القائمة الرئيسية

الصفحات

تثبيت الشاشة وعدم الخروج من التطبيقات

طريقة منع الخروج من التطبيق وتثبيت الشاشة فى موبايلات اندرويد. هواوي وسامسونج وشاومي.
تثبيت الشاشة على سامسونج وهواوي وشاومي.

-اذا كنت مستخدم لنظام اندرويد تقدر تستمع بمميزات كثيرة فنظام اندرويد يعتبر من اكثر الانظمه التى تحتوي على خيارات كثيرة وحرية أكبر للمستخدمين .. وهنكلم النهارده على ميزة فى ناس كثير بتستخدمها وهيا تثبيت الشاشة على الموبايل .. بمعني انك ممكن تفتح تطبيق معين وتعمل تثبيت للشاشة عليه .. اذا اديت الموبايل الخاص بك الى طفل يلعب او غيره مش هيقدر يطلع من التطبيق ويفتح تطبيق آخر.

الميزة موجوده على بعض الواجهات من بعض الشركات مثل سامسونج وهواوي .. واحياناً لن تكون موجوده فى بعض الواجهات مثل واجهه شاومي ولكن فى بعض التطبيقات والطرق .. بتقدر من خلالها تشغل تثبيت الشاشة على موبايلات شاومي ولكن مش بوضع كامل وهنذكر كل الطرق فى المقال.

هنقسم المقال الى مرحلتين .. المرحلة الاولي وهيا طريقه تشغيل تثبيت الشاشة ببساطة لو موبايل عليه الميزة دي هتلاقيها وهتشتغل معاك بدون اي مشاكل لو انت سامسونج مثلاً .. والمرحلة الثانية هيا ذكر بعض الطرق للواجهات اللى مفهاش الخاصيه دي ومش عارف تشغلها عليها.

طريقة تثبيت الشاشة ومنع الخروج  من التطبيق فى الاندرويد.

  1. افتح الاعدادت >> الامن Secuirty.
  2. تحت اعدادات أمن آخري .
  3. هتلاقي خيار تثبيت الشاشة قم بتفعيله.
  4. الان حدد اي تطبيق هتلاقي علامة المشبك Pin.
  5. عند الضغط عليها سيتم تثبيت التطبيق على الشاشة.
  6. للخروج من تثبيت الشاشة اضغط على زر الرجوع + زر ادارة التطبيقات.
ملحوظة: زر ادارة التطبيقات هو الزر اللي بيكون شكله مربع اللى بتقدر من خلاله تقفل التطبيقات المفتوحه حالياً واللى شغاله فى الخلفية.. ايضاً عن الطريق الزر دا تقدر تضغط شويا على اي تطبيق ويظهرلك خيار تثبيت.
طريقه تشغيل تثبيت الشاشة ومنع الخروج على اندرويد

تثبيت الشاشة على موبايلات شاومي وهواوي.

اذا كان واجهة موبايلك لا يوجد فيها تثبيت الشاشة فى الاعدادات .. ممكن تستخدم تطبيق بيوفر ليك نفس الميزة وهيا فتح تطبيق معين وعدم الخروج منه ويوجد تطبيقات مجانية على متجر جوجل بلاي منها.

 ولكن التطبيقات المتاحة على جوجل بلاي مش دايماً هتشتغل معاك فهنشرح طريقة فى الاول هتشغل تثبيت الشاشة على موبايلات شاومي ولكن ليس بوضع كامل للشاشة.
  • حمل تطبيق Setting Database Editor.
  • افتح التطبيق واختار System tab  واعمل Add New Setting.
  • اكتب  lock_to_app_enabled واختار حفظ.
  • دلوقتي هيسألك عن القيمة Value  اكتب 1 للتفعيل و 0 لالغاء التفعيل.
  • دلوقتي تقدر من ادارة التطبيقات تعمل تثبيت للتطبيقات.
  • للخروج من وضع تثبيت الشاشة اضغط على زر الباور+زر الهوم "اللى فى النصف".
ملحوظة: لا تستخدم خاصيه تثبيت التطبيقات فى وضع ملىء الشاشة اللى هوا الوضع اللى بدون زراير اسفل الشاشة .. "وضع الايمئات" لانه ممكن يسبب مشاكل ومش هتقدر تخرج من التطبيق .. تقدر تعطل الخاصيه بنفس الطريقه وتكتب فى القيمة 0.

بالنسبه للتطبيقات اللى ممكن تشغلها من على جوجل بلاي لتثبيت الشاشة.

شخصياً التطبيقات لم تعمل معي ولكن الطريقه اللى شرحتها مجربه وتعمل ولكن لا تستخدم معها وضع ملىء الشاشة .. تابع من هنا للمزيد.

تابعنا على فيسبوك وتويتر 
دمتم بخير ♥ . 
هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي