تقسيم شاشة الهاتف والتابلت - عرض تطبيقين في نفس الوقت

تقسيم شاشة الموبايل الاندرويد الى نصين 10 .. الايفون ..سامسونج m a وهواوي وشاومي واوبو 9  .11
تقسيم شاشة الموبايل والتابلت


-الاندرويد بيحتوي على مزايا كثير مش موجوده في الانظمه الثانية .. فمثلا الميزة اللى هنكلم عليها النهارده مش متاحة على الايفون IOS وهيا ميزة تقسيم الشاشة لجزئين وانك تقدر .تفتح تطبيقين فى نفس الوقت وتستخدمهم على شاشة الموبايل بتاعك .. سواء بقا نوع موبايلك سامسونج او هواواي او شاومي او انفنيكس .. او اوبو او ريلمي .. او بوكو او هونر ..اياً كان نوع موبايلك المهم انو شغال بنظام اندرويد ونظام جديد يعني اصدار مش قديم وفيه الميزه بتاعت Split Screen .. 

 

هنوضح طريقه تقسيم الشاشة فى كل واجهه و شركه فمثلا احيانا بتكون طريقه تقسيم الشاشة فى سامسونج مختلفه مثلا عن هواوي وعن شاومي واوبو وريلمي .. ودا ممكن يرجع لان كل شركه بتستخدم واجهه خاصه بيها فى موبايلاتها وبتعدل فى الاختصارات ..طريقة التابلت نفس طريقة الموبايل لانو شغال بنفس الواجهه لكل شركة


تقسيم شاشة الموبايل فى شاومي MIUI.

فى موبايلات شاومي وفى واجهه miui بتقدر تشغل تطبيقين مع بعض بسهولة عن طريف زر اغلاق التطبيقات .. الزر اللى انت بتقفل منه التطبيقات من الخلفية اضغط عليه هتلاقي تقسيم الشاشة فوق فى الاعلي ودي صورة للتوضيح :

تقسيم شاشة الموبايل والتابلت


تقسيم شاشة الموبايل فى هواوي EMUI :

بتقدر تشغل تطبيقين مع بعض فى موبايلات هواوي عن طريق افتح اي تطبيق وبعد ما تفتح التطبيق عشان تضيف تطبيق تانى بتعمل حاجه من الاثنين:

  1. اضغط على زر قفل التطبيقات مطولاً.
    الزرار اللى انت بتقفل منه التطبيقات اللى شغاله فى الخلفية اللى بيبقي على شكل مربع وانت مشغل التطبيق دول عليه مطولاً هيتم تصغير التطبيق فى نص الشاشة وهتختار تطبيق تاني تفتحه معا.
  2.  وانت فاتح اي تطبيق اسحب بثلث صوابع من نص الشاشة.
  3. عن طريق السحب ناحية اليسار بظهر صابعك.

صور لتوضيح كل الطرق بالترتيب : 

تقسيم شاشة الموبايل والتابلت
تقسيم شاشة الموبايل والتابلت
تقسيم شاشة الموبايل والتابلت

تقسيم شاشة الموبايل فى اوبو ColorOS:

طريقة تشغيل تطبيقين فى واجهة وموبايل اوبو مشابهة لطرق هواوي .. فكل اللى انت هتعمله انك هتفتح تطبيق معين ولو عايز تفتح تطبيق ثاني .. هتضغط على زر اغلاق التطبيقات اللى شكله مربع مطولاً .. هتلاقي الشاشة تم تقسيمها .. وتقدر تضيف تطبيق ثاني تشغله فى نفس الوقت .. 

 

تقسيم الشاشة في هواتف سامسونج:

لو عايز تشغل تطبيقين فى واجهه سامسونج سواء موبايلك من سامسونج فئة a . او فئه m او موبايل فئه عالية .. فالطريقه سهلة ولكن ممكن تكون مختلفة شويا ..موبايل سامسونج.

 

هتفتح التطبيقين اللى انت عايز تشغلهم مع بعض بمعني انهم يكونو شغالين في الخلفية .. وتضغط على الزرار اللى بتقفل منه التطبيقات اللى شغاله فى الخلفية ولكن متقفلش التطبيقات .. هتضغط على تطبيق من الاثنين فى شاشة ادارة التطبيقات اللى شغاله دلوقت هيظهرلك اعدادات اختار منها تشغيل فى وضع تقسيم الشاشة .. 

 

هتلاقي الشاشة بقت نصين واختار فى النص التاني التطبيق الآخر .. وكدا يبقا انتا شغلت تطبيقين فى وقت واحد على موبايلات سامسونج . ودي صورة للتوضيح ..

تقسيم شاشة الموبايل والتابلت

تقسيم الشاشة الي نصين فى انفنيكس:

لو عايز تشغل تطبيقين وتفتح تطبيقين على موبايل انفنكس فالطريقة بسيطة .. 

افتح التطبيقات اللى انت عايو تشغلها فى الخلفية بمعنى انها تكون مفتوحه .. وبعد كدا اضغط على الزر اللى بتقفل منو التطبيقات اللى شغاله فى الخلفيه بس متقفلش التطبيقات .. اضغط على تطبيق من الاثنين مطولاً واسحبه لاعلي الشاشة فوق هتلاقيه بقا فى نص الشاشة اللى فوق .. اختار تطبيق فى النص الثاني .. وكدا تكون شغلت تطبيقين لعى موبايلات انفنكس.


 

وصلنا لنهاية الموضوع بعد توضيح طريقة تقسيم الشاشة في الهاتف او التابلت الذي يعمل بنظام الاندرويد ، يمكن مشاهدة مواضيع اكثر عبر زيارة قسم اندرويد ، تابعنا على فيس بوك و تويتر ليصلك الجديد ، ويمكنك زيارة الصفحة الرئيسة للإطلاع على المواضيع الجديدة.

MO3Az
بواسطة : MO3Az
مؤسس موقع متطور ,أحب متابعة وتجربة جديد الشركات واقدم بعض الشروحات الخاصه بالكمبيوتر والهواتف ايضاً ♥
تعليقات



حجم الخط
+
16
-
تباعد السطور
+
2
-