القائمة الرئيسية

الصفحات

تغير باسورد الواى فاي we وي

تغيير رقم الواي فاي السري شركة وي we.. .من الموبايل لراوتر جديد او قديم.
 ZXHN و hg.
تغير باسورد الواى فاي we

- تغيير كلمة المرور فى الراوتر الخاص بيك حاجه مهمه جداً ممكن تحتاج تعملها كل فتره والثانية .. اما لحمايه الشبكة الخاصه بيك او لمنع اي حد معاه الباسورد انو يدخل الشبكه مرة آخري.. شرحنا النهارده هيكون على الراوتر الخاص بشركة We .. سواء الرواتر بتاعك قديم او جديد  الطريقه مش هتختلف كثير لان تغيير الباسورد بيكون عن طريق نفس الاختيارات تقريباً.

وهنشرح فى المقالة طريقة التغيير على اكثر من راوتر بالتفصيل .. فمثلاً هنستخدم راوتر قديم لشركة تي اي داتا وهو ZXHN H108N V2.5 .. وكمان هنستخدم راوتر جديد علشان تقدر تعرف ان الخطوات مش هتختلف كثير باختلاف نوع الراوتر hg 53 V1 V2.

الخطوات تقدر تعملها من المتصفح الخاص بالكمبيوتر او الموبايل .. عادي جداً ولو ظهر ليك على متصفح جوجل كروم "موبايل" مشكلة فى ظهور صفحة اعدادات الراوتر.. فجرب تدخل من المتصفح الافتراضي الخاص بالموبايل.

تغير باسورد الواى فاي we من الموبايل راوتر قديم.

  1. افتح صفحه اعدادات الراوتر 192.168.1.1.
  2. اكتب اسم المستخدم وكلمة المرور الموجوده على ظهر الراوتر.
  3. من القائمة الجانبية ادخل على Network<<Wlan<<Secuirty.
تغيير باسورد راوتر تي اي داتا القديم
ملحوظة مهمة : اسم المستخدم وكلمة المرور اللى هتكتبهم فى الخطوة 2 بيكونو مكتوبين على ظهر الراوتر فى بعض انواع الراوترات لو كتبتهم  وضغطت على Login طلعلك خطأ .. جرب تكتب كلمه المرور بس كل الحروف اللى فيها تكون كابتل مش حروف صغيره. لو مش موجود اي بيانات على ظهر الراوتر اكتب admin فى الاثنين.
تغيير رقم الواي فاي تغيير باسورد وي we من الموبايل

الصورتين اللى فوق موضحين باقي الخطوات ادخل على Network بعدين Wlan بعدين secuirty ..
غير الخانه الخاصه بكلمة السر فقط وهيا passPhrase او ممكن يختلف اسمها عندك .. واضغط على Submit.
الشبكة هتفصل من موبايلك اعملها نسيان واكتب كلمه المرور الجديده.

ملحوظه مهمة : خلي بالك وانت بتكتب الباسورد لو هتكتب اول خانه حرف بيكون الكيبورد الخاص بالموبايل تلقائي عامل ليك اول حرف كابتل .. فلو غيرت باسورد الواي فاي وكتبت اول حرف صغير مش هيفتح .. فخلي بالك من موضوع هل الحرف كابتل ولا سموول.

تغيير رقم الواي فاي we, Te-data.

الشرح دا على راوتر احدث شويا وهوا اصدار hg 531 V1.
  1. افتح صفحة اعدادات الراوتر  192.168.1.1.
  2. اكتب اسم المستخدم وكملة المرور .
  3. اختار من القائمة الجانبية Basic ثم Wlan.
  4. عدل الخانة الخاصه بالباسورد زي ما تحب.
  5. اضغط submit للحفظ.
ملحوظة: دخول صفحه الراوتر بيكون عن طريق كتابة الاي بي المذكور فى الخطوة الاولي فى خانه البحث فى المتصفح.. ليس خانه البحث الخاصه بجوجل ولكن الخانه العلوية للمتصفح.. واذا كان ظهر الراوتر لا يحتوي على كملة مرور و اسم مستخدم اكتب admin فى الاثنين والشرح بالصور.

اولاً: دخول صفحه الاعدادات للراوتر
تغيير الباسورد راوتر hg.

ثانياً الدخول الى اعدادات الباسورد بسهولة.
تغيير باسورد الواي فاي المصرية للاتصالات.
اضغط على Submit .. واعد تسجيل الدخول فى الراوتر الخاص بيك وخلي بالك من الحروف الكبيرة والصغيره وانت بتكتب الباسورد.

بالنسبه لاى راوتر تاني خاص بشركة وي او تي اي داتا قديماً .. فالموضوع مش هيختلف ونفس الفكرة تقريباً بعد الدخول الى صفحه اعدادات الراوتر .. دور على Wlan هتلاقي فيها خانه خاصه بالباسورد الخاص بيك غيرها هيا بس واعمل حفظ .

تعمل اي لو غيرت الباسورد والراوتر معدتش بيفتح ؟ 
لو مثلاً عملت اي غلطه فى كتابة الباسورد ومعتش عارف تدخل الراوتر الخاص بيك مرة تانية .. الحل بسيط انك توصل كمبيوتر مباشرة من الراوتر وتفتح من عليه صفحه الراوتر .. وتغير الباسورد مرة ثانية من عليه.

بالنسبه لحماية راوترك فاحنا عملنا مقال كامل شرحنا فيه كل الطرق اللى ممكن تخلي الراوتر الخاص بيك آمن تمااماً حفاظاً على الباقه الخاصه بيك تقدر تراجعه " حماية الراوتر من الاختراق"

وكمان في شرح آخر عن طريق تحديد سرعه الانترنت للحفاظ على الباقة وقت اكبر .. وشرحنا فيه اكثر من راوتر فى نفس المقال سواء راوتر قديم او حتي آخر اصدار من شركه وي وهو الراوتر الجديد تقدر تراجعه  " تحديد سرعة الانترنت من الراوتر"

تابع قسم الانترنت وهتلاقي عليه شروحات اكثر.
لو عندك اي استفسار او مشكلة سيبها فى تعليق.
تابع المدونه من هنا للمزيد.

تابعنا على فيسبوك وتويتر 
دمتم بخير♥.
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي