القائمة الرئيسية

الصفحات

مشاركة الملفات على الشبكة ويندوز

شرح مشاركة الملفات على الشبكة المحلية او الواي فاي بين الاجهزة على ويندوز7 ,local network sharing windows 10
مشاركة الملفات على الشبكة ويندوز

نقل ومشاركة الملفات مع الاصدقاء او بين كمبيوتر وآخر عملية ضرورية لاي مستخدم وممكن نقل المجدات والصور والفيديوهات دا يتم عن طريق الفلاشات او الهارد الخارجي او برامج النقل من جهاز الى آخر , ولكن فى طريقة اسرع ممكن تنقل بيها ملفات لو الجهازين متصلين بنفش شبكة الانترنت او الواي فاي , وهيا مشاركة الملفات دي للاجهزة المتصله معاك على نفس الشبكة وتقدر من خلال الجهاز التاني تنقل الملفات اللى عايزها.

الوسيلة دي مش اسرع وسيلة لنقل الملفات ولكنها فعالة جداً فى نقل الملفات اللى حجمها مش كبير , والشركات بتستخدمها بصورة كبيرة فى نقل ملفات العمل ومشاركتها مع جروب العمل كلو , فعن طريق عمل فولدر ومشاركة الفولدر دا مع الشبكة المحليه , اي ملفات هتنقلها للفولدر الخاص بالشبكه هتكون متاحه للوصول من قبل اي جهاز متصل معاك على نفس الشبكة.

كمان تقدر تشارك فولدر معين ومتعملش فولدر خاص بالشبكة  , يعني لو عايز تشارك مجلد جاهز عليه ملفات وشغل تقدر تشاركه عن طريق عمل مشاركة على الشبكة المحليه وبيظهر لجميع الاجهزة المتصله معك على نفس الشبكة المحليه , ودي نفس الفكرة اللى بنعتمد عليها لما تنقل ملفات بين جهازين عن طريق كابل انترنت.

مشاركة الملفات عبر الشبكة المحليه بين الاجهزة على ويندوز.

تقدر تشارك اي مجلدات او صور او فيديوهات بين الاجهزة المتصله معاك على نفس شبكة الانترنت او الواي فاي , ولاحظ ان سرعه النقل مباشرة عن طريق سلك هتكون اسرع من النقل عن طريق الواي فاي , ولكن لو اي جهاز متصل عن طريق الواي فاي يقدر يشوف الملفات وينقلها بشكل طبيبعي.
  • اختار اي مجلد او فولدر عايز تشاركه واضغط كلك يمين واختار properties.
  • اختار تبويب sharing واضغط على مشاركة الفولدر او Share.
  • اتأكد انك مختار المشاركة مع الجميع زي ما هو باين فى الصورة واضغط موافق
اعطاء الاذونات للمفات المشاركة عبر الشبكة

كل الملفات اللى شاركتها تقدر من خلال فتح Network تشوف جهازك وايضاً الملفات المتواجده واللى تم مشاركتها عن طريق جهازك او اي جهاز.
شرح طريقة مشاركة ملف على الشبكة المحلية

ولكن لازم تتاكد من نقطه مهمه جداً وهيا ان المشاركه متفعله فى الويندوز الخاص بيك وان الملفات ليس عليها اي باسورد علشان يقدر اي كمبيوتر يفتحها بشكل عادي, اتبع الخطوات التالية.
  • افتح Control Panel واختار Network and Sharing.
تشغيل مشاركة الملفات على الشبكة فى الويندوز
  • اختار اعدادات متقدمه لتفعيل مشاركة الملفات فى ويندوز من الجانب.
الاعدادات الصحيحيه لمشاركة الملفات على الويندوز
  • اتأكد من تفعيل المشاركة وايضاً الغاء الباسورد زي الصورة التالية.
الغاء الباسورد على الملفات المشاركة عبر الشبكة

وكدا يكون الكمبيوتر الخاص بيك جاهز لمشاركه الملفات عبر الشبكة وتنقلها لاي كمبيوتر آخر متصل معاك على نفس شبكة الواي فاي او الانترنت , تابع المزيد من الشروحات.

تابعنا على فيسبوك وتويتر
دمتم بخير♥.
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي