القائمة الرئيسية

الصفحات

فشل وجاري الحصول على عنوان IP والحل ؟

حل مشكلة جاري الحصول على عنوان الشبكة ip ..و Failed To Obtain IP Address.
فشل وجاري الحصول على عنوان IP والحل ؟

- اندوريد يعتبر اكثر نظام تشغيل يتم استخدامه على الموبايلات حالياً .. مقارنة مع اي نظام تشغيل آخر .. لو انت من مستخدمي اندوريد ممكن يحصل معاك مشكلة لما تحاول تتصل بشبكة واي فاي .. وهيا عند الاتصال بيظهرلك جاري الحصول على عنوان ip ولكن بعد ثواني بيظهرلك فشل الحصول على العنوان او بيفضل الموبايل معلق على جملة.."جاري الحصول على عنوان اي بي " بدون اي تغير.

هنتكلم عن اسباب مشكلة الاتصال بالواي فاي فى الاندويد اللى ممكن تكون من الراوتر او الموبايل .. وظهور الرسالة دي وايضا طرق الحل المتوفرة للمشكلة دي.

كيفية حل مشكلة فشل الحصول على عنوان IP بالاندوريد:

  1. اعادة تشغيل خدمات جوجل بلاي.
  2. نسيان الشبكة واعاده الاتصال بها.
  3. استخدام IP ثابت.
  4. اعاده تشغيل الراوتر.
  5. اعاده تسيمة الموبايل.
  6. اعاده ضبط المصنع.

-اعاده تشغيل خدمات جوجل بلاي.

خدمات جوجل بلاي بيتم استخدامها على موبايلك فى كثير من الوظائف .. فعشان كدا اول حاجه تجرب تعملها انك تعمل اعاده تشغيل لـ google play services.
افتح الاعدادات >> التطبيقات 
اكتب فى البحث google play services .
اضغط على التطبيق عند ظهوره فى البحث واختار ايقاف اجباري ومسح الذاكرة المؤقتة Clear Cache.
جاري الحصول على عنوان اي بي

-نسيان الشبكة Forget Network.

ممكن حل مشكلة الحصول على عنوان اي بي فى الاندوريد عن طريق اعاده الاتصال بشبكة الواي فاي..اضغط على خيارات جانب اسم شبكة الواي فاي واختار نسيان الشبكة او Forget Network ... انتظر ثواني قبل الاتصال مجدداً 
اضغط على شبكة الواي فاي و اكتب الرقم السري وجرب الاتصال مرة آخري.
حل مشكلة فشل الحصول على عنوان اي بي

-استخدام اي بي ثابت.

ممكن تستخدم اي بي ثابت و تتجنب عمليه الحصول على عنوان اي بي تلقائي .. ودا عن طريق انك تضغط على اعدادات جانب اسم الشبكة وفى خانه الاي بي اختارثابت او Static ..
هيظهر ليك اربع خانات .. 
اكتب فى الاولي الاي بي الخاص بك كمثال 192.168.1.100
حل مشكلة الاتصال بشبكة الواي فاي اندوريد

-اعاده تشغيل الراوتر.

مشكلة الحصول على اي بي تلقائي احياناً بتبقا مشكلة فى الراوتر فمثلا ممكن الراوتر بتاعك معلق او فيه مشكلة.. جرب تعمل اعاده تشغيل للراوتر عن طريق صفحه الاعدادات 192.168.1.1 او عن طريق زر الباور الموجود فى الراوتر نفسه .. 
لا يمكن الحصول على عنوان اي بي اندوريد

انتظر بعض الدقائق قبل ما تفتح الراوتر مرة آخري .. ويستحسن انك كل فترة تقفل الراوتر شويا كنوع من الراحه.

-اعادة تسمية الموبايل.

اعاده تسمية الموبايل احياناً بتنجح فى حل مشكلة الحصول على عنوان اي بي وفشلها.. مستخدمين كثير جربوا الطريقة دي وتم حل المشكله معاهم وعلشان تقدر تغير اسم الموبايل الخاص بيك بسهولة.
  • افتح الاعدادات و انتقل الى عن الهاتف.
  • فى خانه اسم الهاتف اضغط عليها
  • اكتب اي اسم تفضله واضغط على حفظ.
failed to obtain ip address

-اعاده ضبط المصنع.

لو فشلت كل المحاولات السابقة فى حل مشكلة فشل الحصول على عنوان اي بي على موبايلك الاندوريد .. فتقدر تجرب آخر حل وهو عمل اعاده ضبط مصنع للموبايل بتاعك وخلي بالك انك هتفقد كل التطبيقات الموجوده على الموبايل وكمان الصور والملفات لو انت اخترت دا.. 
فخد نسخه احتياطية من الملفات والحاجات المهمه اللى على الموبايل قبل ما تعمل اعاده ضبط مصنع.
افتح الاعدادات واختار النظام وبعدين اعدادات متقدمة ثم اعاده ضبط المصنع.
او استخدم البحث الموجود فى الاعدادات  واكتب اعاده الضبط.
obtain ip address error android

تابع المدونة من اليسار للمزيد 
تابعنا على فيسبوك وتويتر 
دمتم بخير ♥
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي