القائمة الرئيسية

الصفحات

افضل 10 اضافات جوجل كروم

افضل اضافات جوجل كروم للكمبيوتر.. برامج جوجل كروم لتحميل فيديوهات وللمواقع .
اضافات جوجل كروم رائعة وممتازة

- جوجل كروم يعد من اكثر المتصفحات استخداماً حالياً.. سواء على الكمبيوتر او على الموبايلات بسبب سلالسة استخدامه .. واحتوائه على الكثير من المميزات و واحده من الممميزات دي هيا متجر جوجل كروم الرائع للاضافات المختلفه اللى ممكن تساعدك .. في تنفيذ الكثير من الامور المهمة ليك.

ما هي الاضافات للمتصفح ؟
الاضافات عبارة عن اداة مثل برنامج كدا ولكن بفكرة اصغر  .. لا يتم تثبيتها على الويندوز او الكمبيوتر الخاص بك ولكن يتم تثبيتها داخلياً على المتصفح الخاص بك  مثل الجوجل كروم الذي يمتلك متجر كامل ملىء بالاضافات متعدده الاستخدام والمجالات.. المتصفحات الآخري ايضاً تمتلك متاجر للاضافات ولكن جوجل كروم احياناً ستجده متفوق فى هذه النقطه بسبب وجود الكثير من الاضافات عليه  ولا تتوفر على اي متصفح آخر.

افضل 10 اضافات للجوجل كروم لا غني عنهم.

  1. Full Page Screen Capture.
  2. Last Pass.
  3. Emoji Keyboard.
  4. AdBlock.
  5. The Great Suspender.
  6. Toby for Chrome.
  7. Grammarly for Chrome.
  8. Google Translate.
  9. eyeCare - Protect your vision.
  10. Video Downloader professional.
الاضافات متعدده المجالات و ليست متشابهة هتلاقي فيها كل اللى انت عايزه سواء تحميل فديوهات او منع اعلانات او ترجمه .. ويلا بينا نشرح كل اضافه  وبتعمل اي بالظبط.

-Full Page Screen Capture.

عبارة عن اداة بتقدر من خلالها انك تاخد سكرين شوت للنافذه اللى فاتحها ولكن سكرين شوت كامله .. بمعني انك لو فاتح صفحه مثلا فيها موضوع طويل وبتقعد تقلب بالماوس لتحت .. تقدر تاخد الصفحه كامله في صورة بجميع محتوياتها بضغطه زر واحده فقط على الاضافة .. وبعدين تقدر تحفظ الصورة كملف PDF او صورة عادية.
اضافة جوجل كروم لتصوير النافذه كاملة

-Last Pass.

بتفتح كام موقع  خلال اسبوع مثلا وانت بتتصفح الانترنت وبتكون محتاج تسجل دخول على المواقع  دي عن طريق انك تملي بياناتك كاملة .. من خلال الاضافة دي تقدر تحفظ حساباتك ومعلوماتك عليها وبيظهر ليك فى المواقع  عند التسجيل نافذه تقدر من خلالها تملي جميع البيانات الخاصه بالتسجيل .
الاداة تعتبر محمية كمستخدم عادي مفيش عليك خطورة ومش مستهدف .. وكمان الاداه ليها تطبيق على الموبايل تقدر تستخدمها بسهولة.
اضافة جوجل كروم لحفظ معلومات تسجيل الدخول

-Emoji Keyboard.

هل تقدر تستغني عن الايموجي وانت بتكتب على الموبايل ؟  او بتعمل شات .. الاجابة فى الغالب اننا جميعا بنستخدم الايموجي واحنا بنكتب على الموبايل .. بس دا عكس اللى بيحصل على الكمبيوتر مثلا لو بتكتب على برنامج مش موفر ليك قائمه الايموجي بسهولة .. فبتلجأ لحل واحد من حلين .. 

الحل الاول انك تكون حافظ الرموز الخاصه بالتعبيرات ودا شىء مش كل المستخدمين بتعملوه وكمان صداع يعني اكيد في طريقه اسهل .. الحل الثاني انك لو بتستخدم ويندوز 10 تقدر تفتح نافه الايموجي عن طريق زر علامه الويندوز + نقطه 😎
وبرضوا كثير من مستخدمين ويندوز 10 ميعرفوش النقطه دي.

هنا بقا بتنزل اضافة على المتصفح الخاص بيك لما بتظهرلك فوق كدا جنب الاضافات ولما بتضغط عليها بتفتح ليك نافه فيها جميع الايموجي اللى بتستخدمها .
اضافة التعبيرات والايموجي لجوجل كروم

-AdBlock.

اضافة مهمه جداً لتصفح الانترنت .. وبما اني بقدملك الاضافة دي وانت فاتح موقع متطور اللى هيكون مصدر ربحه من الاعلانات اكيد جا سؤال فى عقلك حالا .. اللى هوا ازاي ؟ .. بكل بساطة الاداة دي انا بتسخدمها مع المواقع المزعجه ايوة المزعجه .. استخدام الاعلانات فى المواقع مش دايماً بيكون مزعج  ..  فى مواقع كثير جداً بتحط اعلانات من غير ما تاخد بالك او بمعني اصح من غير ما تضايق لكن موضوع انك كل ضغطه باعلان ومش عارف توصل للمحتوي اللى انت داخل علشانه .. دا غير انها اصلا بتكون اعلانات مضره.. فدا شيء بيسبب ازعاج كبير وطبعا كل شخص حر فى موقعه الالكتروني ونحترم جميع الاراء.🙂
اضافة منع الاعلانات لجوجل كروم

-The Great Suspender.

اضافة ممتازة جداً هتوفر عليك كثير جداً وعلى جهازك .. اي الفكرة ؟ طبعاً كلنا خلال التصفح ممكن نفتح عدد كبير جداً من النوافذ او التابات .. ودا على جوجل كروم ممكن يسببلك بطىء رهيب فى الاستخدام وثقل للجهاز وهسيبب ان جوجل كروم هيستهلك كثير من المواد الخاصه بالكمبيوتر بتاعك.

من خلال الاضافه دي تقدر ان بعد فتره 10 دقائق مثلا من فتح التاب وانت مش بتستخدمه حالياً .. الاضافة هتحول التاب لصفحه خفيفه كدا  لحد ما ترجع للتابات دي ثاني اضغط فى اي مكان هيرجع التاب يظهر ... ودا هيساعدك فى تسريع جوجل كروم جداً وتقليل استهلاكه للرام الخاصه بيك.
اضافة تسريع وتقليل استهلاك الرام جوجل كروم

-Toby for Chrome.

تقدر من خلال الاداة الرائعه دي عمل ادارة للتابات الخاصه بيك او النوافذه اللى بتفتحها باستمرار .. فبمجرد تثبيت الاضافة هتتغير الصفحه اللى بتظهرلك لما تفتح نافذه جديده بصفحه خاصه لاضافة Tobby .. تقدر بقا فى الصفحه دي تعمل مجموعات من المواقع المفضله ليك فمثلاً تعمل مجموعه خاصه بالمواقع التقنية وتحط فيها رابط متطور اكيد .. ومجموعه لمواقع الاخبار مثلاً وهكذا .. الاداة صراحه رائعه جداً جداً.
اضافة تغيير شكل نافذه جديد  جوجل كروم

-Grammarly for Chrome.

الاضافة مهمة جداً فى تصحيح اخطاء الجرامر وانت بتكتب على جوجل كروم على اي موقع .. فمثلاً لو بتكتب ايميل رسمي او حتي بتتكلم على اي موقع تقدر تستخدمها فى انك تطلع جمل خالية من اي اخطاء فى القواعد الخاصه باللغه..ايضاً يوجد منها اصدار مدفوع ممكن من خلاله التدقيق فى سطور كثيرة وليس جمل فقط.
اضافة تصحيح الجرامر جوجل كروم

-Google Translate.

اضافة مهمة لمستخدمين جوجل كروم .. عن طريقها تقدر تتصفح مواقع بلغات آخري وتستخدم اداة الترجمه الخاصه بجوجل فى ترجمه صفحه الويب كامله .. اكيد الترجمه مش كلها صح 100% ولكن هتساعدك كثير وزي ما قولت فهي اضافة مهمة لكثير من الناس.
اضافة الترجمه الكامله جوجل كروم

-eyeCare - Protect your vision.

الاضافة دي مهمة جداً لو انت من النوع اللى بيقعد على الكمبيوتر بالساعات .. او شغلك كلو على الشاشات الخاصه بالكمبيوتر .. بتساعدك تحافظ على نظرك عن طريق اخذ فاصل كل فتره مثلا 20 دقيقه ولو لثواني بانك تبص لحاجه غير شاشة الكمبيوتر الخاص بك. ودي القاعده اللي هتظهرلك فى الصورة 20-20. بمعني كل 20 دقيقه تاخد 20 ثانية بريك تبص لحاجه ثانيه غير الكمبيوتر.
تقدر تظبط اسم التنبيه وكمان صوت الاشعار من خلال الاضافة بسهولة وانصحك تستخدمها لو انت بتحب تقعد على الكمبيوتر كثير للحفاظ على نظرك.
اضافة الحفاظ على النظر جوجل كروم

-Video Downloader professional.

مينفعش اكلم عن اضافات من غير ما اذكر فى الاخر اضافة لتحميل الفيدويهات على جوجل كروم .. ودا لانها اضافة مهمة لكثير من المستخدمين والاضافة دي ممتازة وبيستخدمها اكثر من 3 مليون مستخدم لجوجل كروم..تقدر تحمل الفيديوهات اللى بتشوفها من اي موقع بتتصفحه على جوجل كروم.
اضافة تحميل الفيديوهات بجوده مختلفه جوجل كروم

تقدر تختار الاضافات اللى عجبتك وتثبتها على جوجل كروم .. الاضافات متنوعه وبتغطي احتياجات واذواق كثيرة 
تابع المدونه من هنا للمزيد.

تابعنا على فيسبوك وتويتر.
دمتم بخير♥.
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي