القائمة الرئيسية

الصفحات

عرض شاشة الموبايل والتابلت على الكمبيوتر

اظهار شاشة الهاتف و الايباد على الكمبيوتر ويندوز وماك.. خطوة بخطوة وباستخدام USB وبدون كابل.
عرض شاشة الموبايل على الكمبيوتر

-اذا كنت تريد عمل تمرير لشاشة الهاتف الخاصه بك على الكمبيوترواللابتوب سواء بتستخدم نظام ويندوز او ماك او حتي لينكس .. فانت فى المكان الصحيح .. وكمان اذا كنت بتستخدم اي نوع من الهواتف الاندوريد او الايفون التى تعمل بنظام IOS .. تقدر تشارك وتعرض شاشة موبايلك على الكمبيوتر| ويندوز بكل سهولة وهنشرح الطرق خطوة خطوة .. وهنذكر افضل البرامج اللى بتقدملك الميزة دي .

تقدر كمان تعرض شاشة موبايلك على الويندوز بدون اي برامج وباستخدام خاصيه او برنامج مدمج مع ويندوز 10 .. وتشغيلها مبياخدش اي وقت منك ولكن مش بنفضلها بسبب ان في برامج آخري بتقدملك مميزات اكثر بكثير .. وكمان مش بتشتغل على كل الموبايلات.

طريقة عرض شاشة الاندرويد والايفون على الكمبيوتر.

  1. باستخدام تطبيق Connect على ويندوز 10.
  2. باستخدام برنامج Vysor.
  3. باستخدام برنامج AirDroid.
  4. عن طريق برنامج TeamViewer.
  5.  باستخدام LetsView للايفون.
هنبدأ نشرح كل طريقه بالصور ونكلم عن كل برنامج  في نبذه بسيطه ومميزاته وعيوبه.

- عرض شاشة الموبايل علي الويندوز 10 بدون برامج.

تقدر تستخدم تطبيق اسمو Connect بيكون مثبت مع ويندوز 10 .. من مميزات التطبيق انك مش بتحتاج انك تنزل اي برامج آخري .. وسريع وسلس فى الاستخدام فعمليه الربط مبتاخدش ثواني ومش بتحتاج اي كابلات فى تمرير شاشة الموبايل للكمبيوتر بتاعك..
ولكن من عيوبه انو مش بيشتغل على كل الاجهزة وكمان مش موجود فيه مميزات كثير زي برامج او مميزات متقدمة بتساعدك اكثر.

تقدر تستخدم التطبيق دا عن طريق انك تكتب فى البحث الخاص بويندوز 10 Connect..
عرض شاشة الموبايل على ويندوز 10 بدون برامج.

اضغط على التطبيق وافتحه هيظهرلك نافذه زرقاء وكدا البرنامج جاهز للاتصال .
عرض شاشة الموبايل على ويندوز 10 .

دلوقتي افتح موبايلك وادخل الي الاعدادات وابحث عن الاتصال بشاشة لاسلكياً .. Wireless Display .. وتكون موجوده فى اعدادات الاتصال والمشاركة 
اول ما تفتح شغل الخاصيه دي وهتلاقي الكمبيوتر الخاص بك ظهر فى البحث " لازم يكون الكمبيوتر والموبايل متوصلين بنفس شبكة الواي فاي او الانترنت".
عرض شاشة الموبايل على ويندوز 10 بدون كابل.

اضغط على الكمبيوتر الخاص بك .. النافذه الزرقاء هتتحول لعرض شاشة موبايلك وتقدر تعرض اللى عايزه على الكمبيوتر من الموبايل بدون اي كابلات  ولكن لازم يكون الجهازين على شبكة الواي فاي.
عرض شاشة الموبايل على ويندوز.


-عرض شاشة الهاتف على اللابتوب Vysor.

بتقدر تستخدم البرنامج دا على الكمبيوتر والتطبيق الخاص بك على موبايلك الاندرويد وباستخدام كابل تعرض الشاشة .. ايضاً التطبيق متاح لاجهزة الماك فى حالة عرض شاشة موبايل اندوريد على كمبيوتر ماك وايضا لينكس .. صفحة تحميل البرنامج للاجهزة المختلفة.

عرض شاشة الموبايل على لينكس

 عيوب البرنامج ان العرض بدون كابلات يحتاج اشتراك . فالتطبيق مجاني في حاله استخدام كابل الموبايل الخاص بك وتوصيل الجهازين ببعض.. تقوم بتثبيت البرنامج على الموبايل وعلى الكمبيوتر ايضاً وتفتح البرنامج على الجهازين وعن طريق الكابل هتقدر تعرض شاشة الهاتف.
من عيوبه ايضاً ان ممكن يكون تشغيله بيتطلب خطوات اكثر بالنسبة مثلاً للطريقة الاولي.

-عرض شاشة الهاتف على الكمبيوتر AirDroid.

تقدر تعرض شاشة الهاتف على الكمبيوتر الخاص بك بدون استخدام اي كابلات عن طريق ايردرويد .. البرنامج بيحتوي على مميزات كثير جداً فبعد ما تنزي التطبيق الخاص بيه على موبايلك تقدر تشوف شاشة موبايلك بدون تنزيل اي برنامج وعن طريق المتصفح وموقع AirDroid.

التطبيق اصلا فكرته هو الوصول عن بعد لملفاتك ولموبايلك مثلاً.. تقدرمن خلال الموقع تتابع كل حاجه على موبايلك وهو بعيد عنك .. فمثلاً تقدر تشوف سجلات المكالمات والرسايل وكمان التطبيقات واي آخر الاشعارات... بعد تحميل التطبيق افتح موقع آيردرويد من هنا .  سجل دخول بالحساب الخاص بيك وتقدر تتحكم وتعرض موبايلك بالكامل.
عرض شاشة الايباد على الكمبيوتر

عيوب التطبيق ان النسخه المجانية منه بتحتوي على اعلانات .. وموجود منه نسخه مدفوعه لازاله الاعلانات ولكن الاشتراك ليس مدي الحياه وبيتجدد كل فتره على حسب اشتراكك.

-عرض شاشة موبايلك عن طريق تيم فيور.

برنامج تيم فيور TeamViewer مشهور جداً على الكمبيوتر فى الوصول عن بعد لكمبيوتر آخر.. والتحكم فيه بالكامل كانك بالظبط قاعد على الكمبيوتر التاني دا.. البرنامج موجود منه نسخه خاصه بالاندويد وكمان الماك ولينكس .. فتقدر تثبت البرنامج على الاجهزة اللى هتعمل بينها مشاركه للشاشة وتستفيد منه فى عرض الشاشة.
عرض شاشة التابلت على الكمبيوتر

-عرض شاشة الايفون على الكمبيوتر LetsView.

نفس الفكرة عن طريق برنامج متاح على الاجهزة كلها تقدر بتثبيته على الايفون وكمبيوترك الويندوز او الماك .. تعرض شاشة موبايلك بسهولة والتطبيق سهل جداً فى الاستخدام وايضاً بيدعم العرض بجودة عالية. مجاني بالكامل وتقدر تحمل برنامج عرض شاشة الايفون على الكمبيوتر من هنا.
عرض شاشة الايفون على الكمبيوتر


وصلنا لنهاية المقال .. ودلوقتي تقدر تعرض شاشة موبايلك اندوريد كان او ايفون على الكمبيوتر او اللاب توب الخاص بك سواء ويندوز او ماك او حتي لينكس.
تابع المدونه من هنا للمزيد.  ♥

تابعنا على فيسبوك وتويتر 
دمتم بخير ♥.
هل اعجبك الموضوع؟
MO3Az
MO3Az
مهندس مدني "إنشاءات" مهتم بالتقنية و الاجهزة الذكية .

تعليقات