حجب اليوتيوب من الراوتر we,tedata

طريقة حجب موقع وتطبيق اليوتيوب من راوتر وي الجديد وايضاً راوتر تي اي داتا القديم Te-data.

اذا كنت مشترك فى خدمه الانترنت المنزلي والباقة الخاصه بك محدودة,فاكثر المنصات اللى ممكن تستهلك انترنت هي منصه اليوتيوب خاصه اذا كان في عدد كبير من المستخدمين على نفس الراوتر,ممكن تحجب موقع اليوتيوب لكل الاجهزة المتصله بالراوتر او لاجهزة معينه فقط,هنطبق الشرح على راوتر we الجديد ولكن نفس الفكرة والخيارات هتلاقيها موجوده على اي راوتر تاني مهما كان نوعه , راوتر هواوي او راوتر فودافون,اتصالات, TP-Link الخ..

بيتم حظر التطبيق ايضاً,فالتطبيق بيكون بيعمل بصورة عاديه ولكن عند محاوله فتح اي فيديو لن يعمل ,بمعني ان الفيديوهات من الخارج بتكون ظاهره ولكن لما تضغط على اي فيديو لن يعمل..وبيتم اختيار اجهزة معينه من المتصلين بالراوتر وبيتم حجبهم عن طريق الماك ادريسس الخاص بالموبايل,واي محاوله لتغيير الاي بي على الموبايل اللى تم حجب اليوتيوب عليه لن تفيد .

طريقة حجب اليوتيوب من الراوتر وي.

الخطوات هتكون على راوتر وي we , ولكن ممكن تطبق نفس الخطوات على اي راوتر سواء فوادافون او اتصالات او ارونج, هتلاقي اختلاف بسيط فى طريقه الوصول الى خيار الحجب ولكن اي راوتر هتلاقي عليه ميزة حجب URL.

• افتح صفحه اعدادات الراوتر الخاصه بك واللى بتكون مكتوبه على ظهر الراوتر وفى الغالب بتكون 192.168.1.1 .
• هتظهرلك صفحه بتطلب منك اسم المستخدم وكمله المرور,هتلاقيهم ايضاً على ظهر الراوتر و في حاله عدم وجودهم اكتب admin فى الخانتين.

الاي بي الخاص بصفحه اعدادات الراوتر بتكتبه فى الخانه العلوية لاي متصفح,ممكن تفتح الصفحه دي من الموبايل او الكمبيوتر او التابلت,اضغط على الاي بي فى القائمة وسيتم تحويلك الى الصفحه تلقائياً.

ايضاً قد يختلف الاي بي للراوتر الخاص بك , ولكن في اغلب الاجهزة هو 192.168.1.1 وفى حاله اختلافه هتلاقيه مكتوب على ظهر الراوتر.

• بعد الدخول لصفحه الاعدادات,اختار internet.
• ومن قائمة internet اختار Parental Control.

في الانواع الاخري من الرواتر زي راوتر te-data او راوتر فودافون واتصالات, هتلاقي الخيارات فى قائمة جانبيه ولا يوجد قائمة علوية ,دور على URL fillter وهتلاقي الاعدادات دي موجوده فى الراوتر الخاص بك.

• اضغط على خيار URL Fillter, ودا بتقدر من خلاله تحظر موقع معين عن طريق كتابه عنوانه فى القائمة دي وبتختار كمان الاجهزة اللى عايز الحجب يشتغل عليها.
• اضغط على اضافه Add new ,بيظهرلك اول خانه وهي الخانه اللى هتحط فيها عنوان الموقع واكتب فيها : youtube.com .
• اعمل صح جنب  Manually specify devices علشان تقدر تختار الاجهزة اللى هتحجب عنها اليوتيوب.
• بيظهرلك كل الاجهزة المتصله بالراوتر سوار كمبيوتر او موبايل , اختار الاجهزة اللى عايز تحجب اليوتيوب من عليها.

اعمل صح بجانب الجهاز اللى عايز تطبق عليه الحجب,وبعدين اضغط على save.

ولكن علشان تقدر تحجب اليوتيوب بشكل كامل ,لازم تطبق نفس الخطوة اللى فوق مع بعض العناوين الاخري,هذكرلك قائمة بالعناوين وطبق نفس الخطوات واحجبهم كلهم.

• m.youtube.com
• ytimg.com
• s.ytimg.com
• googlevideo.com
• youtu.be
• youtube.com
• i.google.com
• youtube.l.google.com
• ytimg.l.google.com

وبعد ما تعمل حظر لكل الراوبط اللى ذكرتها فوق هتكون قائمة حظر الروابط كالتالي.

وبعد حجب المواقع دي من الراوتر,الاجهزة اللى اخترتها لن تستطيع فتح اي فيديوهات على تطبيق او موقع اليوتيوب,ايا كان نوع الجهاز و سبب حجب كل الروابط دي ان موقع اليوتيوب لا يعتمد على عنوان واحد فقط فاذا جربت تحظر موقع واحد فقط لن يحدث اي شىء وهيظل اليوتيوب يعمل عادي.

والشرح التالي لراوتر تي اي داتا اصدار قديم ZTE ZXHN H108N V2.5 لتوضيح ان الفرق بسيط ونفس الخيار موجود.

اقرأ ايضاً: حجب تطبيق تيك توك TikTok من الراوتر.

حجب اليوتيوب من راوتر te-data القديم.

يمكن تطبيق نفس الخطوات على راوتر تي اي داتا قديم او جديد , افتح صفحه اعدادات الراوتر من الموبايل او الكمبيوتر.

• اذهب الى 192.168.1.1 .
• اكتب اسم المستخدم وكلمه المرور الموجودين على ظهر الراوتر,وفي حالة عدم وجودهم اكتب admin فى الخانتين.
• من القائمة الجانبية اختار Secuirty ثم URL Fillter.
• دلوقتي احجب قائمة الروابط اللى فوق ,واتأكد من تفعيل الحجب Enable.

الاختلاف بسيط وتقدر تحجب اليوتيوب من الراوتر ولكن الفرق انه لا يمكنك تحديد اجهزة معينه,فالحجب يكون على جميع المتصلين بالرواتر لان اصدار الراوتر قديم,ولكن اذا كان الراوتر الخاص بك حديث فهتلاقي امكانيه تحديد مستخدمين لتطبيق الحجب عليهم.

والشرح التالي لراوتر تي اي داتا ولكن اصدار جديد te-data , Hg 531 V1 لتوضيح الفروقات.

حجب اليوتيوب على راوتر te data جديد.

يمكن حجب اليوتيوب على راوتر تي اي داتا اصدار اجدد من الاصدار السابق وهو hg 531 V1 والفرق بين راوتر والتاني خطوات بسيطه جداً.

• افتح صفحه اعدادات الراوتر 192.168.1.1 .
• اكتب اسم المستخدم وكلمة المرور المتواجدين على ظهر الراوتر او admin فى الخانتين فى حالة عدم وجود اي مستخدم وكملة مرور على ظهر الراوتر.
• من القائمة الجانبيه اختار Advanced ثم Filter وانتقل الى URL Fillter.

احجب قائمة العناوين الموجوده فوق وهيتم حجب اليوتيوب من الراوتر,وكدا نكون وضحنا الطريقه على 3 انواع مختلفه من الرواتر.

مع العلم ان الراوتر من صناعه شركات هواواي و ZTE ,فالراوتر ممكن تلاقيه نفس الراوتر الخاص بك او الخاص بشركتك مع اختلاف الشركات.. اذهب الى قسم الانترنت للاطلاع على المزيد من المقالات.

 

تابعنا على فيسبوك وتويتر

دمتم بخير♥.