شرح طريقة معرفة استهلاك باقة النت الارضي وي We adsl .. والجيجا بايت المتبقية على الموبايل.
اذا كنت مشترك فى خدمه الانترنت المنزلية التى تقدمها شركة المصرية للاتصالات او we وي .. فبعد اختيار الباقة اللى انت عايزها من حيث حجم الجيجات.. وايضاً سرعه الانترنت تقدر تتابع استهلاك باقتك اول باول عن طريق الموبايل او الكمبيوتر بكل سهولة.
ممكن تعرف مقدار استهلاكك من باقه الانترنت وي عن طريق الموقع الخاص بالشركة اذا كنت موبايل او كمبيوتر .. ولكن على الموبايل يفضل استخدام تطبيق ماي وي My We اللى.. بتقدر من خلاله تعرف عدد الجيجابايت المتبقية فى الباقة وايضاً تقدر تشحن وتدفع الفواتير وكمان ممكن تعرف اسم المستخدم وكملة المرور الخاصه بخطك اللى بتكتبهم فى الراوتر علشان تقدر تتصل بالانترنت.. كل الخدمات دي واكثر من خلال التطبيق "محادثه دعم فني - ارسال تذاكر للدعم النفي".
هنبدأ نشرح طريقة معرفة الاستهلاك من الموقع وبدون استخدام التطبيق والطريقه ممكن تستخدمها على الموبايل او الكمبيوتر بشكل طبيعبي .. ثم هنشرح التطبيق وخطوات التسجيل فيه ومعرفة الجيجابايت المتبقية فى باقة وي.
معرفة استهلاك باقة النت وي من الموبايل او الكمبيوتر.
بدون استخدام التطبيق تقدر تتابع استهلاك باقة النت الخاصه بيك .. اتبع الخطوات التالية.
- افتح موقع وي "اعرف استهلاك الانترنت الخاص بك We "
- هيطلب منك تسجيل الدخول .. ولكن اختار تسجيل بما انك جديد واول مرة تستخدم الموقع.
ملاحظة :لازم يكون جنبك رقم الموبايل اللى سجلت بيه الخط الارضي علشان هيجيلك عليه رسالة تأكيد خلال عمليه التسجيل.
- صفحه التسجيل هتطلب منك رقم الخدمه اكتب الرقم الارضي الخاص بالانترنت مسبوقاً بكود المحافظة بشكل صحيح .. وتقدر تعرف كود المحافظه الخاص بيك من هنا.
- اضغط على لست روبوت للتأكيد واجتاز الاختبار ثم اضغط على تسجيل.
- هيجيلك رسالة على رقم الموبايل اللى تم تسجيل الخط الارضي بيه .. وبيظهرلك اخر رقمين من الموبايل وبيطلب منك تكتب كود التأكيد اللى وصلك.
- ثم تقدر تكتب كلمة السر الخاصه بحسابك وتكررها مرة آخرى فى النافذه التالية.
- وافق على الشروط والان اضغط على تسجيل وتم انشاء حساب خاص بك وبرقمك الارضي.
دلوقتي تقدر تسجل دخول فى الموقع معرفة استهلاك النت وي .. اذا لم يتم تحويلك بشكل تلقائي... اكتب الرقم الارضي مسبوقاً بكود المحافظه وكلمه السر الخاصه بحسابك.
الان هيظهر ليك التفاصيل الكامله لخطك الارضي زي مثلاً اسمك بالكامل فى اول الصفحه .. ثم الفواتير اللى عليك وايضاً استهلاكك الكامل من باقة النت ومعرفة المتبقي من الباقة we.
تقدر كمان تختار من القائمة اللى فى الجنب الاستهلاك وتتابع استهلاكك بالكامل ... وهتلاقي المزيد من الخدمات تقدر تستخدمها بحسابك على موقع وي,تقدر تشوف ميعاد تجديد باقة الانترنت وكم يوم متبقي.
التسجيل فى تطبيق وي ومعرفة استهلاك الباقة.
الان هنشرح طريقة التسجيل اول مرة فى التطبيق الخاص بشركة We .. وتقدر تعرف استهلاكك للانترنت والجيجابايت المتبقية .
- نزل تطبيق وي من متجر جوجل بلاي My We.
- لتحميل تطبيق وي للايفون My we Iphone.
- هيتم تثبيت التطبيق بشكل طبيعي على موبايلك والان افتح التطبيق.
- اول ما تفتح التطبيق اختار انشاء حساب اذا كنت لم تستخدم الموقع من قبل اما لو كان عندك حساب على الموقع فتقدر تختار تسجيل وتكتب رقم الخدمه وكملة المرور هيفتح عادي.
- هيطلب منك تكتب رقم الخط الارضي الخاص بك مسبوقاً بكود المحافظة.
- اضغط على التالي هيطلب منك كتابة كلمة مرور وتأكيدها ثم وافق على الشروط واضغط على تسجيل.
- الان هيجيلك رسالة على رقم الموبايل اللى تم تسجيل الخط الارضي به .. وهيطلب منك تكتب الرقم الموجود بداخل رسالة التأكيد.
- اكتب الرقم واضغط على استمرار وكدا تم انشاء حساب على تطبيق وي بنجاح.
الان هيظهرلك الاستهلاك الخاص بباقة النت على خطك الارضي وممكن من خلال الضغط على الثلاث شرط اللى فى الاعلي .. يظهرلك المزيد من الخيارات زي الحصول على اسم مستخدم وكلمة مرور الانترنت .. وايضاً التحدث مع الدعم الفني.
وكدا تكون المقالة انتهت وتم شرح الموقع وايضاً التطبيق .. تابع هنا للمزيد.
تابعنا على فيسبوك وتويتر
دمتم بخير ♥.