- عايز تعمل روت لموبايلك الاندوريد ؟ .. الروت عبارة عن الوصول لاوامر وصلاحيات مش بتكون متاحه ليك كمستخدم عادي .. ودايماً منصحكش انك تعمل روت لموبايلك الا اذا كنت عارف انت بتعمل اي .. لكن كمستخدم عادي مفيش اي داعي يخليك تعمل روت .. فى بعض التطبيقات اللى بتطلب صلاحيات روت وعلشان كدا بتكون عايز تعمل روت للموبايل بتاعك.
طريقة عمل روت لموبايلك اصبحت سهلة عن زمان بكثير .. فالموضوع بقا متاح ليه تطبيقات تقدر من خلالها تعمل روت بضغطه واحده فى التطبيق وهنذكر بعض التطبيقات في المقال.. طبعاً الروت ليه ايجابيات وليه سلبيات .. ودا بيتحدد على حسب انت بتعرف تستخدم او محتاج الروت او لا .
الروت يمكن ازالته واتكملنا فى مقال سابق عن طرق ازالة الروت نهائياً من الموبايل.. ودا يعتبر مميزة ممتازة من مميزات الاندوريد .. مقارنه باي نظام تشغيل تاني اللى بيكون صعب تعمل ليه روت وفى نفس الوقت صعب تلغيه الا اذا كنت خبير وعندك شويا خبرة فى عالم الموبايلات.
طريقة عمل روت لاي موبايل اندوريد ؟
- عن طريق تطبيقات الروت "الطريقة الافضل"
- يدوياً عن طريق نقل بعض الملفات.
- عمل روت بالكمبيوتر للاندوريد.
وهنتكلم النهاردة عن افضل وأمن طريقة تعمل بيها روت لموبايلك وهيا تعتبر طريقة التطبيقات .. ودا لانها سهلة مش محتاجه منك اي خيرة او نقل ملفات او تعامل مع الموبايل داخلياً .. وايضاً سهلة جداً فى الازالة وخلي بالك قبل ما تعمل روت:
- لن تفقد اي ملفات من الذاكرة او جهات اتصال.
- هتخسر الضمان الخاص بالموبايل بتاعك.
- تقدر تلغي الروت وصلاحيته من الموبايل.
افضل تطبيق عمل روت لجميع هواتف الاندرويد.
- كينج Root.
- كينجو Root.
- Root ماستر.
- 360 Root.
- iRoot.
- Frama Root.
- Root Genius.
- Baidu Root
روابط التحميل متاحة لكل التطبيقات .. مع الوصف للبعض منها.
استخدام برنامج كينج روت King Root.
تطبيق كينج روت مشهور جداً فى موضوع عمل روت للموبايلات الاندوريد .. تقدر تعمل الروت بضغطه واحده فقط ولكن.. التطبيق مش بينجح طبعاً مع كل انواع الموبايلات نسبه نجاحه 80-90% .. تقدر تحمل كينج روت من هنا ، بعد تحميل التطبيق هتقوم بتثبيته .. وتفتحه واختار try Root.
تحميل تطبيق كينجو روت Kingo Root.
تطبيق كينجو روت بيدعم موبايلات كثيرة وتقدر تعمل روت للموبايل بتاعك من عليه عن طريق ضغطه واحده .. وفعال جداً مع الموبايلات اللى شغاله باندوريد اصدار 5.0 و 1.5 .. وتقدر تحمل كينجو روت من هنا.
تطبيق روت للأندرويد Root Master.
تنزيل روت لموبايلك بطريقة آمنه وعن طريق ضغطه زر واحدة .. التطبيق مجاني ومفيش فيه اي اعلانات.. تقدر تحمل تطبيق روت ماستر من هنا.
برنامج عمل روت 360 root القديم.
تطبيق ممتاز جداً بيدعم الموبايلات من اصدار1.6 الى الاعلي .. بس التطبيق دا بيكون فعال مع الموبايلات القديمه لانو تطبيق ليس حديث .. بمعني انو مش هينجح فى عمل روت للموبايلات الجديده واللى تم اصدارها حديثاً فى الاسواق.
تطبيقات أخرى لعمل روت على هواتف الاندوريد.
اضغط على اسم التطبيق هيحولك لصفحه التحميل تقدر منها تحميل ملف apk.وكدا نكون ذكرنا افضل التطبيقات اللى تقدر تعمل بيها روت لموبايلك الاندوريد بدون استخدام الكمبيوتر.
