- عندك مشكلة مع الواي فاي فى موبايلك ؟ فى بعض الطرق اللى ممكن تعلمها عشان تحل مشكلة تعطل الواي فاي في موبايلك الاندوريد .. كل طريقة ممكن تاخد منك دقايق بسيطة علشان تعملها .. فانت ممكن تجرب كل الطرق الموجوده لحل مشكلة الواي فاي في موبايلك.
نبدأ بالكلام على بعض الاساسيات اللى بالنسبالك ممكن تكون حاجات واضحة جداً.. يعني اتأكد انك مشغل الواي فاي مثلاً ومش مفعل وضع الطائرة اللى ممكن يمنع او يفصل موبايلك لو كان متصل بالواي فاي.. واتأكد مثلا لو عندك اكثر من روتر في البيت انك متصل بالراوتر الصحيح .. او حتي جرب انك تتصل براوتر جيرانك او صديقكك مثلا .
حل مشكلة الواي فاي لا يعمل على الموبايل:
- اغلاق البلوتوث و تشغيل الواي فاي.
- اعاده تشغيل الموبايل والراوتر.
- طرق آخري لحل مشكلة الواي فاي.
-اقفل البلوتوث لو الواي فاي لا يفتح.
البلوتوث احياناً بيحب يتعارض مع الواي فاي بسبب ارساله اشارة بحوالي 2.4GHz .. احياناً البوتوث بيكون سبب فى قطع اتصال الواي فاي بالكامل وفي بعض الحالات الثانية ممكن يقلل السرعة بصورة واضحة.
والمشكلة دي ممكن يتم حلها عن طريق الراوتر بتحويله الي 5GHz .. فلو انت فاتح البلوتوث والواي فاي مش شغال على موبايلك جرب تقفل البلوتوث وتجرب لو اشتغل تمام .. يبقي الحل انك تغير الراوتر من 2.4 الي 5 Ghz زي ما شرحنا.
اعاده تشغيل الموبايل والراوتر.
دي طريقة معروفه ممكن تحل ليك اكثر من مشكله تقنية .. ابدأ اول باعاده تشغيل الراوتر شيل فيشة الراوتر وحطها تاني وانتظر دقايق قليلة والراوتر هيبدأ يشتغل تاني .. وبعدين اعمل اعاده تشغيل للموبايل او التابلت بتاعك اللى فيه المشكلة ، بعد ما الموبايل يفتح جرب تشغل الواي فاي .. لو لسا المشكله موجوده يبقي نشوف الخطوة اللى بعدها.
حل مشكلة الواي فاي لا يعمل على الموبايل:
- ممكن احد اسباب ان الواي فاي مش شغال انك مش في مجال الراوتر فجرب مثلاً تقعد في مكان قريب اكثر وتشوف النتيجه.
- نسيان الشبكة واعاده الاتصال .. جربت تعمل نسيان لشبكة الواي فاي الخاصة بيك وتتصل بيها من جديد.
- عمل ضبط مصنع .. جرب تعمل ضبط مصنع للموبايل بتاعك و خلي بالك من الملفات المهمة الموجوده علي موبايلك قبل ما تعمل اعدادات صبط المصنع.
نصل لنهاية الموضوع بعد مناقشة حلول الواي فاي لا يعمل على الهاتف ، إذا كان لديك استفسار او تجربة تود مشاركتها معنا لا تتردد في كتابة تعليق و سأقوم بالرد عليك فوراً ، تابعنا على فيس بوك و تويتر ليصلك المواضيع الجديدة ويمكنك مشاهدة مواضيع اكثر عبر زيارة قسم الأندرويد.
