القائمة الرئيسية

الصفحات

متصل ولا يوجد انترنت | حل المشكلة

متصل ولكن لا يوجد انترنت على الاندوريد والايفون .. حل مشكلة الواي فاي. Connected But no Internet.
حل مشكلة متصل ولكن لا يوجد انترنت على الموبايل والكمبيوتر

- عند الاتصال بالواي فاي عن طريق الكمبيوتر او الموبايل قد تظهر لك رسالة مزعجه وهيا متصل بالانترنت ولكن لا يوجد  انترنت .. فما هوا سبب تعطل شبكة الواي فاي التى اصبحت هيا المصدر الاساسي للاتصال بالانترنت فى الكثير من البيوت .. بعيداً عن اتصال البيانات اللى يعتبر مكلفاَ جداً بجانب الواي فاي.

للتعامل مع مشكلة الاتصال بالواي فاي هنقدملك بعض الحلول فى المقالة .. فالمشكلة ظهرت مع مستخدمين كثير .. احياناً المشكلة بتحصل مع الهوت سبوت او نقطه الاتصال اكثر من الاتصال المباشر بالواي فاي.

حلول مشكلة متصل ولكن لا يوجد انترنت:

  1. استخدام اي بي ثابت/تلقائي.
  2. اعاده تشغيل الهاتف.
  3. تشغيل/ايقاف بيانات الهاتف.
  4. التأكد من اعدادات نقطه الاتصال.
  5. تنظيف الملفات المؤقته للنظام.

-استخدام اي بي ثابت/تلقائي.

بدأت بالحل دا لانه غالباً بتكون المشكله بسببه .. احياناً بتكون عامل لموبايلك اي بي ثابت على واي فاي معين مثلاً .. او عامل للاب توب بتاعك اي بي ثابت ولما بتحاول تتصل بشكبة آخري باللاب توب او الموبايل .. بتظهر رسالة متصل ولكن لا يوجد انترنت.

ممكن يكون السبب هوا الاي بي الثابت اللى بتستخدمه .. فجرب تشغل الانترنت عن طريق اي بي تلقائي بدل من ثابت Static .. وعلشان تقدر تغير الاي بي وتختار بين انو ثابت او تلقائي راجع المقالة التالية " تغيير عنوان الاي بي فى الموبايل"
حل مشكلة الواي فاي عن طريق استخدام اي بي تلقائي

اذا كنت بتستخدم اصلا اي بي تلقائي فجرب تعكس الحل بمعني .. استخدم اي بي ثابت يكون مناسب للواي فاي المتصل بيه .. وخلي بالك من اي بي الرواتر 192.168.1.1 لانه مش دايماً بيكون بالشكل دا.

-اعاده تشغيل الهاتف.

المشكله تم حلها مع كثير من المستخدمين بعد تجربة عمل اعاده تشغيل للموبايل الخاص بيهم .. برغم بساطة الخطوة بانك تعمل اعاده تشغيل للموبايل ولكن الخطوة دي ممكن تحل معاك مشاكل كثير بتقابلك فى النظام..
اتصال بالواي فاي ولكن لا يوجد انترنت

-تشغيل/ايقاف بيانات الهاتف.

فى حالة انك بتحاول تفتح نقطة اتصال من موبايلك وبتظهر ليك رسالة متصل ولكن لا يوجد انترنت .. جرب ايقاف بيانات الهاتف وتشغيلها مرة آخري ثم الاتصال بنقطه الاتصال مرة آخري.. فاتاكد ان البيانات شغاله على الموبايل.

الواي فاي متصل ولكن النت مش شغال



-التأكد من اعدادات نقطه الاتصال.

المشكلة لو ظاهرة معاك مع نقطه اتصال فأتاكد من اعدادات نقطه الاتصال .. بعض الموبايلات بيكون عليها اعدادات لعدد الاجهزة المتصله والسماح بالانترنت او لا .. وايضاً حجم البيانات اللى هتستخدمه الاجهزة دي.. فتأكد من ان كل الاعدادات مفيش فيها اي مشكلة.

افتح الاعدادات >> الشبكات >> نقطه الاتصال المحمول >> اعدادت نقطه الاتصال.
Connected But No Internet


-تنظيف الـ Cache للموبايل.

احياناً مشكلة متصل ولكن الانترنت مش شغال بتظهر بسبب الملفات المؤقته على الجهاز وبمجرد تنظيفها المشكلة بتروح .. وعلشان تنظف الملفات دي من موبايلك اتبع الخطوات التالية:
  • اقفل الموبايل.
  • افتح الموبايل عن طريق الضغط على زر الصوت والباور سوياً.
  • الموبايل هيفتح فى وضع " Recovery Mode"
  • تقدر تنزل وتطلع فى الخيارات عن طريق ازرار الصوت.
  • انزل لخيار "Wipe cache".
  • اضغط على زر الباور لاختياره.
  •  بعد كدا اختار reboot والموبايل هيعمل اعاده تشغيل وهيفتح.
حل مشكلة الاتصال بالواي فاي ولكن النت غير شغال

فى النهاية تأكد ان الواي فاي متصل ولا يوجد فيه اي مشاكل سواء فى الاشتراك او DSL... وتأكد من عدمك استخدام لاي بي مخالف للراوتر او استخدامك اي بي ثابت مع نقطه اتصال محمولة.

تابع المدونه من اليسار للمزيد
تابعنا على فيسبوك وتويتر 
دمتم بخير ♥
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي