مجانية على متجر جوجل بلاي بحوالي 5 دولار .. الجرافيك وتجربة اللعبه ممتاز وتقدر تحملها من هنا .
10- Minecraft.
فئة كبيرة جداً من مستخدمي الاندوريد يعرفوا لعبة ماين كرافت .. اللعبه تقدر تنشأ فيها عالم خاص بيك بالكامل وتلعب اوفلاين واللعبه مدفوعه وسعرها حوالي 5 دولار وتقدر تشوف الفيديو بتاعها او تحملها من هنا.
11-Pocket City.
لعبة مجانية وبتحتوي على الدفع برضوا .. اللعبه من نوع بناء المدن زي لعبة Sim city لو تعرفها .. بتكون مسئول عن المدينة والسكان اللى فيهم وتوفير منازل وفرص عمل الخ.. تقدر تشوف الفيديو بتاعها او تحملها من هنا.
12- Quizoid.
عبارة عن لعبة اسئلة بتعرض ليك بعض الاسئلة اللى انت بتحاول تجاوب عليهم .. اللعبه فيها حوالي 7000 سؤال مختلفين موزيعن على مستويات متعددة وتقدر تلعبها اوفلاين .. وفيها خاصية انك ممكن تشتري 3000 سؤال اضافيين بحوالي 3 دولار وتقدر تحملها من هنا.
13-Reigns series.
لعبة مدفوعة بسعر مش غالي فاللعبه متاحه على الوقت اللى بكتب فيه المقال بسعر 16 جنية مصري يعني حوالي 1 دولار وحاصلة على تقييم 4.6 من 5 .. لعبة كروت .. كل كارت بيعطيك خيارات وبتقدر تقبل او ترفض .. واختيارك بيكون مهم لانو بيكون مبني عليه الجزء الجاي او انك تخسر .. تقدر تشوف الفيديو بتاعها وتحملها من هنا.
دول 13 لعبة ما بين مدفوعة و مجانية للاندوريد .. تقدر تلعبهم اوفلاين .. الاجزاء القدامة هيتم التركيز على الالعاب المجانية فقط وممكن تكون بتحتوي علي خصائص مدفوعة ...
قولنا رأيك اي في الالعاب اللي جربتها .. واستني الجزء الثاني من افضل الالعاب الاوفلاين للاندوريد.
تابعنا علي فيسبوك وتويتر ♥
دمتم بخير
