القائمة الرئيسية

الصفحات

تغيير اسمك او اسم شخص آخر على التروكولر

 طريقة تغيير الاسم على التروكولر من الكمبيوتر وايضاً من الموبايل. شرح تغيير اسم شخص آخر.
تغيير اسمك او اسم شخص آخر على التروكولر

-تطبيق تروكولر من اكثر التطبيقات اللى بيتم استخدامها على الموبايلات لمعرفة الارقام الغريبه اللى بتتصل عليك .. ولكن فى بعض الاحياه بيظهر اسمك على التروكولر بشكل خاطىء .. فمثلاً تلاقي اسم مختلف تماماً عن اسمك او اسم غير مناسب اطلاقاً وممكن تقدر تغير الاسم دا باسم الحقيقي بسهولة عن طريق الموبايل او الكمبيوتر.

اسباب ظهور اسم خاطىء لك على TrueCaller.
تروكولر بيجمع الاسماء والتفاصيل عن طريق جهات الاتصال الموجوده علي الموبايلات اللى تم تثبيت التطبيق عليها .. فمثلاً اذا كنت شغال اي وظيفه مثلا محاسب واي حد من العملاء الخاصيين بيك مسجل رقمك على موبايله مثلاً احمد المحاسب .. والعميل دا منزل التروكولر عنده ممكن يظهر رقمك على التروكولر احمد المحاسب لو رقمك مش موجود فى سجلات التطبيق ..

ايضاً فى بعض الاحيان بتشتري خط جديد "خط اتصال من اي شركة" ولكن الخط والرقم دا بيكون بتاع شخص قبل كدا مثلا و معدتش بيستخدمه .. فلما تستخدم الرقم دا ممكن يكون متسجل فى قواعد البيانات الخاصه بالتروكولر اسم المالك القديم للرقم..
فعشان كدا احنا عندنا سببين اساسيين لظهور اسمك بشكل خاطيء على التروكولر وهما:
  • تسجيل رقمك باسم خاطيء على موبايل احد المستخدمين للتطبيق.
  • اشتريت خط جديد كان بتاع حد قبل كدا ومسجل على التروكولر.
ولكن تروكولر طبعاً بتوفرلك انك تغير اسمك اللى بيظهر اثناء الاتصال بكل سهولة من التطبيق او من الكمبيوتر وهنشرح الطريقه.

تغيير اسمك على التروكولر من الموبايل.

اذا كان اسمك خاطىء تقدر تغيره عن طريق اتباع الخطوات التالية.
  1. تحميل TrueCaller وتثبيته.
  2. افتح التطبيق و اكتب رقمك وكود التفعيل اللى جالك فى رسالة.
  3. افتح القائمة داخل التطبيق واختار تعديل الصفحه الشخصية Edit Profile.
  4. اضغط على علامه القلم بجانب الاسم المكتوب.
  5. اكتب الاسم الاول والاخير الخاص بيك واللى هيظهر على رقمك.
  6. اضغط حفظ لحفظ البيانات وكدا تم تغيير اسمك على التروكولر.
تغيير اسمي على التروكولر


تغيير اسم شخص آخر على التروكولر من الكمبيوتر.

ممكن تغير الاسم على TrueCaller من الكمبيوتر عن طريق الخطوات التالية.
  • افتح موقع TrueCaller من هنا.
  • سجل الدخول على الوقع باستخدام حسابك على جوجل.
  • تسجيل الدخول هتلاقيه فى القائمة الجانبية للموقع اول خيار.
  • بعد تسجيل الدخول ابحث عن رقم الموبايل الخاص بيك فى البحث.
  • هيظهر رقمك اضغط على اقتراح اسم Suggest name.
  • اكتب الاسم اللى عايزه واضغط موافق.
  • يمكن ايضاً فتح الموقع من على متصفح الهاتف.

تغيير اسم شخص آخر من التروكولر

تغيير اسم اي شخص على التروكولر


ملحوظة: الطريقه الثانية هيا اقتراح اسم ولم يتم فيها اثبات هوية الرقم او انك صاحب الرقم الحقيقي .. وممكن اي حد يعمل كدا وتقدر تقترح تغيير اسم شخص آخر على التروكولر .. ولكن نسبه نجاح الطريقه دي مش كبيرة وبالتالي لو انت عايز تغير اسمك على التروكولر تقدر تستخدم الطريقة الاولي لان رقمك بيكون متأكد .. والتطبيق عارف انك المالك الحقيقي للرقم.

ايضاً الطريقتين سواء الطريقة الاولي او الثانية لو اتوافق عليها .. التغيير بياخد وقت على ما يظهر يعني مش بمجرد تغيير الاسم هيظهر علطول .. لا الموضوع بيحتاج فتره وبعد كدا هتلاقي الاسم اللى غيرت ليه بدأ يظهر لمستخدمين التطبيق .

يوجد ايضاً طريقة آخري وهيا التواصل عن طريق الايميل مع تروكولر support@truecaller.com .. ابعت ليهم ايميل فيه رقمك ورمز البلد وطلب لتغيير اسمك على التروكولر واحياناً بتكون نتيجتها اسرع.

اما بالنسبه لو الخط دا خط ارضي فمثلاً خاص بالعمل الخاص بيك فتقدر تغير الاسم عن طريق الاشتراك فى موقع تروكولر من هنا:
وتقدر تعدل المعلومات الخاصه بالخطوط الارضيه بتاعتك.

كدا وصلنا لنهاية المقال تابع هنا للمزيد.
تابعنا على فيسبوك وتويتر 
دمتم بخير ♥.

هل اعجبك الموضوع :
author-img
مهندس مدني "إنشاءات" مهتم بالتقنية و الاجهزة الذكية .

تعليقات

انتقل الي