القائمة الرئيسية

الصفحات

تغيير اعدادت الdns والاي بي للكمبيوتر

ازاي تغيير الdns فى الويندوز 10 على الكمبيوتر وتغير اعدادات الدي ان اس فى ويندوز 8
تغيير الاي بي الخاص بك ip شرح بالتفصيل..
تغيير الاي بي على الكمبيوتر بسهولة شرح مفصل


-ازاي تغير الip الخاص بك وايضا تغيير اعدادات الdns على الكمبيوتر الخاص بك..سواء الكمبيوتر بتاعك ويندوز 10 او ويندوز 8 .. او حتي ويندوز سفن ..الطريقه مش بتختلف كثيرمن ويندوز لآخر .. ممكن تكون عايز تغير الاي بي بتاعك او اعدادات الدي ان اس .. لدي ان اس جوجل مثلا .. بسبب بعض المشاكل او بسبب انك عايز تثبت الاي بي الخاص بيك على اي بي معين .. 

-طريقة تغيير الاي بي على الكمبيوتر والدي ان اس سهلة جدا ومفهاش اي تعقيد.. وهي عبارة عن خطوتين من الشبكات وممكن تغير الاعدادات دي من الروتر برضوا ولكن مقال اليوم هنتكلم على الكمبيوتر والويندوز .. 

طريقة تغيير اعدادات الdns والاي بي ip للكمبيوتر ؟ 

اول حاجه افتح الشبكة او Network  ودي عبارة عن ايقونة بتكون تحت ايقونة ماي كمبيوتر My Computer او This Pc وبيكون اسمها الشبكة لو انت الويندوز بتاعك عربي او اسمها  Network لو الويندوز بتاعك انجلش عادي ..

لو الايقونة دي مش ظاهرة على سطح المكتب فممكن تظهر الايقونة عن طريق كلك يمين على سطح المكتب واختار اخر خيار وهوا تخصيص هتلاقي على الجنب Descktop icon .. حدد منها الNetwork واضغط موافق هتظهر الايقونة .. افتح واختار Change adapter options..

ازاي اغيير الدي ان اس للكمبيوتر

او اكتب فى البحث Network .. هيظهر ليك View network connection اضغط عليها .. لو انت فاتح انترنت من اللاب توب بيكون عندك علامة جهازين فى القائمة دي  internet و Wifi  ..  واحده بس منهم اللى شغاله بتضغط عليها كلك يمين وتختار Propreites وفى حالتي مثلا انا فاتح من الواي فاي :
ازاي اغير الاي بي بتاع الكمبيوتر

هتظهر ليك نافذه روح على خيار Internet Protocol Version 4 (TCP/IPv4) 
واضغط مرتين على الخيار هتفتح نافذه آخري..
عايز اغير اعدادات Dns و ip

هنقسم النافذه دي على جزئين .. 
الجزء الاول هوا الجزي اللى فوق عبارة عن ثلث خانات دول بتوع تغيير عنوان الاي بي.. 
الاولي بتكتب فيها عنوان اي بي الروتر وفى اخر رقم بتكتب عنوان الاي بي بتاع جهازك .. 
مثلا لو الاي بي بتاع الروتر بتاعك 192.168.1.1 ودا الغالب 
هفرض مثلا اني هدي الكمبيوتر بتاعي اي بي 100 يبقا اول خانه هكتب فيها
 192.168.1.100 تمام كدا ؟ 
الثانية بتسيبها زي ما هيا اول ما بتحول ليها بتلاقي اتكتب فيها  255.255.255.0
الثالثة بتكتب فيها عنوان الاي بي بتاع الروتر بتاعك نفسه يعني هكتب فيها 192.168.1.1

الجزء الثاني ودا اختياري يعني ممكن تسيبو يسحب dns لوحدو او تحدد انت dns يعني الجزء دا الخاص بتغيير اعدادات الdns 
والجزء دا عبارة عن خانتين .بتكتب  فيها عنوان الdns اللى انت عايز تشتغل عليه .. 
فمثلا ممكن اكتب الdns بتاع جوجل  وهوا اني اكتب 8.8.8.8 وفى الخانة الثانية 8.8.4.4 

كدا تكون قادر تغير عنوان الاي بي واعدادات الdns على الكمبيوتر بسهولة تامة .. 

متنساش تتابعنا على فيسبوك  و تويتر
لو عندك مشكله متترددش فى ترك تعليق او التواصل معنا
دمتم بخير
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي