-الكثير من التطبيقات تعتمد على النت بشكل كبير فى تلقي التحديثات الجديده والمميزات الجديده .. ايضاً قد يكون استهلاك النت لتطبيق معين كبير نوعاً ما مع عدم استخدام له ودا بيكون شىء مزعج سواء مصدر الانترنت الخاص بك محدود او بيانات الهاتف .. او حتي مصدر غير محدود مثل الواي فاي.
تقدر تتحكم فى التطبيقات اللى تقدر توصل للانترنت على موبايلك بكل سهولة .. عن طريق الاعدادات اذا كان هاتفك يعمل بنظام اندوريد حديث .. او حتي فى حالة عدم دعم الواجهه الخاصه بهاتفك للميزة دي تقدر تستخدم تطبيق من على متجر جوجل بلاي.
عن طريق التطبيق او الاعدادات بيظهرلك كل التطبيقات الموجوده على موبايلك .. وتقدر تتحكم فى وصولها للانترنت اما عن طريق الواي فاي او عن طريق بيانات الهاتف .. فمن الممكن تقفل النت لتطبيق معين فى حالة بيانات الهاتف ولكن تسمح ليه بالوصول للانترنت فى حالة الاتصال بشبكة واي فاي.
هنشرح فى الاول طريقة منع الوصول والتحكم فى التطبيقات عن طريق الاعدادات .. اذا كان موبايلك لا يدعم الميزة دي انتقل الى الخطوة الثانية وهي الخاصه بتحميل تطبيق من جوجل بلاي بيوفر لك نفس الميزة.
منع التطبيقات من الوصول الى الانترنت بدون برامج.
يمكن فصل النت عن تطبيق معين بالتحديد عن طريق اتباع الخطوات التالية.
- افتح الاعدادات الخاصه بموبايلك settings.
- اذهب الى التطبيقات ثم التحكم فى التطبيقات.
- قد يختلف الاسم من موبايل الى آخر .. المهم هو الوصول الى التطبيقات اللى انت مثبتها على موبايلك .
- ابحث عن اي تطبيق تريد فصل النت عنه واضغط عليه.
- اختار Data Usage او استخدام البيانات.
- تقدر تتحكم فى التطبيق من هنا يستخدم بيانات الهاتف ام لا ويستخدم واي فاي ام لا.
- احفظ واقفل التطبيق نهائياً وتم الان منع وصول التطبيق الى الانترنت.
لا تنسي اغلاق التطبيق بشكل نهائي حتي يتم فصل النت من التطبيق بشكل نهائي.
تطبيق التحكم فى التطبيقات التى تستهلك الانترنت.
اذا كان موبايلك لا يدعم هذه الميزة فى الاعدادات فيمكن استخدام برنامج من متجر جوجل بلاي لقفل الانترنت عن بعض التطبيقات.
- حمل تطبيق NetGuard عن طريق المتجر.
- التطبيق لا يحتاج الى روت فقط اعطي الصلاحيات اللازمه للتطبيق بعد التثبيت.
- افتح التطبيق وهيظهر كل التطبيقات المتثبته على موبايلك.
- بجانب كل تطبيق بيظهر ايقونة تقدر من خلالها تفصل النت عنه اما عن طريق الواي فاي او عن طريق بيانات المحمول.
- لمعلومات وتحكم اكثر تقدر تضغط على التطبيق وهيظر ليك نافه فيها خيارات اكثر.
- التطبيق مجاني وبيعمل بشكل ممتاز وبيساعدك فى التحكم فى استهلاك الانترنت على موبايلك.
ممكن ايضاً عن طريق التطبيق تحديد مقدار معين من الداتا او الانترنت يقدر يستخدمه التطبيق .. ثم تحذيرك باشعار بعدها ان التطبيق تخطي الداتا اللى انت سمحت بيها.. نت جارد بيحتوي على مميزات كثير بتقدر تتحكم في كل تطبيق و طريقة وصوله للنت ويستهلك قد اي بالظبط... يوجد بدائل آخر على متجر بلاي مثل NoRoot Firewall .
