خطوات الغاء اشتراك الانترنت المنزلي و تغيير الشركة

الخطوات الصحيحه لالغاء اشتراك الانترنت المنزلي " الارضي" والتقديم فى شركة آخري فى اسرع وقت.
الغاء اشتراك الانترنت الارضي والتحويل لشركة آخري


وجود انترنت فى المنزل قديماً لم يكن امر مهم ولكن بعد الاحداث الاخيره التى اجتاحت العالم وبعد التطور الكبير الذي وصل اليه العالم حالياً اصبح وجود خدمه انترنت منزلية فى كل بيت ام مهم للغاية,سواء للترفيه وتشغيل الكثير من الخدمات التى تعتمد عليه بشكل اساسي او حتي للعمل او للدراسة عن بعد وتعلم مهارات جديده والتطوير من نفسك,وفى بعض الاوقات نقابل مشاكل مع الشركة المزوده لخدمه الانترنت ونريد فصل الخدمه بصورة نهائية وتحويلها الى شركة آخري.


سنتحدث فى مقالة اليوم عن الانترنت المنزلي الارضي الذي يتم تفعيله بواسطة الخط الارضي " سلك التليفون" وليس الانترنت الهوائي او الطرق الآخري لتوصيل انترنت الى المنزل,عملية فصل خدمه الانترنت المنزلي تكون متشابه تقريباً فى جميع الشركات المصرية سواء شركة وي we او فودافون او اورنج او اتصالات.


قم بقراءة المقال كامل بصورة جيده لاننا سنشرح بالتفصيل طريقة الغاء الانترنت الارضي او إيقاف خدمة الإنترنت مؤقتا we بصورة صحيحه والمده التى تستغرقها هذه العمليه وما هي الامور التى قد تؤدي الى تأخر فصل الانترنت او تعطل العملية بصورة كاملة.


الغاء اشتراك الانترنت الارضي من شركة وي we او فودافون.

اتبع الخطوات التالية لالغاء خدمه الانترنت المنزلي الخاصه بك بغض النظر عن الشركة المتعاقد معها فالخطوات تقريباً واحده على مستوي مصر.

  • يجب عليك الذهاب الى اقرب فرع للشركه المتعاقد معها.
  • قدم طلب الغاء اشتراك فى خدمه الانترنت المنزلية.
  • تأخذ مده اتمام عملية الغاء الاشتراك من  يوم الى 30 يوم عمل.
  • لا يوجد اي رسوم لذلك الا فى حالة وجود غرامه بسبب راوتر او فواتير موجوده.
  • سنشرح فى الجزء القادم الاسباب التى قد تؤدي الى تأخير عمليه الالغاء.

 

حسب اخر تعديلات الجهاز القومي لتنظيم الاتصالات: تم تعديل آليات الانتقال و تغيير شركة الانترنت المنزلي لتصبح المدة: 3 أيام فقط ، بحيث يستغرق الغاء الخدمة 24 ساعة فقط ثم الاشتراك مع مزود آخر خلال 48 ساعة [72 ساعة إجمالاً] ، يمكن الاطلاع على القواعد الجديدة عبر الرابط التالي "التنقل بين مقدمي خدمات الانترنت الثابت".


لازم تنتبه الى بعض الامور قبل الذهاب الى تقديم طلب الغاء اشتراك من خدمه الانترنت لكي لا يتم رفض طلبك او تعطيله ، سنقوم بمناقشة اهم العقبات التي تقف امام عملية تغيير شركة النت المنزلي.

 

اولاً: في حالة الحصول على راوتر مجاني او بالقسط.

من اكثر الاسباب اللى بتؤدي الى تعطيل عملية الغاء خدمه الانترنت المنزلية هي الحصول على راوتر مجاني او بالقسط اثناء التقديم فى الخدمه,فاذا كان الرواتر مجاني تشترط الشركه ان تكمل التعاقد الخاص بك لمده سنه على الاقل حتي تستطيع الغاء الاشتراك.

 

وفي حاله الاصرار على الغاء الاشتراك يتوجب عليك دفع غرامه فى حدود 300 جنيه مصري وهي ثمن الراوتر,او يمكنك الانتظار لوقت مرور سنه على وقت التعاقد مع الشركة,واذا كان تاريخ التعاقد الخاص بك مر عليه اكثر من سنه بالفعل فلا يوجد اي مشكلة فى هذه النقطه.

 

واذا كان الراوتر بقسط مثل راوتر السرعات الجديده اللى بتحصل عليه مقابل 6 جنيه قسط تقريباً شهرياً,فلا بد من التأكد انك قمت بسداد جميع اقساط الراوتر قبل طلب الغاء الاشتراك من خدمه الانترنت المنزلي.

 

ثانياً:الذهاب الى الفرع قبل موعد التجديد الخاص بك.

من اكثر الاسباب ايضاً اللى هتأجل عمليه الغاء الانترنت المنزلي الخاص بك,وهي عند ذهابك الى الفرع فى ميعاد التجديد الخاص بك لن تستطيع الغاء الاشتراك بسبب وجود فاتورة بالفعل على حسابك خاصه بالشهر الجديد ولن تستطيع اجراء اي عملية بدون دفع الفاتورة المستحقه عليك,فما سبب ذلك ؟

 

 

السبب ان فاتورة الشهر الجديد بتنزل فى حسابك فى ميعاد التجديد او قبل ميعاد التجديد باكثر من يوم ويمكنك دفع الفاتورة فى وقت سابق او لاحق لمعادك وتسمي هذه الفتره الاخيره "فتره سماح" ,ولتجنب هذا الامر انصحك بالذهاب الى الفرع قبل ميعاد التجديد الخاص بك باكثر من يوم حتي لا يكون هناك اي فواتير مستحقه موجوده على حسابك بالفعل. 


يجب التنبيه ان عمليه فصل خدمه الانترنت المنزلي الخاص بك قد تستغرق حوالي شهر كامل لاتمامها بصورة ناجحه,واذا كان غرضك هو التحويل الى شركة انترنت آخري بنفس الخط الارضي فهذا معناه انقطاع الخدمه عنك لمده 15/30 يوم بالاضافة الى مده التقديم وتركيب الشركة الجديده لخدمه الانترنت فستمدد الفتره لاكثر من ذلك.


التحويل والتقديم فى شركة انترنت آخري


تحويل الخط الارضي الخاص بك الى شركة انترنت آخري.

بعد فصل الخط الارضي الخاص بك بصورة كاملة من الشركة السابقة اتبع الخطوات التالية,للتقديم فى شركة انترنت آخري مثل وي او فودافون او اتصالات.

  • اذهب الى اقرب فرع للشركة التى تريد التعاقد معها.
  • قدم طلب اشتراك فى خدمه الانترنت المنزلية.
  • بعض المستندات مثل:اثبات الشخصيه "صورة بطاقة".
  • سداد رسوم الاشتراك المطلوبة بالاضافة الى سداد فاتورة اول شهر.
  • تستغرق مده التركيب حوالي 5-7 ايام عمل وقد تزيد هذه المده فى بعض الشركات.

 

لقد تحدثنا فى مقال سابق عن خطوات التقديم على انترنت بالتفصيل يمكن الاطلاع عليها من هنا " التقديم على خط ارضي وانترنت".

 


اذا كنت تريد تغيير شركة الانترنت الخاصه بك,ولا تستطيع الاستغناء عن الانترنت لمده شهر او اقل من ذلك فانصحك بالاشتراك فى خط ارضي جديد والتقديم به فى الشركة التى تريدها "اتبع الشرح الموجود فى مقال التقديم الذي تركته رابطه فى الفقره السابقة ",والغاء اشتراك الانترنت فى الخط القديم وتركه يأخذ وقته هذا هو اسرع حل يمكن اتخاذه.

 

اذا كان لديك استفسار او سؤال اتركه فى تعليق وسأقوم بالرد عليك فوراً,لا تنسي ايضاً متابعتنا على الفيسبوك وتويتر ليصلك المزيد ، دمتم بخير♥.

تعليقات
67 تعليقًا
إرسال تعليق
  • Wessam Jasem
    Wessam Jasem 27 أغسطس 2021 في 1:04 م

    سؤال ... أشتركت في الأنترنت وي والراوتر أقساط لمدرة شهرين فقط وأريد أن أسافر للخارج ولا أجدد إشتراكاتي في باقة النت ولكن طبعا سأدفع فواتير الهاتف الأرضي فهل هناك إمكانية لتحويل قسط لراوتر على فاتورة الهاتف ولكم جزيل الشكر

    إرسال ردحذف
    • MO3Az
      MO3Az 27 أغسطس 2021 في 2:41 م

      اهلاً بك ، تواصل مع الشركة و قم بسداد جميع اقساط الراوتر دفعة واحدة ، فعند الغاء خدمة الانترنت ستطلب منك الشركة دفع باقي ثمن الراوتر و اسألهم هل يمكن تحويل القسط على فاتورة الخط الارضي

      حذف
    • محمد
      محمد 13 سبتمبر 2021 في 5:38 م

      السلام عليكم... لو سمحت اريد ان استفسر عن كيفية الحصول على رقم الغاء تعاقد النت مع العلم ان مسئول خدمة العملاء بشركة We افادني بأن التعاقد الخاص بي ملغي

      إرسال ردحذف
      • MO3Az
        MO3Az 13 سبتمبر 2021 في 6:19 م

        اهلاً بك يا محمد ، رقم الالغاء تحصل عليه من الشركة المتعاقد معها سابقاً و يفيد الرقم انه تم الغاء الخدمة نهائياً من على خطك و هو جاهز الان لتركيب الخدمة من قبل موزع آخرى ، مع العلم ان هنالك تغييرات جذرية قادمة على خدمة تغيير الانترنت المنزلي لتصبح فترة تنفيذها في ثلاث أيام فقط و سنقوم بتعديل المقال فور تطبيق النظام الجديد الذي أعلن عنه الجهاز القومي لتنظيم الاتصالات.

        حذف
      • الى السيدة اللبنانيه انى محمد يحى  من مصر. وعمرى 52سنه واريد الارتباط بيكى  هل توافقين
        الى السيدة اللبنانيه انى محمد يحى من مصر. وعمرى 52سنه واريد الارتباط بيكى هل توافقين 16 سبتمبر 2021 في 12:15 م

        السلام عليكم ورحمه الله وبركاته بعد ازن حضرتك ارجو ان تفيدنى انى كنت مركب خط انترنت اتصالات على خط ارضى صديقى لى لانه كان لا يستخدمه استمر خدمه النت شغاله ومستمرة لمده سنه كامله بعد زالك صاحب الخط الارضى احتاجه فأخذه وتم فصل الرواتر خاصتى من عليه وتم إيقاف تشغيل النت ولم يتم شحنه من وقت ماتم فصله ظل متوقف عن شحنه 5اشهر فشركة النت اتصالات اتصلت على وقالت اننى على فاتورة متأخره 180جنيه فأنا اسال كيف تم احتساب الفاتورة ولم يتم تشغيل الراوتر من اساسه فى المدة 5 اشهر فأرجو أن تفيدنى ماهو الحل وماذا افعل

        إرسال ردحذف
        • MO3Az
          MO3Az 16 سبتمبر 2021 في 12:37 م

          اهلاً بك يا صديقي ، عندما قررت التوقف عن استخدام الانترنت كان لابد من الذهاب الى الشركة و تعطيل الخدمة لان فاتورة الشهر القادم هتنزل و ستكون مستحقة عليك ، يتم دفع فواتير الانترنت مقدماً بمعني ان الفاتورة اللى بتدفعها اليوم بتكون خاصه بالشهر الجديد و ليس العكس ، و عادة الفواتير الجديدة بتظهر على النظام بداية من يوم 15 في الشهر، بمعني اننا حالياً في شهر 9 و اليوم 16 في الشهر: اذا ذهبت لدفع فواتير الانترنت قد تجد فاتورة مستحقة عليك وهي الخاصه بشهر 10 ، تكون ظاهره على النظام و يتم دفعها بحد أقصي قبل بداية الشهر الجديد او على حسب تاريخ تعاقدك.

          حذف
        • Unknown
          Unknown 22 سبتمبر 2021 في 3:59 م

          السلام عليكم اشتركت في نت مع شركة اتصالات وأرسلت صورة البطاقة لكن لم استلم الراوتر وطلبت منهم فصل الخدمة ولكن لايريدون ذالك ويطلبون دفع غرامه حوال ٤٠٠ جنية هل هذا يحق لهم أم اماذا أو ما هي الإجراءات التي يمكن اتباعها

          إرسال ردحذف
          • MO3Az
            MO3Az 22 سبتمبر 2021 في 5:08 م

            اهلاً بك ، كيف قمت بتفعيل الخدمة ؟ لا ادري ما هي البنود التي وافقت عليها فقد يكون هنالك غرامة بسبب امراً ما.

            حذف
          • Unknown
            Unknown 6 أكتوبر 2021 في 2:28 م

            السلام عليكم لو مركب نت تبع وي من شهرين وعايز الغيه بدفع اي فلوس علشان الغي

            إرسال ردحذف
            • MO3Az
              MO3Az 6 أكتوبر 2021 في 5:49 م

              اهلاً بك صديقي ، المهم هو تسديد الرسوم المتبقية عليك بمعني دفع جميع الفواتير و اقساط الاجهزة اذا قمت بالاشتراك في نظام تقسيط الراوتر الجديد ، بالتوفيق

              حذف
            • Unknown
              Unknown 20 أكتوبر 2021 في 2:52 م

              كنت مشتركه مع زي ومشحنتش ٣ شهور وقالوا أتوقف الخدمه وممكن تحول على شركه تانيه ف حولت على فودافون وقضيت حوالي ١٠ شهور مع فودافون
              وي دلوقتي عاملين ليا غرامه ٥٠٠ جنيه ويقولوا مستحقات رواتر والكلام ده من اكتر من سنه ولسه جايين يبلغوني دلوقتي اتصرف ازاي عشان مدفعش غرامه

              إرسال ردحذف
              • MO3Az
                MO3Az 20 أكتوبر 2021 في 3:41 م

                اهلاً بيكي ، لو حضرتك اخدتي راوتر بالقسط من وي او حتي راوتر مجاني و مكملتيش اشتراكك لفترة معينة ممكن فعلاً يكون عليكي غرامة ، للاسف معرفش اي حل غير التواصل مباشرة مع الشركة و الاطلاع على الحلول المقترحة ، بالتوفيق

                حذف
              • Unknown
                Unknown 10 نوفمبر 2021 في 3:00 م

                السلام عليكم ورحمه الله انا في الخارج وكنت مقدم على انترنت وخط ارضي من شركه وي في حاليا انا في الخارج عايز اعمل الغاء اشتراك الانترنت شكرا

                إرسال ردحذف
                • MO3Az
                  MO3Az 10 نوفمبر 2021 في 4:31 م

                  اهلاً بك ، اذا لم تقم بدفع الفاتورة سيتم تعطيل الخدمة و يمكنك اعادتها عند الرجوع الى مصر بدفع الفواتير المستحقة ، اذا كنت تريد الغاء الخدمة نهائياً فيجب التوجه الى الفرع و دفع جميع الفواتير المستحقة و اقساط الرواتر اذا كنت حصلت على جهاز بهذا النظام ، ممكن حد تبعك يروح الفرع و يستعلم عن هذه الامور ، بالتوفيق

                  حذف
                • Unknown
                  Unknown 10 نوفمبر 2021 في 8:32 م

                  السلام عليكم ورحمه الله وبركاته
                  حضرتك أنا مشترك في فودافون adsl وتم تحويل خطي فوادفون فليكس إلى فودافون شركات وفوجئت إني مش عارف اشحن النت الارضي ولازم المفوض هو اللي يشحن ولازم اروح معاه لأقرب فرع ومعاد الشحن بقى في ميعاد محدد وعايز الغي الإشتراك قالوا لازم المفوض ولازم اكون معاه في اقرب فرع وانا عايز الغي النت واريح دماغي واشوف شركة وي بس لازم طبعا الحصول على رقم إلغاء الاشتراك من فودافون ايه العمل
                  وشكرا

                  إرسال ردحذف
                  • MO3Az
                    MO3Az 10 نوفمبر 2021 في 8:36 م

                    اهلاً بك ، الصراحه لم اغوض نفس تجربتك و لكن اخر تعديل من الجهاز القومي لتنظيم الاتصالات يلزم الشركات حالياً بتقليل مدة التحويل من شركة الى آخرى الى 3 ايام فقط ، حيث بدء تنفيذ النظام الجديد من 16/9 الماضي ، لذا لن يكون لديك مشكلة في الحصول على رقم الالغاء و التحويل الى شركة آخرى ، بالتوفيق.

                    حذف
                  • Unknown
                    Unknown 2 ديسمبر 2021 في 3:14 م

                    السلام عليكم عندي مشكله شويه انا كنت مقدم مع وي وكنت مستني يشغلولي النت وكنت دافع المصاريف المهم بعدها بيوم تقريبا رن عليا حد وقالي أنه تبع وي وقالي مفيش خط نت ليك دلوقتي يا تستني 6شهور يا تحول علي شركه تانيه وقالي علي اتصالات وقولتله فودافون قالي مش متاحه حسيت انه تبع شركه ونصب عليا بس مش دي المشكله انا قدمت معاه في اتصالات وروحت استلمت رواتر واشتغل النت عندي بس مجبتش رقم الغاء من وي اصلا وعرفت بعدين ان الي كلمني مش تبع وي اصلا وشركه وي رنت عليا وقالتلي النت عندك متاخر ليه يا فندم وهكذه المهم انا هحول من اتصالات وهرجع لوي كده لازم اجيب رقم الغاء ولا مش لازم لاني مجبتش من وي اصلا مستني ردك واسف علي الاطاله

                    إرسال ردحذف
                    • MO3Az
                      MO3Az 2 ديسمبر 2021 في 3:38 م

                      اهلاً بيك ، حضرتك حالياً مشترك في شركة اتصالات ، تقدر تلغي الخدمة و تحول لشركة وي خلال 3 أيام فقط على حسب القرارت الجديدة من الجهاز القومي لتنظيم الاتصالات ، تواصل مع الشركة الخاصه بك و قم بتحويل الى وي.

                      حذف
                    • Unknown
                      Unknown 10 ديسمبر 2021 في 2:57 م

                      مساء الخير انا مشتركه ف انترنت اتصالات ونظام الراوتر بالتقسيط وحبيت الغي الخدمه ودافعه الفواتير بس رفضوا لاني ماكملتش سنه يا اما ادفع ٦٠٠ جنيه مع العلم اني مش عايزه استخدمه خالص اعمل ايه وهما بيجبروني يا ادفع المبلغ يا استمر علي خدمتهم هل انا لو طنشت ومادفعتش فواتير كده هيلغوا الخدمه من نفسهم ولا هتحصل مشكله اكبر

                      إرسال ردحذف
                      • Unknown
                        Unknown 10 ديسمبر 2021 في 3:10 م

                        ومعلش هل لو غيرت رقم الارضي هيتلغي التعاقد ولا هفضل مربوطه بيهم

                        حذف
                        • MO3Az
                          MO3Az 11 ديسمبر 2021 في 9:42 م

                          اهلاً بحضرتك ، فعلاً في حاله الالغاء لازم تدفعي ثمن الراوتر لو معداش على الاشتراك سنه ، ممكن تجربي متدفعيش الفاتورة بالتالي الخدمة هتتعطل عند حضرتك ، قدمي على خط جديد و اشتركي بشركه جديده ، بالتوفيق

                          حذف
                        • Unknown
                          Unknown 15 ديسمبر 2021 في 1:37 م

                          السلام عليكم الغاء الخدمه علشان الباقه بتخلص في 10ايام مع العلم أن دة اول شهر ليا معاكم وكنت اورنج

                          إرسال ردحذف
                          • MO3Az
                            MO3Az 15 ديسمبر 2021 في 3:53 م

                            اهلاً ، وسهلاً يرجي التواصل مع خدمة العملاء لإلغاء الاشتراك بالانترنت المنزلي او التوجه الى اقرب فرع ، بالتوفيق

                            حذف
                          • Unknown
                            Unknown 4 يناير 2022 في 10:34 م

                            لو هقدم ع خدمه جديده وعملت الغاء للتاني ومجاليش مسدج اعمل اي

                            إرسال ردحذف
                            • MO3Az
                              MO3Az 5 يناير 2022 في 11:37 ص

                              اهلاً بلاك ، تواصل مع مزود الخدمة و تأكد من الغاء طلب التقديم بنجاح

                              حذف
                            • Unknown
                              Unknown 5 يناير 2022 في 3:11 ص

                              السلام عليكم بعد اذن حضرتك انا مشترك مع اورانج انترنت منزلي وكنت حابب الغي الخدمة واقدم في فودافون ولما رحت الموظف قالي ماشي بس لازم تدفع غرامة ٣٠٠ جنيه قلتله ازاي وانا دافع قسط الرواتر لمدة سنتين ايه الحل

                              إرسال ردحذف
                              • MO3Az
                                MO3Az 5 يناير 2022 في 11:40 ص

                                اهلاً بيك ، يجب توضيح سبب الغرامة من قبل الموظف في حال سداد جميع الفواتير و الاقساط هل الغرامة موقعة بسبب عدم استكمال العقد بينك و بين الشركة لمدة معينة ام ماذا ؟ ، تواصل معهم مرة آخرى و إذا واجهت مشكلة يمكن تقديم شكوي في الجهاز القومي لتنظيم الاتصالات ، بالتوفيق

                                حذف
                              • Unknown
                                Unknown 5 يناير 2022 في 2:31 م

                                السلام عليكم
                                اشتركت في خدمه فودافونadsl واستلمت الراوتر من شهر ولسه مشتغلش عندى تواصلت معاهم قالو في مشكله عندهم كاتبين الرقم غلط ومش عارفين يصلحوه تواصلت معاهم كتير ومفيش فايدة طلبت أنهى التعاقد قالو ادفع تمن الروتر الغلط من عندهم ومش راضي يستلم الروتر ادفع ليه

                                إرسال ردحذف
                                • MO3Az
                                  MO3Az 5 يناير 2022 في 2:53 م

                                  اهلاً بيك ، تقدر تقدم شكوى في الجهاز القومي لتنظيم الاتصالات قم بزيارة الموقع الرسمي و استخدم ارقام التواصل ، بالتوفيق

                                  حذف
                                • Unknown
                                  Unknown 9 يناير 2022 في 4:07 م

                                  مقدم على نت منزلي شركه وي ولسه مش اتركب بس دفعنا الفلوس ٣٠٠جنيه للباقه والاشتراك
                                  لو عايز الغي الخدمه هل استرد فلوسي

                                  إرسال ردحذف
                                  • MO3Az
                                    MO3Az 10 يناير 2022 في 6:06 م

                                    السلام عليك ، لا اعتقد ذلك و حتي فال الاسترداد لن يتم استرداد كامل المبلغ على حسب العقد و القوانين ، يجب التواصل مع اقرب فرع للمزيد من التفاصيل

                                    حذف
                                  • Unknown
                                    Unknown 10 فبراير 2022 في 2:54 م

                                    حضرتك انا حولت من وي لفودافون نت ولغيت من وي الغاء نهائى وجبت رقم الإلغاء واشتركت في فودافون وبعدين ثلاث اشهر اتصل بيا حد على الرقم المسجل بالخط الارضي في العقد بيقول انه تبع الشئون القانونية لشركه اتصالات ولازم اروح ادفع مبلغ قدره 250 جنيه متاخر عليا في فاتورة النت
                                    هو انا حضرتك مش الغيت الخدمه واشتركت في شركه تانيه ازاى عليا فلوس نت تانى

                                    إرسال ردحذف
                                    • MO3Az
                                      MO3Az 11 فبراير 2022 في 12:31 ص

                                      اهلاً ، مش فاهم ! حضرتك حولت من وي لفودافون اي دخل شركة اتصالات في الموضوع؟ إذا قمت بالتحويل و الخدمة تمام و مفيش مشاكل حاول تستفسر عن سبب الغرامة ! ولو قالك في فاتورة كانت نزلت عليك قولو انا مجددتش و طلبت تغيير و نقل الخدمة تماماً ، اصلاً مش هيوافق على طلب النقل لو عليك اي فواتير ، بالتوفيق

                                      حذف
                                    • Unknown
                                      Unknown 15 فبراير 2022 في 6:46 ص

                                      السلام عليكم. طيب لو قدمت ع تغير تلفون الأرضي هيستغرق وقت قد إيه وهيكون أسرع ف فصل الخدمه وتغير الشركه ؟؟؟

                                      إرسال ردحذف
                                      • MO3Az
                                        MO3Az 15 فبراير 2022 في 1:13 م

                                        اهلا بك ، حاليا حسب اخر التعديلات من الجهاز القومي لتنظيم الاتصالات ، المفروض تستغرق عملية نقل الخط 3 أيام فقط لذا هتكون اسرع من التقديم على خط جديد ، بالتوفيق

                                        حذف
                                      • Unknown
                                        Unknown 6 مارس 2022 في 2:14 ص

                                        طب دلوقتي اخت زوجي كانت مشتركه مع وي و انا روحت اشتركت مع اتصالات من خلاص البرنامج ماي اتصالات و جه الروتر بالقسط و عملت باقه كمان و جت اشغله مرضيش و عرفت انه طلع عليها فاتوره 470 ج ف اعمل ايه ادفهم و الغي الاشترك و لا اغير الرقم الارضي و هل لو عملت كده هينفع اغير الرقم الارضي اللي اتسجل مع الاجرات اللي سجلتها ع المستندات بتاع روتر اتصالات ارجو الافاده ضروري

                                        إرسال ردحذف
                                        • MO3Az
                                          MO3Az 6 مارس 2022 في 1:22 م

                                          اهلاً بيك ، حضرتك بتكلمي على نفس الخط ؟ يعني انتي قدمتي على شركة اتصالات بنفس الخط اللى متقدم في وي ؟ أكيد يا فندم الخط مش هيشتغل الا بعد فصله من وي والمفروض عند التعاقد و قبل تقسيط الراوتر ودفع تمن الباقة كنتي لغيتي الشركة القديمه ، تقدري تعيدي تنشيط الانترنت مع شركة وي عبر دفع الفواتير المستحقة وستعود الخدمة للعمل على الفور ، أما بالنسبة للراوتر اللى حضرتك اشترتيه حاولي تتواصل مع الدعم و تطلبي انك ترجعيه و تلغي اشتراكك ، دا فى حاله انك هتكملي مع نفس الشركة المتعاقد عليها من قبل ، أما لو عايزه تغيري الشركة هتدفعي الفواتير المستحقة بعدين تلغي و تكملي نقل لإتصالات ، بالتوفيق

                                          حذف
                                        • Unknown
                                          Unknown 11 مارس 2022 في 1:55 ص

                                          لو سمحت انا قدمت على خط ارضى وروحت اتعاقد طبعا شركه وى اللى معها تعاقد الارضى وكنت عايزه شركه تانيه لنت لكن شركه وى اجبرتنى إن اشترك معها نت دلوقتى انا دفعت التعاقد الارضى والنت والروتر بالقسط ولسه ما استلمتش الروتر ينفع الغى تعاقد النت ولا كده ادفع حق الروتر حتى لو لسه ما استلمتهوش

                                          إرسال ردحذف
                                          • MO3Az
                                            MO3Az 11 مارس 2022 في 4:52 م

                                            اهلاً وسهلاً بيك ، كان ممكن تقدم على خط ارضي فقط يا فندم وتقدم في شركة إنترنت أخرى اذا كنت تريد ذلك ، سيتم استلام الراوتر مع اقتراب موعد التركيب ، في حال اردت الإلغاء اعتقد هيطلبو منك غرامات و اقساط وهيقولك دا العقد اللى حضرتك وافقت عليه ، تقدر تعمل محاولة عبر الذهاب الى أقرب سنترال ، بالتوفيق

                                            حذف
                                          • Unknown
                                            Unknown 16 مارس 2022 في 3:29 ص

                                            لو سمحت انا روحت استلم الروتر من وى طلعت شركة اورنج حجزت على الخط الارضى عشان كانوا آخذين البيانات وانا كنت متعاقده مع وى بس مفيش خدمه اتفعلت انا دلوقتى انعقدت مع اورنج واستلمت الروتر واتفعلت الخدمه هل يحق لى إن استرد فلوسى من وى والغى التعاقد لان مفيش حاجه اتفعلت من وى

                                            إرسال ردحذف
                                            • MO3Az
                                              MO3Az 16 مارس 2022 في 1:58 م

                                              اهلاً بيكي ، حضرتك تعاقدتي مع شركة وي لانك بتقولي انك روحتي تستلمي الراوتر بعدين هما مفعلوش الخدمة فتعاقدتي مع اورنج تمام ؟ ، معتقدش انك هستردي حاجه بل بالعكس لو قدمتي في وي تاكدي انك مش بينزل عليكي اقساط او في عقد ليكي في الشركة و تأكدي انك طلب التقديم تم الغائه و التراجع عنه ، يمكن زيارة اقرب فرع للتأكد من موظف خدمة العملاء ، بالتوفيق

                                              حذف
                                            • Unknown
                                              Unknown 21 مارس 2022 في 6:50 م

                                              الغاء التعاقد على النت الارضى مع العلم بأن لم استلم الراوتر من شركة اwe وسداد فاتورة الباقة وقسط الراوتر ولم يمر على التعاقد سواضص يوم فقط

                                              إرسال ردحذف
                                              • MO3Az
                                                MO3Az 22 مارس 2022 في 1:57 م

                                                اهلاً وسهلاً بك ، توجه الى اقرب فرع لمتابعة عملية الغاء التعاقد و تقديم طلب على ذلك.

                                                حذف
                                              • Unknown
                                                Unknown 22 مارس 2022 في 12:14 م

                                                اللغاء التعاقد على النت شركة we علما بأن اشتراك حديث فى ٩ مارس وشددت اشتراك التليفون والنت واول قسط الراوتر ولم استلمه

                                                إرسال ردحذف
                                                • MO3Az
                                                  MO3Az 22 مارس 2022 في 1:58 م

                                                  اهلاً بك ، يجب التواصل مع الفرع و تقديم طلب الغاء للخدمة تماماً و توضيح ما اذا كنت تريد الغاء النت فقط ام النت و الخط الارضي

                                                  حذف
                                                • usama
                                                  usama 20 أبريل 2022 في 3:56 ص

                                                  لو سمحت مشترك مع إتصالات واريد تغيير خط الأرضي لرقم آخر في نفس المكان قالوا ما ينفعش طيب أعمل تعاقد جديد وانقل قسط الراوتر على الجديد قالوا برضه ما ينفعش لازم تدفع كل أقساط الراوتر الأول وبعد كده نتعاقد جديد

                                                  إرسال ردحذف
                                                  • MO3Az
                                                    MO3Az 20 أبريل 2022 في 3:56 م

                                                    اهلاً اسامة ، كلام مظبوط يجب عليك دفع جميع الفواتير و الاقساط حتى تتمكن من انهاء التعاقد تماماً ، في حال دفع اقساط الراوتر سيصبح ملكك و يمكن استخدامه على الخط الجديد.

                                                    إرسال ردحذف
                                                    • Unknown
                                                      Unknown 21 أبريل 2022 في 4:00 ص

                                                      حضرتك انا مشترك في اتصالات منذ 3سنين وحبيت اغير الخدمه الي We ومفيش اي اقساط موجوده ولا فواتير عليه
                                                      هل يستغرك وقت طويل لان انا كل اعمالي خلال النت واي مطلوب عشان اغير وشكرا

                                                      إرسال ردحذف
                                                      • MO3Az
                                                        MO3Az 21 أبريل 2022 في 4:28 م

                                                        اهلاً بيك ، حسب اخر تعديلات و قوانين الجهاز القومي لتنظيم الاتصال عملية التحويل بين مزود و اخر بتم خلال 72 ساعة فقط وتقدر تروح اقرب فرع للشركة و تطلب التحويل و تستفر عن المدة المطلوبة ، شكراً

                                                        حذف
                                                      • غير معرف 13 مايو 2022 في 1:27 م

                                                        لوسمحت انا مشترك مع وى من اربع شهور والخدمه رديئه جدا النت عندى بيشتغل يوم وعشره لا كل ما اكلم خدمه العملاء مبيحلش المشكله لو لغيت الاشتراك مع وى وقدمت على شركه تانيه هتتحسن ولا لا مع العلم البنيه التحتيه فى المنطقه متهالكه مفهاش تجديد

                                                        إرسال ردحذف
                                                        • MO3Az
                                                          MO3Az 13 مايو 2022 في 3:41 م

                                                          اهلاً يا صديقي ، هل جربت تسأل جيرانك عن اداء الخدمة عندهم ؟ لو مثلاً المشكلة من وي فممكن تغيير الشركة يكون حل و لكن لو المشكلة من البنية التحتية فعلاً فالتغير لن يفيدك

                                                          حذف
                                                        • غير معرف 14 مايو 2022 في 5:01 ص

                                                          انا كنت مشترك مع شركه وي والتعاقد انتهي وحد كلمني من رقم وي وقالي اني اتعاقد معاهم واتفقت وخدو البيانات تمام والمندوب جالي علشان يسلمني الراوتر مجاني واتعاقد وجالي فعلا واتعاقدت معاه وخدت الراوتر وخد مني ١٤٠جنيه قالي اشتراك الشهر وقالي مكتوب كده ف العقد وفعلا مكتوب المبلغ المهم الخدمه اشتغلت واتفاجئت ان الخدمه بتشتغل قبل الدفع واني مديون بالاشتراك الشهري مع اني دفعتو للمندوب وكلمت خدمه العملاء قالولي لا محدش بياخد فلوس ارجع للمندوب وكلمت المندوب قالي الشركه حصلت منو الفلوس وده يقولي كلم ده وهكذا و اتنصب عليا وعاوز الغي الاشتراك ومش عارف بيقولو حق الراوتر مش رسوم الغاء ولا حاجع وهما كانو قايلين الراوتر مجاني

                                                          إرسال ردحذف
                                                          • MO3Az
                                                            MO3Az 14 مايو 2022 في 2:30 م

                                                            اهلاً وسهلاً بيك ، الراوتر الجديد الخاص بالسرعات الجديدة مش مجاني ولكن بيتم تقسيط ثمنه على مدار كام شهر بمعدل 6 جنيه شهرياً تقريباً ، بالنسبة لإشتراك الشهر المفروض انه بيتم دفعه مقدماً مش بعد انتهاء الشهر ، حضرتك بتقول اني في غلظة انك دفعت الشهر و في فاتورة ثانية ؟ ، تواصل مع المندوب هل اللي حضرتك دفعته دا فاتورة الشهر فعلاً و لا فلوس تقديم او الخ.. ، حضرتك قولت ان الخدمة اشتغلت معني كدا ن فاتورة الشهر فعلاً ادفعت ممكن الفاتورة اللى نزلت عليك خاصة بالشهر الجديد اللي لسا هيبدأ لانها بتنزل قبل ميعاد التجديد بفترة ، على سبيل المثال لو انا بجدد يوم 1 كل شهر: في نص الشهر اللى هوا يوم 15 هلاقي الفاتورة الجديدة على السيتيم و المفروض ادفعها في اي وقت من يوم 15 بس متاخرش عن ميعاد التجديد علشان الخدمة متوقفش.

                                                            حذف
                                                          • غير معرف 15 مايو 2022 في 7:13 ص

                                                            السلام عليكم قمت لغيت إشتراك الانترنت المنزلي عن طريق تطبيق ماى وى وأريد إسترجاع الخدمه مره أخري ماهى الطريقه

                                                            إرسال ردحذف
                                                            • MO3Az
                                                              MO3Az 15 مايو 2022 في 8:04 م

                                                              اهلاً بك ، تواصل مع الدعم الفني على ارقام التواصل الرسمية من اي خط ارضي او هاتف محمول ، كما يمكنك التواصل معهم عبر الإنترنت باستخدام تطبيق ماي وي

                                                              حذف
                                                            • غير معرف 15 مايو 2022 في 10:22 ص

                                                              مشترك فى انترنت ارضى مع وى استخدم عند وجودى فى القاهرة ممكن توقيف الاشتراك مؤقتا وتجديدة عند الرجوع عن طريق الانترنت، وماهى المدة المسموح بها التوقيف قبل الاعضاء

                                                              إرسال ردحذف
                                                              • MO3Az
                                                                MO3Az 15 مايو 2022 في 8:05 م

                                                                اهلاً ، لا تقوم بدفع اشتراك الانترنت و بمجرد الرجوع الى القاهرة قم بدفعه ثم تحدث معهم لتفعيل الخدمة مجدداً ، حسب تجربتي يمكن البقاء طويلاً في حال عدم دفع الفاتورة ثم بعد دفعها يمكن تفعيل الخدمة بمجرد الاتصال على خدمة العملاء.

                                                                حذف
                                                              • غير معرف 16 مايو 2022 في 9:18 م

                                                                دلوقتي عاوز الغي التعاقد مع we و احول لي اورانج ف هل هبقا تبع سنترال we برضو ولا لما احول لي اورانج هبقا تبع السنترال

                                                                إرسال ردحذف
                                                                • MO3Az
                                                                  MO3Az 18 مايو 2022 في 2:12 م

                                                                  اهلاً بك ، الخط الارضي هيكون تابع للسنترال و شركة وي ولكن الإنترنت المنزلي هيكون تبع شركة اورنج

                                                                  حذف
                                                                • غير معرف 30 مايو 2022 في 5:56 م

                                                                  قدمت على خط ارضى تم بالفعل التوصيل الخط الارضى وتم اشترك فى النت وعدم منحى رواتر بالقسط على أن اشترى رواتر كاش بدون قسط

                                                                  إرسال ردحذف
                                                                  • MO3Az
                                                                    MO3Az 31 مايو 2022 في 3:15 م

                                                                    اهلاً بيك ، سمعت ان نظام التقسيط لم يعد متوفر في الفترة الأخيرة و يجب شراء الراوتر كاش فعلاً

                                                                    حذف
                                                                  • غير معرف 30 مايو 2022 في 6:08 م

                                                                    انا عايز انقل الخط الارضى لسكن جديد وانا مشترك انترنت منزلى من اورانج على هذا الخط ودافع ثمن الراوتر بالكامل فلو اخذت خط جديد كيف انقل الانترنت عليه وهل عليه رسوم . وشكرا

                                                                    إرسال ردحذف
                                                                    • MO3Az
                                                                      MO3Az 31 مايو 2022 في 3:16 م

                                                                      اهلاً بيك ، يفضل انك تنقل نفس الخط للسكن الجديد ، هتروح الشركة تقدم على طلب نقل للخط الارضي و هيتم نقل الخط و تركب الراوتر بشكل طبيعي جداً وشرحنا اجراء النقل في مقالة سابقة قم بزيارة قسم الإنترنت للإطلاع عليها

                                                                      حذف
                                                                    • غير معرف 5 يونيو 2022 في 10:30 ص

                                                                      ماذا يحدث في عدم دفع اشتراك النت الأرضي لمده اربعه اشهر وهل ستعود الخدمة سريعا في حالة الدفع بعد هذه المدة وشكرا

                                                                      إرسال ردحذف
                                                                      • MO3Az
                                                                        MO3Az 6 يونيو 2022 في 11:19 ص

                                                                        اهلاً وسهلاً بيك ، ستتوقف الخدمة عن العمل و بالتالي ايضاً الانترنت هيوقف لانه مرتبط بالخط الارضي ، نعم ستعود الخدمة للعمل بمجرد دفع الفاتورة و التحدث الى خدمة العملاء لتنشيط الخدمة مجدداً

                                                                        حذف
                                                                      • غير معرف 15 يونيو 2022 في 3:17 م

                                                                        لو سمحت انا مشترك في وي وهلغي الاشتراك وهقدم في اورانج وكنت واخد الراوتر الجديد بنظام القسط هو حاليا في ٢٠ سبعة هيكمل سنتين كده لو لغيت وي هياخدوا الراوتر القديم ولا هيدفعوني فلوس غرامة

                                                                        إرسال ردحذف
                                                                        • MO3Az
                                                                          MO3Az 16 يونيو 2022 في 2:21 م

                                                                          اهلاً ، عند الغاء الاشتراك يجب دفع جميع المبالغ المستحقة منها المتبقي من قسط الراوتر ـ يمكن التأكد من المبلغ عبر التحدث الى احد ممثلي خدمة العملاء

                                                                          حذف



                                                                        وضع القراءة :
                                                                        حجم الخط
                                                                        +
                                                                        16
                                                                        -
                                                                        تباعد السطور
                                                                        +
                                                                        2
                                                                        -