القائمة الرئيسية

الصفحات

ازالة وحذف الروت من الموبايل والتابلت

ازالة وحذف الروت نهائياً من الموبايل او التابلت .. طريقة الغاء ومسح الروت من الاندوريد .. بدون برامج.
ازالة وحذف الروت نهائياَ من الموبايل

- كمستخدم لنظام اندوريد بمميزاته الكثير ممكن تكون عايز تجرب تصريحات واذونات اكثر عن طريق عمل روت للموبايل بتاعك او التابلت .. في طرق كثيرة جداً ممكن تعمل بيها روت وطبعا الميزة انك تقدر تلغي الروت دا تاني .. الروت بقا سهل جداً وحاليا ممكن موبايلات كثيرة تعلمها روت عن طريق تطبيقات معينة زي King Root او Magisk.

تقدر تلغي الروت من موبايلك او التابلت الخاص بيك بطرق كثيرة .. منها استخدام تطبيقات بنفس الطريقة اللى بتعمل بيها الروت .. او لو عملت روت عن طريق نقل ملفات معدلة تقدر تزيل الروت عن طريق الملفات دي .. وهنتكلم فى المقال عن اكثر من طريقة تقدر بيهم تحذف الروت نهائياً من موبايلك.

طريقة الغاء والزالة الروت نهائياً من موبايلك:

  1. ازالة الروت عن طريق SuperSu.
  2. ازالة الروت باستخدام تطبيق.
  3. حذف الروت عن طريق مدير الملفات.
  4. حذف الروت بالتحديثات.


-ازالة الروت عن طريق تطبيق SuperSU.

معظم المستخدمين اللى بياخدو تصاريح الروت بيكون عن طريق تطبيق SuperSU .. 
ومن ضمن مميزات التطبيق انك تقدر تلغي الروت على موبايلك.
حذف الروت من تطبيق Supersu

الموضوع ببساطة انك تفتح التطبيق SuperSU .. واختار الاعدادات Setting 
انزل لتحت خالص وهتلاقي خيار اسمه " Full Unroot " اضغط عليه 
بعد الانتهاء من الخطوة دي .. اعمل اعادة تشغيل لموبايلك وكدا تم ازالة الروت من الموبايل او التابلت الخاص بك .

-ازالة  وحذف الروت باستخدام تطبيق .

مش بتستخدم برنامج SuperSU ؟ .. لسا فى طريقة ممكن تلغي الروت من موبايلك عن طريق انك تنزل تطبيق متخصص في انو يلغي الروت من الموبايل .. المشكلة الوحيده ان التطبيقات دي مش بتشتغل على كل الموبايلات . 
حذف الروت والغائه باستخدام تطبيق

من اشهر التطبيقات اللى بتلغي الروت من موبايلك تطبيق Universal Unroot .. واللى بتقدر من خلاله تمسح ملفات الروت و اي حاجه تخصه من على موبايلك .. بس زي ما قولتلك ان التطبيق مش بيشتغل مع موبايلات . فنسبه نجاح الطريقة دي فى ازاله الروت  ليست  100 % .

-الغاء الروت عن طريق مدير الملفات .

زي ما شرحنا قبل كدا ان ممكن تعمل الروت بانك تنقل بعض الملفات على موبايلك .. الروت عموماً هوا عبراة عن بعض الملفات الزيادة على نظامك  لو تخلصت من الملفات دي .. تقدر تلغي صلاحيات الروت من موبايلك.

الغاء الروت عن طريق مدير الملفات

افتح مدير الملفات فى موبايلك وادخل علي مجلد system  ثم مجلد bin 
امسح مجلد busybox و su   .. لو انت ملقتش المجلدات او الملفات دي هنا . 
ارجع لمجلد System واختار xbin وممكن تلاقي الملفات فى المجلد دا وامسحهم.
ارجع لمجلد System واختار app وامسح منو superuser,apk .
اعمل اعاده تشغيل للموبايل او التابلت.

-الغاء الروت عن طريق التحديثات.

طبعا الروت بيلغي التحديثات اللى بتنزل للموبايل بتاعك ودا كلام سليم .. ولكن انت ممكن تنزل التحديثات لموبايلك بطريقة يدوية ... وعند تنزيل تحديث لموبايلك وتثبيته فان التحديث دا هيلغي كل تصاريح واذونات الروت من الموبايل بتاعك .

طريقة ازالة الروت بالتحديثات

فملفات التحديثات فى الغالب بتكسر تأثير ملفات الروت ولكن المشكلة .. انك هتستني لحد ما ينزل تحديث لموبايلك و كمان تنزله وتثبته يدوي .. ومتنساش تمسح اي تطبيقات ليها علاقه بالروت من علي موبايلك.


وبيفضل دايماً انك لما تعمل روت لموبايلك يكون باستخدام تطبيقات عشان ازالته بيكون اسهل . 
تابعنا على فيسبوك وتويتر 
دمتم بخير
هل اعجبك الموضوع؟
MO3Az
MO3Az
مهندس مدني إنشائي مهتم بالكتولوجيا ,أحب متابعة وتجربة جديد الشركات واقدم بعض الشروحات الخاصه بالكمبيوتر والهواتف ايضاً ♥

تعليقات