إجراءات نقل خط التليفون الأرضي

رسوم وخطوات نقل خط تليفون ارضي الى مكان آخر,والاحتفاظ بالرقم او تغييره.
إجراءات نقل خط التليفون الأرضي

اذا كان لديك خط ارضي فى مكان معين وبعد فتره نقلت الى مكان او بيت آخر تقدر تنقل الخط الارضي الى البيت الجديد او المكان الجديد,وممكن تحتفظ بنفس الرقم الخاص بك او تختار انك تغير الرقم الى رقم آخر,ولكن اذا كان قرارك هوا تغيير الرقم الى رقم آخر لابد من التأكد ان الرقم القديم الخاص بك لا يوجد عليه اي فواتير مستحقه الدفع.

وتعتبر عمليه نقل الخط الارضي الى مكان آخر اسرع من التقديم على خط ارضي جديد,خصوصاً اذا كنت نقلت الى مكان آخر ولكن فى نفس البلد او المنطقه وكمان اذا كنت مركب انترنت على الخط فايضاً نقل الخط الى مكان آخر يعتبر اسرع فى تشغيل الانترنت من التقديم على خط ارضي جديد.

خطوات نقل خط التليفون الارضي.

اولاً: الاوراق المطلوبة لنقل الخط التليفون الارضي هو عقد ايجار بالمكان الجديد او وصل نور وماية للمكان الجديد ,ولتسهيل عمليه المعاينة على الموظف يفضل انك تصور اقرب كابينة او كوبس خاص بالحرارة,واقصد هنا مخرج سلوك الحرارة اللى بيكون متعلق على البيوت,فدور على اقرب كابينة او كوبس ليك وصوره من برا بالرقم المكتوب عليه والموظف المسئول عن المعاينه هيعرف المكان بسهولة.

ثانياً:تحرك الى اقرب فرع لشركة المصريه للاتصالات وعند الوصول لازم تقطع ورقه وتستني دورك واختار خدمات خط ارضي آخري,واطلب من الموظف لما دروك يجي انك عايز تنقل خط التليفون بالرقم ***** الى مكان آخر.

الموظف هيقدم ليك طلب نقل للتليفون الارضي ولكن بعد دفع الفواتير المستحقه على الخط كلها,وممكن يتم تقديم طلب النقل فى يوم آخر مختلف عن يوم دفع الفواتير بسبب حجه ان النظام هيعلق,المهم ادفع الفواتير اللى على الخط وهتقدم طلب نقل للتليفون الارضي فى حاله انك قررت انك تحتفظ بنفس الرقم.

عمليه النقل بتستغرق حوالي 48 ساعه فى الغالب,وبعدها بيوصلك موظف يطلع ليك سلك الحرارة من الكابينة الخاص برقمك,وتقدر بعدها تشغل الانترنت او تطلب اعاده تفعيله اذا كانت الانترنت مفصول ايضاً.

رسوم نقل خط التليفون الارضي.

رسوم او تكاليف نقل خط التليفون الارضي احياناً مش بتدفعها ولكن بتنضاف على الفواتير القادمه ليك, فعند دفع فواتير الشهور القادمه هتلاقي مبلغ ورسوم النقل متقسمه على اكثر من شهر مثلاً,او بطريقه آخري معينه معرفهاش بالظبط.

رسوم النقل بتختلف كل فتره والثانيه واخر مره كانت بتتراوح من 50-70 جنيه ودي تكاليف نقل التليفون الارضي الى مكان آخر.

واذا كنت تبحث عن الاسرع,فانا جربت انقل الخط الارضي الى مكان آخر واستغرقت العمليه اقل من 48 ساعه وبمجرد ما السلك وصلني قمت بتفعيل خدمه الانترنت فى نفس اليوم,اما فى حالة التقديم على خط جديد فممكن العمليه تستغرق حوالى اسبوع مثلاً كحد اقصي.

كل المكتوب فى المقاله هي معلومات شخصيه وتجربه بحاول افيدكم بيها, تابع المزيد من المقالات.
تابعنا على فيسبوك وتويتر
دمتم بخير♥.
تعليقات
9 تعليقات
إرسال تعليق
  • Unknown
    Unknown 7 سبتمبر 2020 في 1:11 م

    شكرا ليك جدا

    إرسال ردحذف
    • MO3Az
      MO3Az 7 سبتمبر 2020 في 9:13 م

      اهلاً بك عزيزي ♥,سعيد لافادتك والشكر لله وحده ♥♥

      حذف
    • Unknown
      Unknown 30 مايو 2021 في 12:40 ص

      ممكن انقل خط التليفون من محافظة لمحافظة أخرى...وشكرا

      إرسال ردحذف
      • MO3Az
        MO3Az 30 مايو 2021 في 1:17 ص

        اهلاً بك نعم يمكن نقل الخط الى محافظة آخري فقط توجه الى قسم الاتصالات التابع والقريب من منزلك وابلغهم بهذا الامر واتبع الاجراءات بالتوفيق

        حذف
      • Unknown
        Unknown 14 يوليو 2021 في 3:07 ص

        كيف يمكن نقل خط ارضى من محافظة الي اخري

        إرسال ردحذف
        • MO3Az
          MO3Az 14 يوليو 2021 في 2:29 م

          توجه الى اقرب فرع لشركة المصرية للاتصالات فى المحافظة الجديده واخبرهم انك تريد نقل الخط, قد يتم تعطيل الخط القديم وانشاء خط جديد عليه نفس الخدمات المشترك بها , بالتوفيق

          حذف
        • Unknown
          Unknown 30 أكتوبر 2021 في 11:46 ص

          ٤٨ ساعة اى كفاية تضليل ده انا بنقل خط ارضى بقالى اسبوع ومحدش عاوز يركب الخط وكل اما اروح السنترال محدش بيدينى عقاد نافع (سنترال بدر القاهرة) والفنى بتصل بيه مبيردش فعلا خدمة زبالة

          إرسال ردحذف
          • MO3Az
            MO3Az 30 أكتوبر 2021 في 2:12 م

            اهلاً بيك يا قندم ، نحن هنا نقوم بكتابة تجارب حقيقة ، تم نقل الخطوط الارضية للعديد من المستخدمين خلال المدة التي ذكرتها و احياناً قمت بنقل الخط في نفس اليوم ، اذا كان هنالك مشكلة في سنترال معين هذا لا يعني اننا نقوم بالتضليل ، بالتوفيق

            حذف
          • Unknown
            Unknown 24 يناير 2022 في 9:50 م

            انا بقالي 3شهور مقدمه طلب نقل الخط الاراضي ومحدش سال فيه

            إرسال ردحذف



            وضع القراءة :
            حجم الخط
            +
            16
            -
            تباعد السطور
            +
            2
            -